ကာလီမယ်တော်

ကာလီမယ်တော်အကြောင်း ...

ကာလီမယ်တော်အကြောင်းကို သိချင်လို့ မေးကြတာများပါတယ်...
ဘာသာဝင်တွေထဲမှာရော ဘာသာခြားတွေထဲမှာပါ ကာလီမယ်တော်ကြီးဟာ
အလွန်ထင်ရှားကျော်ကြားလှပါတယ်။ ဘုရားကျောင်းတွေထဲမှာလည်း
ကာလီမယ်တော်ကြီးကျောင်းတွေဟာ အလွန်စည်ကားတာတွေ့ရတယ်။
ဘာသာခြားတွေလည်း အများအပြား လာရောက်ဆုတောင်းကြပါတယ်။
သိသာထင်ရှားစွာ စောင်မတော်မူတဲ့အတွက်ကြောင့် မယ်တော်ကြီးကို
အားကိုးကြတဲ့အပြင် ရုပ်သွင်တော်ကြောင့်လည်း ကြောက်ရွံ့ကြပါတယ်။
ကာလီမယ်တော်အကြောင်းပြောပြပါဆိုတော့ ကျွန်တော်ဘယ်လိုပြောရပါ့မလဲ...
ဗြဟ္မာ ဝိရ်ှဏု ရှိဝ သခင်တွေနဲ့ နတ်ဒေဝတာကြီးတွေတောင် မယ်တော်ကြီးအသွင်
တော်ရဲ့သဘောကို ပြည့်စုံအောင်မသိနိုင်ဘူးလို့ ကျမ်းစာတွေမှာ အတိအလင်း
ရေးသားထားပါတယ်။ သာမန်လူသားတစ်ယောက်ဖြစ်တဲ့ ကျွန်တော်ဟာ မယ်တော့်
အကြောင်းကို ဘယ်လိုများ ပြောပြနိုင်ပါ့မလဲ သို့ပေမယ့် မေးမြန်းလာကြတော့လည်း
တန္တြကျမ်းစာများစွာကို ကိုးကား၍ မယ်တော်မြတ်ရဲ့ကျေးဇူးတော်ကို အောက်မေ့
သတိရကာ ဖြေကြားပေးပါမည် ...



(၁) ကာလီမယ်တော်၏ ကာလီဟူသောနာမတော်
*********************************************

ကာလ၏ စွမ်းအင်(ရှက္တီ)ဖြစ်သဖြင့် ကာလီဟုခေါ်ပါသည်
ကာလဟူသည်မှာ အချိန်ဟု ယေဘူယျအားဖြင့်အဓိပ္ပာယ်ရပါသည်
ထို့ကြောင့် ကာလီဟူသောနာမတော်မှာ အချိန်စွမ်းအင်ဟု ယေဘူယျအားဖြင့်
အဓိပ္ပာယ်ပြန်နိုင်သည်။ အချိန်သည် အသက်ဖြစ်သည်ဟု ဆိုနိုင်ပေသည်။
အသက်ဘယ်လောက်ရှိပြီလဲဟု မေးသောအခါ အသက်-နှစ်ရှိပါပြီဟုဖြေကြရာ
နှစ်တည်းဟူသောအချိန်အားဖြင့် အသက်ကိုဖော်ပြရလေ့ရှိသည်။
အချိန်ကာလပေါ်တွင် မှီတည်၍ သက်ရှိသက်မဲ့တို့သည် ပြောင်းလဲနေကြသည်။
အချိန်ကာလအားလျော်စွာ ပေါ်ပေါက်ဖြစ်ထွန်းလာခြင်း တိုးတက်ပွားများခြင်း
ဆုတ်ယုတ်ယိုယွင်းခြင်း ပျက်စီးခြင်းတို့ လောကတွင် လည်ပတ်နေကြသည်။
ထို့ကြောင့် ကာလီဟူသောနာမတော်သည် အသက်စွမ်းအင် ဖြစ်တည်ပျက်ခြင်းတို့
စွမ်းအင်ဟုလည်း ပြောနိုင်ပေသည်။
စကြာဝဠာအနန္တကိုလည်း အချိန်ကာလက လွှမ်းမိုးထားပြန်သည်။
လောကအားလုံးကိုလည်း အချိန်ကာလက ထိန်းချုပ်ထားပြန်သည်။
ထို့ကြောင့် ကာလီဟူသောနာမတော်သည် စကြာဝဠာအနန္တစွမ်းအင်
လောကအားလုံးကို လွှမ်းမိုးချုပ်ကိုင် ပိုင်စိုးသောစွမ်းအင်ဟုလည်း ပြောနိုင်ပေသည်။
အချိန်ကာလဖြင့်သာ ကံကြမ္မာတို့သည် အမျိုးမျိုးပြောင်းလဲ၍ရကြသဖြင့် ကံကြမ္မာ
သခင်မ ဟုလည်း ခေါ်နိုင်ပေသေးသည်။
ကာလီမယ်တော်သည် နာမတော် ရုပ်သွင်တော် များစွာရှိပါသည်။
ထင်းရှားလာသိများသော နာမနှင့်ရုပ်သွင်တော်အချို့ကို ဖော်ပြရမည်ဆိုလျင်-

