ချိစ် (ခေါ်) ဒိန်ခဲ လေးများအကြောင်း

*** ချိစ် (ခေါ်) ဒိန်ခဲ လေးများအကြောင်း ***

==============================

⇒  Cheese ဆိုသော ဝေါဟာရ သည် လက်တင်ဘာသာစကားမှ ဆင်းသက်လာခြင်းဖြစ်ပါသည်။
အလွန်ရှေးကျသော အင်္ဂလိပ်ခေတ်က Cese(စိစ်) ဟု ခေါ်ဝေါ် ခဲ့ကြပြီး၊ ကာလရွေ့လျားလာတဲ့အခါမှာတော့
Cheese(ချိစ်) ဟု အမည် တွင်လာခဲ့ပါသည်။


⇒ ချိစ်ဆိုတာ ဘာလဲ? အလွယ်ပြောရရင်ဖြင့် ချိစ်ဆိုသည် မှာ နို့ကို မှုိတက်အောင် ကဇော်ဖောက်ထားပြီး၊
မဆိုသလောက် အငန်ဓာတ် ကဲထားသည့် အနှစ်ခဲဖြစ်ကာ၊ အဆီဓာတ်နှင့် ပရိုတင်းတို့  အမြောက်အများ
ပါဝင်သည့် နို့ထွက်ပစ္စည်း တမျိုးဖြစ်ပါသည်။
သူ့ နိုင်ငံ၊ သူ့ ရေမြေဒေသ၊ ထုံးတမ်းဓလေ့ပေါ်မူတည်ပြီး၊ ချိစ် ကို နွားနို့ ၊ ဆိတ်နို့ ၊ သိုးနို ၊့ကျွဲနို ၊့ တန်ဒြာဒေသ
သမင်နို့ ၊ ကုလားအုပ်နို့ ၊ စာမရီ(ခေါ်) တိဗက်နွားနို့  တို့ မှ ပြုလုပ်ကြပါသည်။ အသုံးပြုထားသော နို့အမျိုးအစား၊
နို့ကိုကျိုချက်ကာ ဒိန်ခဲစေသောနည်းပညာ၊ မှိုတက်စေသော နည်းပညာ၊ ဆား ထဲ့ဝင်မှုပမာဏ၊ အပူရှိန် အနိမ့်
အမြင့်၊ ပြုလုပ်သောကြာချိန်၊ အစိုဓာတ်ထိန်းထားမှု၊ လေ ပါဝင်မှု အနဲအများ… စသည်တို့အပြင် အတွေ့အကြုံနှင့်
နည်းပရိယာယ်ပေါ်မူတည်ပြီး ချိစ်၏ အနံ့ /အရသာ/ပုံသဏ္ဍာန်၊ ချိစ်အသားနှင့် အရောင်အဆင်းတို့  ကွဲပြား
ခြားနားကြပါသည်။ ယနေ့ ကမ္ဘာပေါ်တွင် ချိစ် အမျိုးအစားပေါင်း ၂၀၀၀ ကျော်ရှိပါသည်။ အထူးသဖြင့်
အနောက်နိုင်ငံ၏ စွယ်စုံရသော ဘက်စုံပြုလုပ်နိုင်သည့် အစားအစာ တစ်ခုအဖြစ် အခိုင်အမာ နေရာယူလျှက်
ရှိပါသည်။

