ဂဟီမိုင် (Gadhimai) နတ်ဘုရားမ

ဂဟီမိုင် (Gadhimai) နတ်ဘုရားမအား ယဇ်ပူဇော်သည့် ပွဲတော်

-------------------------------------------------------------------

နှစ်ရက်တာ ကျင်းပရသော Gadhimai ဟုခေါ်သည့် နတ်ဘုရားမတစ်ပါးအား ပူဇော်သည့် ပွဲတော်ကို ကမ္ဘာပေါ်ရှိ အကြီးမားဆုံးသော တိရစ္ဆာန်ယဇ်ပူဇော်ပွဲကြီးအနေဖြင့် ကျင်းပခဲ့သည်။

နီပေါနိုင်ငံတွင် ၅ နှစ်တစ်ကြိမ် ကျင်းပလေ့ရှိသော အဆိုပါ ပွဲတော်ကြီးအား ၂၀၁၄ ခုနှစ်က နောက်ဆုံး ကျင်းပ ပြုလုပ်ခဲ့ခြင်း ဖြစ်သည်။ ယင်းပွဲတော် အချိန်တွင် တိရစ္ဆာန်ပေါင်း အကောင်ရေ တစ်သိန်းခန့် စတေးကာ သတ်ဖြတ်ခံကြရလေ့ရှိပြီး သိန်းဆယ်နှင့်ချီသော လူများကလည်း သောင်းသောင်းဖျဖျ ဝိုင်းအုံကြည့်ရှု အားပေးလေ့ရှိကြသည်။ ယခု ထွက်ပေါ်လာသော ဓာတ်ပုံများမှာ ၂၀၁၄ ခုနှစ်တွင်
ကျင်းပသောပွဲတော်ကာလမှ ဖြစ်သည်။

၂၀၁၄ ခုနှစ်တွင် ယဇ်ပူဇော်ခံရသော တိရစ္ဆာန်ပေါင်း ၂ သိန်းခွဲ ရှိခဲ့ပြီး ၂၀၀၉ ခုနှစ်တွင် အသတ်ခံခဲ့ရသော တိရစ္ဆာန်များတွင် ကျွဲ၊ တောင်ဆိတ် နှင့် ကြက်များ ပါဝင်ပြီး စုစုပေါင်းကောင်ရေမှာ ၅ သိန်းအထိ ရှိခဲ့ပြီး လာရောက်အားပေးသည့် လူပေါင်း သိန်း ၅၀ ကျော်ခန့်က သောင်းသောင်းဖျဖျဖြင့် ဂိုင်းအုံကြည့်ရှုခဲ့ကြ ပါသည်။ အဆိုပါ လာရောက်ကြသူများအနက် ၈၀% ကျော်မှာ အိန္ဒိယမှ လာရောက်ကြသူများ
ဖြစ်ပါသည်။

ဂဟီမိုင် နတ်ဘုရားမကို လွန်ခဲ့သောနှစ်ပေါင်း ၂၆၅ နှစ်ကတည်းက စတင်၍ ကိုးကွယ်လာကြခြင်း ဖြစ်ပြီး အိန္ဒိယနိုင်ငံ၏ ဒဏ္ဍာရီပုံပြင်မှတ်တမ်းများအရ ပဒေသရာဇ် မြေပိုင်ရှင် ချစ်တီးသူဌေးကြီးတစ်ဦးမှ ဂဟီမိုင် နတ်ဘုရားမကို လူ့အသက်စတေး၍ ယဇ်ပူဇော်ပါက ကမ္ဘာပေါ်တွင် ကြုံတွေ့နေရသော အခက်အခဲ များအား ဖြေရှင်းနိုင်လိမ့်မည်ဟူသော သူ၏ အိပ်မက်ကို အကောင်အထည်ဖော်ရန် လူ့အသက်အစား တိရစ္ဆာန်မြောက်များစွာ၏ အသက်တို့အား ရွေးချယ်ခဲ့ခြင်းဖြစ်ပြီး ယင်းရိုးရာအစဉ်အလာကို ယနေ့အချိန်ထိ
ထိန်းသိမ်းလာခဲ့ခြင်းဖြစ်ပါသည်။

ထိုနတ်ဘုရားမ ဂဟီမိုင် ၏ ပွဲတော်ကာလအတွင်း မနက်ဝေလီဝေလင်းအချိန်မှ စတင်ကာ ပွဲတော်ပြီးဆုံးသည့် အချိန်ထိ ထောင်ပေါင်းများစွာသော တိရစ္ဆာန်များ၏ အလောင်းများနှင့် ဦးခေါင်းများသည် ၎င်းနတ်ဘုရားမ၏ ကျောင်းဆောင်တော် အပြင်ဘက်ရှိ မြက်ခင်းပြင်ပေါ်တွင် သွေးသံတရဲရဲဖြင့် ပြည့်နှက်၍ နေလေသည်။

ဂဟီမိုင် နတ်ဘုရားမ ကျောင်းတော် (နီပေါ)

မှတ်ချက်။ ဓာတ်ပုံနှင့် အချက်အလက်များအား cri မှ ကိုးကားခြင်း ဖြစ်ပါသည်။


မေသွေး @ အလင်းမျက်ဝန်း
links -
https://www.thenewsminute.com/article/worlds-largest-animal-sacrifice-praise-goddess-gadhimai-nepal-21454
https://en.wikipedia.org/wiki/Gadhimai_festival
https://en.wikipedia.org/wiki/Gadhimai_Temple
.