မဟာကာလီ ဘဒြကာလီ ဒက္ခိဏာကာလီ ရက္ဓာကာလီ ဂုဟျကာလီ စာမုဏ္ဍာကာလီ
ပြတျင်္ဂီရာကာလီ သ္မသာနကာလီ mahakali, bhadrakali, dakshinakali, rakshakali
guhyakali, camundakali, pratyangirakali, shmashanakali - တို့ ဖြစ်ပေသည်။
ထိုအထဲတွင် တန္တြိကာဆရာသခင်များ အလွန်ဆည်းကပ်ကိုးကွယ်သော တန္တြကျမ်းစာ
များတွင်လည်း များစွာဖော်ပြခြင်းပြုထားသော ဒက္ခိဏာကာလီ မယ်တော်ကြီး၏
နာမတော်နှင့် ရူပတော်ကို ဖော်ပြသွားပါမည်။

ဒက္ခိဏာဟူသောအနက်မှာ အလွန်မြင့်မြတ်သော အကျိုးပေးတတ်သောဟု
ယေဘူယျအားဖြင့် အဓိပ္ပာယ်ရသည်။
ဒက္ခိဏာကာလီမယ်တော်သည် ဒသမဟာဝိဒြာခေါ်သော အလွန်ကြီးမာသောပညာ
မယ်တော်ဆယ်ပါးတွင် ပထမဆုံး အဦးဆုံးမယ်တော်ဖြစ်သည်။

ဒက္ခိဏာကာလီမယ်တော်ကြီး၏အသွင်တော်
****************************************

မယ်တော်သည် အနက်ရောင်ဖြစ်သည်
အရောင်ပေါင်းစုံတွင် မည်သည့်အရောင်မဆို အနက်ရောင်နှင့်ရောသောအခါ
အနက်ရောင်သာထင်ရှားပေါ်လွင်၍ အခြားအရောင်များသည် အနက်ရောင်တွင်
ပေါင်းစည်းဝင်ရောက် ပျောက်ကွယ်သွားရသည်။
ထို့အတူ မည်သည့်စွမ်းအင်မဆို မယ်တော့်ထံ၌ ပေါင်းစည်းဝင်ရောက်သွားရသဖြင့်
စွမ်းအင်အားလုံးတို့ကို လွှမ်းမိုးနိုင်သောအထိမ်းအမှတ်အဖြစ် အနက်ရောင်ဖြစ်ပေသည်။
မယ်တော်သည် ရှိဝသခင်၏ရင်ပတ်တော်ပေါ်တွင် ခြေတော်တစ်ဖက်နင်းကာ
ခြေတ်ာကိုကားလျက် ရပ်တော်မူဟန်ရှိသည်။
ရှိဝသခင်သည် တန်ခိုးသိဒ္ဓိအားလုံးတို့၏ပိုင်ရှင် ဖြစ်ပေသည်။
ရှိဝသခင်သည် ထိုသို့တန်ခိုးသိဒ္ဓိများပြည့်ဝနေခြင်းမှာ ကိုယ်တော်၏ရင်တွင်း၌
ကာလီမယ်တော်၏စွမ်းအင်များ ကိန်းအောင်းနေ၍ဖြစ်သည်။
ကျမ်းစာများတွင် ရှိဝဟူသောနာမတော်၌ "ဣ"အက္ခရာသည်
စွမ်းအင်၏အထိမ်းအမှတ်ဖြစ်သည်။
ရှိဝတွင် ဣ အက္ခရာကို ဖြုတ်လိုက်ပါက ရှဝ ဟုဖြစ်သွားသည်။
ရှဝ ဟူသောအဓိပ္ပာယ်မှာ အသေ အလောင်း ဟု အဓိပ္ပာယ်ရသည်။
စွမ်းအင်ရှက္တီ မရှိတော့လျင် ရှိဝသခင်သည်လည်း အလောင်းတစ်လောင်းကဲ့သို့
ဖြစ်သွားမည်ဟု ကျမ်းစာတွင် အတည်အလင်းဖော်ပြထားသည်။
မယ်တော်၏ခြေတော်နင်းထားသော ရှိဝသခင်၏အသွင်တော်ကို ရှဝရှီဝ ဟု ခေါ်သည်။
ရှိဝသခင်သည် အလောင်းအသွင်ဖြင့် မယ်တော်ခြေတော်နင်းရာ၌
လှဲလျောင်းနေခြင်းမှာ ကာလီ၏စွမ်းအင်သည် ငါ၏ရင်တွင်း၌တည်ရှိသည်။
ကာလီ၏စွမ်းအင်မရှိပါက ငါသည်ပင်လျင် အလောင်းတစ်လောင်းကဲ့သို့
ဘာမျှမစွမ်းနိုင် ဟု ကိုယ်တော်မှ ဖော်ပြထားခြင်းဖြစ်သည်။
မယ်တော်သည် ရှိဝသခင်၏ရင်ပတ်တော်ပေါ်တွင် ဘယ်ဘက်ခြေတော်ကိုချထားကာ
မြေပြင်ပေါ် သို့မဟုတ် ရှိဝသခင်၏ခြေတော်ပေါ်တွင် ယာဘက်ခြေတော်ချထားသည်။
မြေပြင် သို့မဟုတ် ရှိဝသခင်၏ခြေတော်မှာ လောကကိုဖော်ဆောင်ထားခြင်းဖြစ်သည်။
ငါသည် ရှိဝသခင်၏ရင်၌ရှိသကဲ့သို့ တစ်လောကလုံး၌လည်း တည်ရှိသည်ဟု
အဓိပ္ပာယ်ရသည်။