♛ (ချိစ်ရာဇဝင်)
⇒  သမိုင်းကြောင်းကို လေ့လာကြည့်ရာတွင် ကျောက်ခေတ်နှောင်းပိုင်းကတည်းက ကျောက်ခေတ်လူသား
များသည် တိရိစ္ဆာန်ထွက် (ဝါ) နို့ ထွက်ပစ္စည်းတို့ ကို သောက်သုံးလာခဲ့ကြပါသည်။ ချိစ် စတင်တွေ့ရှိသည့်
သမိုင်းရာဇဝင် သက္ကရာဇ်အထောက်အထားကို ခိုင်လုံတိကျစွာ ဖော်ပြထားခြင်း မရှိပါ။ ပုံပြင်ဒဏ္ဍာရီများအရ
ရေကြည်ရာ မြက်နုရာသို့ လှည့်လည်ကျက်စားနေကြသော အာရှတိုက် အလယ်ပိုင်းရှိ မျိုးနွယ်စုတစ်စုသည်
လမ်းခရီးတွင် အစာရေစာ အဖြစ် သောက်သုံးနိုင်ရန်အတွက် သိုးနို့ များကို သယ်ဆောင်လာခဲ့ ကြပါသည်။
ထိုခေတ် ကာလများ တွင် ဆိတ် (သို့ မဟုတ်) သမင် တို့၏ ဝမ်းဗိုက်သားရေဖြင့် ချုပ်လုပ်ထားသော
ကုန်းနှီးအိတ်များထဲတွင် သိုးနို့ များကိုထဲ့ကာ၊ မြင်းပေါ်တင်၍ သွားလာကြခြင်း ဖြစ်ပါသည်။ မြင်း၏ကဆုန်ပေါက်
ပြေးလွှားသော အရှိန်ကြောင့် အိတ်ထဲရှိ သိုးနို့ များကို ဒလက် လှည့်သကဲ့သို့ အပြင်းအထန်လှုပ်ရှားစေကာ၊
ရာသီဥတု၏ အပူရှိန်နှင့်အတူ နို့ ထဲ့ ထားသော တိရိစ္ဆာန်သားရေအိတ် ၏ ဓာတ်ပြုမှုတို့ ကြောင့် အိတ်ထဲရှိ
နို့ များသည် အချဉ်ပေါက်လာ ပါတော့သည်။ ထိုအခါ နို့ ဓမ်းရေကြည် (ခေါ်) ဒိန်ရည်ကို ဖယ်ပြီး ကျန်ရှိနေသော
ဒိန်ခဲအနှစ်ဖတ်ကလေးများကို တာရှည်ခံရန်အတွက် ဆားအနဲငယ်ရော၍ မြေအိုးထဲတွင် သိမ်းဆည်းကာ
စားသုံးလာခဲ့ကြရာမှ အစပြုပြီး  ဒိန်ခဲ ဖြစ်ပေါ်လာသည်ဟု သိရပါသည်။