လက်တို့ကိုဖြတ်၍ ခါးတော်၌ဆင်မြန်းထားခြင်းမှာ လောကီအလုပ်တို့မှ ရပ်၍
ငါ့ထံတော်သို့ချဉ်းကပ်ခဲ့ကြလော့ ဟု တပည့်သားသမီးများကို အသိပေးထားခြင်း
ဖြစ်သည်။
သင်တို့၏လက်များသည် လောကီကိစ္စများတွင် မအားမလပ်အောင်လုပ်ကိုင်နေခြင်းမှ
ရပ်တန့်၍ သင်တို့လက်များအား ငါ့ထံတော်တွင် ဝန်းရံစေလော့ဟု မယ်တော်မှ ဆုံးမ
အသိပေးထားခြင်းဖြစ်သည်။
ခေါင်းပြတ်များကို သီကုံး၍ လည်တော်တွင် ဆင်မြန်းထားခြင်းမှာလည်း
သင်တို့သည် ဒွာရဣနြေ္ဒတို့ကို ထိန်းချုပ်၍ ငြိမ်သက်စေလျက် ငါ့ရင်ခွင်သို့
လာကြလော့ဟု မယ်တော်မှ ဖိတ်ခေါ်တော်မူထားခြင်းဖြစ်သည်
အကြောင်းမှာ မျက်စိ နား နှာခေါင်း လျှာ အရေပြား စိတ် တည်းဟူသော
အာရုံခံစားမှုကိုလက်ခံရာ ဒွါရခြောက်ပါး တံခါးခြောက်ပေါက်တို့သည် ဦးခေါင်းတွင်
အားလုံးတွေ့နိုင်ပေရာ ဦးခေါင်းများကိုဖြတ်ထား၍ လည်တော်တွင်ဆင်မြန်းထားခြင်းမှာ
သင်တို့သည် ဒွါရခြောက်ပါးကို နိုင်အောင်ထိန်းချုပ်၍ အာရုံများကို ပယ်သတ်ကာ
ငါ့ထံတွင် ခိုလှုံ့လော့ ဟု မယ်တော်မှ ဖော်ပြထားခြင်းဖြစ်သည်။

လခြမ်းကွေးသဏ္ဍာန် ဓားကောက်မှာ ဉာဏ်ပညာကို ဖော်ဆောင်ထားခြင်းဖြစ်သည်။
ဉာဏ်ပညာတည်းဟူသောဓားဖြင့် အာရုံများကို ထိန်းချုပ်ပယ်သတ်လော့ ဟူသော
အဓိပ္ပာယ်ဖြင့် ဘယ်ဘက်အထက်လက်တော်တွင် ဓားကောက်ကိုကိုင်ကာ ဘယ်ဘက်
အောက်လက်တော်တွင် လတ်လတ်ဆတ်ဆတ်ဖြတ်ထားသောခေါင်းပြတ်ကို
ကိုင်ဆွဲထားခြင်းဖြစ်သည်။
ယာဘက်အထက်လက်တော်သည် ဘေးရန်ကင်းစေဟု အဘယမုဒြာ ပြထားပြီး
ယာအောက်လက်တော်မှာ အလိုရှိတိုင်းပြည့်စေ အကျိုးပေးစေဟု အဓိပ္ပာယ်ရသော
ဝရဒမုဒြာကို ပြထားသည်။
ဉာဏ်ပညာဖြင့် အာရုံများကို ပယ်သတ်၍ ငါ့ဆီသို့ ချဉ်းကပ်လော့
ထိုသို့ပြုလျင် သင်တို့တွင် ဘေးဘယာမရှိတော့ဘဲ အလိုရှိသောဆုကိုရလိမ့်မည်ဟု
အဓိပ္ပာယ် ဖော်ဆောင်နေသည်။
နားတော်၂ ဖက်တွင် အလောင်းတစ်စုံကို ဆွဲထားသည်။
ယာနားတော်ရှိအလောင်းမှာ နေမင်းဖြစ်ပြီး
ဘယ်နားတော်ရှိအလောင်းမှာ လမင်းဖြစ်သည်။
နေလတို့သည် နေ့နှင့်ညကို ကိုယ်စားပြုသည်
နေ့နှင့်ညတို့သည် အချိန်ကို ကိုယ်စားပြုသည်
ငါသည်အချိန်ကာလ၏ အထိမ်းချုပ်ခံမဟုတ် အချိန်ကာလကိုသာ
ငါက ထိန်းလျုပ်ထားသည်ဟု ဆိုလိုခြင်းဖြစ်သည်။
လျှာတော်ကို ရှည်လျားစွာထုတ်၍ သွားတော်များဖြင့်ကိုက်ထားခြင်းမှာ
ရမ္မက်တည်းဟူသော လျှာကို သတိတည်းဟူသော သွားဖြင့် ထိန်းချုပ်ကာ
ငြိမ်ဝပ်စေလော့ဟု မယ်တော်မှ ဆုံးမတော်မူထားခြင်းဖြစ်သည်။

မျက်လုံးတော်မှာ သုံးလုံးဖြစ်သည်။
အရာရာကို ပကတိမျက်စိဖြင့်မျှသာမကြည့်ဘဲ
ဉာဏ်မျက်စိဖြင့် ရှုမြင်ကြလော့ ဟု ဆိုလိုသည်
တတိယမျက်လုံးတော်မှာ ဉာဏ်မျက်လုံးတော်ဖြစ်သည်။
ဦးခေါင်းတော်ဘယ်ဘက်တွင် လခြမ်းကွေးကို ဆင်မြန်းထားခြင်းမှာ
မသေဆေးအမြိုက်ရည်သည် ဉာဏ်ပညာ၌ရှိသည်ဟု ဖော်ပြနေသည်။
လခြမ်းကွေးသည် အမြိုက်ဆေးရည်၏သင်္ကေတဖြစ်ပြီး
ဦးခေါင်းသည် အသိဉာဏ်ပညာကို ကိုယ်စားပြုသည်။
ဆံပင်ဖားလျားချထားခြင်းမှာ အချုပ်အနှောင်ကင်း၍
လွတ်လပ်ခြင်း၏ သင်္ကေတဖြစ်သည်။
ဆံတော်များ အထက်သို့လွင့်ပျံနေဟန်မှာ ဉာဏ်ပညာဖြင့် အချုပ်အနှောင်များမှ
ကင်းလွတ်ကာ အထက်သို့တကိလော့ဟု နိမိတ်ပြထားဟန်ဖြစ်သည်။
ကိုယ်တော်တွင် အဝတ်အထည် ဝတ်ဆင်မထားခြင်းမှာ အပေါ်ယံအကာများမှ
ကင်းလွတ်စေကာ အနှစ်သာရရှာဖွေလော့ဟု လမ်းညွှန်တော်မူခြင်းဖြစ်သည်။
သုဿာန်တွင် တည်နေဟန်မှာ သတ္တဝါအားလုံးသည် သေခြင်းအဆုံးဖြစ်သည်ဟု
သတိပေးခြင်းပင်။
ခွေးအများသည် ခေါင်းပြတ်မှ သွေးများသောက်နေဟန်မှာ ဉာဏ်နည်းသူတို့သည်
ငါ့ထံသို့ချဉ်းကပ်၍ အာရုံခံစားရန် လောကီစည်းစိမ်များကို တောင်းကြသဖြင့်
သူတို့သည် သူတို့လိုရာကိုရကြသော်လည်း ငါအမှန်ပေးသော စစ်မှန်သောချမ်းသာကို
မယူနိုင်ကြပေဟု မယ်တေိာမှ ပုံဆောင်ပြသထားခြင်းဖြစ်သည်။
ဒက္ခိဏာကာလီမယ်တော်၏ နာမတော် ရုပ်သွင်တော်ကို တပည့်တော်သည်
ရိုသေမြတ်နိုးစွာ ရှိခိုးသီကုံးလိုက်ပါသည် မယ်တော်ကြီးဘုရား...။

ကိုမျိုးထွန်း (မှော်ပညာ)

video: အိန္ဒိယ ကာလီမယ်တော်ပွဲ
Teertha Yatra - Dakshina Kali     21:27 mins
https://www.youtube.com/watch?v=Xo0ZJKxkvlY

Facebook : ကာလီမယ်တော်