♛  ချိစ်နှင့်အနောက်ကမ္ဘာ
⇒  ဤနည်းဖြင့် အာရှတိုက်အလယ်ပိုင်းမှ အမှတ်မထင် တွေ့ ရှိခဲ့ရသော ဒိန်ခဲစားသုံးမှုသည် ခေတ် ကာလ
ရွေ့လျား လာပြီးနောက် ၁၄-ရာစု နောက်ပိုင်းတွင် အမေရိကန်ဘုန်းတော်ကြီး များမှတဆင့် ဥရောပ တစ်တိုက်
လုံးသို့ ပျံ့ နှံ့ သွားခဲ့ပါသည်။ ၁၄-ရာစု နှောင်းပိုင်းအထိ သိုးနို့  တစ်မျိုးတည်းမှသာ ဒိန်ခဲကို ပြုလုပ်ကြသေးသဖြင့်
ကုန်ကြမ်းဖြစ်သော သိုးနို့များကို လတ်လတ်ဆတ်ဆတ် ရရှိရန်အတွက် ၁၄၉၂ ခုနှစ်တွင် ခစ္စတိုဖာ ကိုလံဘတ်စ်
သည် Santa Maria မှ သိုးများကို သင်္ဘောဖြင့် တင်ကာ ကမ္ဘာသစ်ဆီသို့ ကုန်သွယ်ဖောက်ကား လာခဲ့ပါသည်။
ထိုအချိန်မှစ၍ ချိစ် (ခေါ်) ဒိန်ခဲစားသုံးသော ယဉ်ကျေးမှုသည် ကမ္ဘာနှင့်အဝှမ်း ထွန်းကားလာခဲ့ပါတော့သည်။
၁၈-ရာစု နှစ်လယ်လောက်တွင် ချိစ်ကို ကျန်းမာရေးသုတေသန ပြုလုပ်ခဲ့ကြရာ၌၊ ချိစ်သည် အဆီဓာတ်များသော
အစားအစာဖြစ်၍ အလွန်အကျွံ စားသုံးပါက၊ အစာချေဖျက်မှုစံနစ်ကို နှေးကွေးစေပြီး အစာမကျေဖြစ်နိုင်ခြင်း၊
အစာအိမ်အတွင်းကြွက်သားများကို ဖိအားဖြစ်စေကာ ရင်ပူနာဖြစ်ခြင်း၊ နှလုံးအဆီဖုံးခြင်း စသည့် ဘေးထွက်
ဆိုးကျိုးများ ဖြစ်ပေါ်စေကြောင်း သိရှိရပြီးနောက်မှာတော့ ချိစ် စားသုံးမှု ကျဆင်းသွားခဲ့ပါသည်။ သို့သော်
၁၉-ရာစု နှစ်ဦးပိုင်းမှစ၍ ချိစ် စားသုံးမှု ပြန်လည် တခေတ်ဆန်းလာခဲ့ပြန်ပါသည်။ ယနေ့ အနောက်နိုင်ငံ
တော်တော်များများတွင် ချိစ်ကို အထူးသဖြင့် ပီဇာထဲတွင် ထဲ့စားလေ့ရှိကြပြီး၊ ဟင်းလျာအမျိုးမျိုး၊ ပူတင်း၊
ကိတ်မုန့် ၊ ပေါင်မုန့် ၊ ဘီစကစ်၊ ကွတ်ကီးစ်၊ ဘာဂါ နှင့် အသားညှပ် ပေါင်မုန့် တို့တွင်လည်းကောင်း၊ ချိစ်
အလွှာလေးများကို သစ်သီး၊ အချိုရည်၊ ဝိုင်၊ ယမကာတို့ ဖြင့် တွဲဖက်၍သော်လည်းကောင်း စားသုံးကြပါသည်။

♛  အမေရိကန်ချိ်စ်များ
⇒  ၁၇ ရာစုနှစ် နောက်ပိုင်းမှစ၍ အမေရိကန်တွင် ချိစ်စားသုံးသော ယဉ်ကျေးမှုထွန်းကားလာခဲ့ပြီး၊
၁၈၇၈ ခုနှစ်တွင် တစ်ကမ္ဘာလုံးသို့  စားသောက်ကုန် နို့ထွက်ပစ္စည်း ပို့ကုန်တစ်ခု အဖြစ် တင်ပို့ လာနိုင်ခဲ့ပါသည်။
အမေရိကမှလာသော ချိစ်သည် အခြားနိုင်ငံမှ သွင်းကုန်ချိစ်များနှင့်နှိုင်းယှဉ်ပါက၊ ဈေးနှုန်းချိုသည့်အတွက်
အရောင်းရတွယ်ကျယ်ခြင်း ဖြစ်ပါသည်။ ယနေ့ ကမ္ဘာပေါ်တွင် ချိစ် အစားဆုံး နိုင်ငံမှာ အမေရိကန် ဖြစ်ပါသည်။
အမေရိကန်နိုင်ငံသား ၁-ဦးစီ၏ ပျမ်းမျှ ချိစ်စားသောက်နှုန်းသည် တစ်နှစ်လျှင် (၃၁)ပေါင် အထက်တွင်ရှိပါသည်။
ယနေ့ အမေရိကန်တွင် ချိစ်အမျိုးပေါင်း ၃၀၀ နီးပါးခဲ့ရှိရာ၊ လူကြိုက်အများဆုံး ချိစ်မှာ American Cheese ဖြစ်ပြီး
တစ်နှစ်လျှင် ပေါင် သန်းပေါင်း ၅၈၀ ခန့် ထုတ်လုပ်ရပါသည်။ ဒုတိယ လူကြိုက် အများဆုံး ချိစ်မှာ Cheddar
Cheese ဖြစ်ပြီး တစ်နှစ်လျှင် ပေါင်သန်းပေါင်း ၅၃၀ ခန့်  ထုတ်လုပ်ရပါသည်။ တတိယ လူကြိုက် အများဆုံး
ချိစ်မှာ Mozzaerella Cheese ဖြစ်ပြီး တစ်နှစ်လျှင် ပေါင်သန်းပေါင်း ၂၅၀ ခန့် ထုတ်လုပ်ရပါသည်။ လူကြိုက်
အများဆုံးဖြစ်သည့် American Cheese ကို မူလပထမကအဖြူရောင်အဖြစ် ထုတ်လုပ်ခဲ့ကြသော်လည်း၊
နောက်ပိုင်းတွင် အဝါရောင်အဖြစ် အသစ် ပြုပြင်ပြောင်းလဲ ထုတ်လုပ်လာကြပါသည်။ နွားနို့ကိုအခြေခံ၍
ထုတ်လုပ်ထားပြီး၊ ဈေးကွက်ထဲတွင် အဆီပါသောချိစ် နှင့် အဆီမပါသော ချိစ် ဟူ၍ (၂)မျိုး ရောင်းချကြပါသည်။

⇒  အမေရိကန်ချိစ်သည် အနံ့ အရသာမပြင်းဘဲ၊ ချိစ်အသား မှာလဲ မမာလွန်း/မပျော့ လွန်း သောကြောင့်
လျှာပေါ်တွင် ပျော်ဝင်လွယ်ပါသည်။ များသောအားဖြင့် အမေရိကန်နိုင်ငံတွင် ထိုချိစ်ကို ချိစ်ဘာဂါ၊ အသားညှပ်
ပေါင်မုန့် ၊ ဒိန်ခဲဆော့စ် အဖြစ် စားလေ့ရှိကြပြီး၊ သူ့ ချည်းပဲလဲ အရသာခံ၍ စားကြပါသည်။

♛  ပြင်သစ်ချိစ်များ
⇒  ပြင်သစ်နိုင်ငံလုပ် ချိစ်များသည် ကမ္ဘာပေါ်တွင် အရသာအကောင်းဆုံးအဖြစ် နာမည်ကြီးပါသည်။
ပြင်သစ်နိုင်ငံတွင် ချိစ် အမြောက်အများထုတ်လုပ်လျှက်ရှိရာ၊ ၄င်းတို့အနက် (၁) Camembert ဟုခေါ်သော
ချိစ်အပျော့ (၂) Brie ဟုခေါ်သော ကရင်မ်များသောချိစ်နှင့် (၃) ရနံ့ စူးရှသော Roquefort (ခေါ်) Blue ချိစ်
တို့သည် အထူးထင်ရှားပါသည်။

⇒ Camembert Cheese ၏ ထူးခြားချက်မှာ ပြင်သစ်နိုင်ငံအနောက်မြောက်ဘက်ရှိ ပန်းသီးထွက်ရှိရာ
Normandy ဒေသတွင် မွေးမြူထားသည့် နွားနို့ စစ်စစ်ဖြင့်သာ ချိစ် ကို ပြုလုပ်ခြင်း ဖြစ်ပါသည်။ ထိုဒေသထွက်
နွားနို့ တို့သည် အဆီဓာတ်ကြွယ်ဝကာ၊ ပရိုတင်းနှင့် ဗီတာမင်တို့  အပြည့်အဝ ပါရှိပါသည်။ နူးညံ့ပျော့ပျောင်းကာ
အနံ့အရသာနှင့် ပြည့်စုံလှသဖြင့် “ နပိုလီယံ ” က Camembert ဟု အမည်ပေးခဲ့ခြင်း ဖြစ်ပါသည်။ အချို့ကလဲ
ထို ချိစ် သည် ပန်းသီးရနံ့  ပြင်းလွန်းသည်ဟု စောဒက တက်ကြပါသည်။

⇒  Brie Cheese သည် ပြင်သစ်နိုင်ငံတွင် ၈-ရာစုနှစ်ကတည်းက ခေတ်စားလာခဲ့ပါသည်။ ယနေ့ ထက်တိုင်
ပြင်သစ်နိုင်ငံ၏ မင်းစိုးရာဇာ ပွဲများတွင် ရှေးရိုးရာဂန္တဝင်မြောက်သော ချိစ် အဖြစ် ပွဲလည်တင့်လျှက်ရှိပါသည်။
ထိုချိစ်ကို နွားနို့ မှ ပြုလုပ်ထားခြင်းဖြစ်ပါသည်။ ချိစ်၏ အပေါ်ယံအပြင်ဘက် အပိုင်းသည် အနဲငယ် တောင့်တင်း
သော်လဲ၊ အထဲတွင် နူးညံ့ကာ ကရင်မ်များသော အဖြူရောင် ချိစ်ဖြစ်ပြီး၊ ရနံ့လဲ မွှေးပါသည်။

⇒ ပြင်သစ်နိုင်ငံတောင်ပိုင်းမှ ထွက်ရှိသော Roquefort (ခေါ်) Blue Cheese သည် ကမ္ဘာ့အကောင်းဆုံး
ချိစ်အဖြစ် ထင်ရှားကျော်ဇောပြီး၊ ပြင်သစ်နိုင်ငံတွင်မတော့ “ ချိစ်ဘုရင် ” ဟု ခေါ်ကြပါသည်။ ပြင်သစ်တွင်
၁၄၁၁ ခုနှစ်ခန့် ကတည်းက စားသုံးလာခဲ့ကြပြီး၊ ၂၀-ရာစုနှစ်ရောက်သောအခါ၊ တစ်ကမ္ဘာလုံးက အသိအမှတ်
ပြုလာကြပါသည်။ ပြင်သစ်နိုင်ငံ Roquefort ဒေသထွက် သိုးနို့ စစ်စစ်ဖြင့်သာ ပြုလုပ်ပါသည်။ အပြာရောင် ချိစ်
ပြုလုပ်ပုံသည် အနဲငယ် လက်ဝင်ပါသည်။ ရှေးဦစွာ သိုးနို့ များကို ဆူလာအောင်တည်ပြီး စည်ထဲသို့ လောင်းထဲ့
ရပါသည်။ ထို့နောက် နို့ ကို အချဉ်ပေါက်ပြီးခဲလာစေရန်အတွက် ဒေသထွက် penicillium (ခေါ်) မျိုးမှိုကို ထဲ့ပေး
ရပါသည်။ ထိုအခါ ဒိန်ခဲကိုရရှိပါသည်။ ထို့ နောက် ၄င်းဒိန်ခဲကို အတုံးများ တုံး၍ ဆားရည်ဖျန်းပက်ပါသည်။
လေဝင်လေထွက်ကောင်းစေရန်အတွက် ဒိန်ခဲတုံးများကို သစ်သားစင်ပေါ်တင်ပြီး အထက်အောက် မကြာခဏ
လှန်ပေးရပါသည်။ ၂-ပတ် ခန့် ကြာသောအခါ penicillium အစွမ်းကြောင့် ချိစ် အတွင်းပိုင်းမှ အပြာရောင်
အစင်းကြောင်းများ ပေါ်လာပါသည်။ ထိုအခါ အတန်ငယ် တောင့်တင်းလာစေရန်အတွက် သံဖြူပါးလွှာဖြင့်
လေလုံအောင် ကောင်းစွာထုပ်ပိုးပြီး၊ အပူချိန်နဲသောနေရာတွင် သိမ်းထားရပါသည်။ ၅-လ ခန့် ကြာသောအခါ
မှာတော့ ရောင်းတန်းဝင် Blue Cheese ဖြစ်လာပါတော့သည်။ ချိစ်၏ အပြင်ဘက် အဖြူရောင်ပိုင်းသည်
အတန်ငယ်အရသာလေး၍၊ အတွင်းဘက်အပြာရောင် အပိုင်းသည် နူးညံ့ ဆိမ့်သက်ကာ ရနံ့ စူးရှပါသည်။
ထိုချိစ်ကို ပီဇာ၊ အသုပ်၊ pasta တို့ တွင် လည်းကောင်း၊ ရှာလကာရည်ထဲတွင် နှစ်စိမ်ပြီး အတို့ အမြှုပ် အဖြစ်
လည်းကောင်း၊ cocktail ပါတီပွဲများတွင် ပန်းသီး၊ တရုတ်ဇီးသီး၊ သရက်သီးတြို့ဖင့် တွဲဖက်၍လည်းကောင်း၊
ပြင်သစ်နိုင်ငံရှိ ဆေးဘက်ဝင် အစိမ်းရောင်အရွက်တစ်မျိုးဖြစ်သော endive အရွက်ကို ထောပတ်၊ ချိစ် အနဲငယ်
တို့ ဖြင့် ရောကျိတ်ကာ ဖျော်ရည်အဖြစ် လည်းကောင်း၊ ချိစ်ကို အတုံးလေးများတုံး၍ ရှန်ပိန် (သို့ မဟုတ်) ဝိုင်
အချိုရည်တို့ ဖြင့် တွဲဖက်၍လည်းကောင်း စားသုံးလေ့ရှိကြပါသည်။
(အမေရိကန်၊ အင်္ဂလန်နှင့် ဂျာမနီနိုင်ငံတို့တွင်လဲ Blue Cheese ကို ပြုလုပ်လာကြပါသည်။
သို့ သော် ပြင်သစ်နိုင်ငံလုပ် Roquefort (ခေါ်) Blue Cheese ၏ အရသာကိုတော့ လုံးဝ လိုက်မမှီပါ။)

♛  ဂျာမနီချိစ်
⇒ ဂျာမနီနိုင်ငံလုပ် Limburger Cheese သည် ထူးခြားသောအနံ့ အရသာတို့ဖြင့် လူကြိုက်များလျှက်ရှိပါသည်။
Limburger သည် ပြင်သစ်နိုင်ငံလုပ် Brie ကဲ့သို့ ပင် ကရင်မ်များပါသည်။ Limburger ၏ ထူးခြားချက်မှာ
အပြင်ဘက်အပိုင်းသည် အတန်ငယ် တောင့်တင်းကာ အညိုဖျော့ရောင်ရှိပြီး၊ အတွင်းဘက်အပိုင်းသည် နူးညံ့
ပျစ်ခဲကာ ဝါဖျော့ဖျော့ကရင်မ်ရောင် ဖြစ်ပါသည်။ ဂျာန်မန်လူမျိုးတို့က “တစ်ခါစားဘူးရုံဖြင့်၊ တစ်သက်စွဲလမ်း
လောက်သည်” ဟု ညွှန်းဆိုကြပါသည်။ Limburger Cheese ရရှိရန်အတွက် နွားနို့ကို အပူပေးပြီးနောက်၊
အချဉ်ပေါက်ပြီး ခဲလာစေရန်အတွက် ဒေသထွက် Brevibacterium linens (ခေါ်) မျိုးမှိုကို ထဲ့ပေးရပါသည်။
ထို့နောက် ဒိန်ရေကြည် (ဝါ) နို့ဓမ်းရေကို ဖယ်၍၊ ဒိန်ခဲအဖတ်များကို ထောင့်မှန်စတုဂံ ပုံရှိသော ပုံစံခွက်ထဲတွင်
ထဲ့ထားပြီး ဆားရည်ဖျန်း ပက်ပါသည်။ ဒိန်ခဲများ တင်းလာစေရန်အတွက် ၂-ပတ်ခန့် ကြာသည်အထိ အပူရှိန်
ပြင်းပြင်း ပေးရပါသည်။ ၂-ပတ် ပြည့်ပြီးနောက် အစိုဓာတ်နှင့်သိပ်သည်းမှု ရရှိစေရန်အတွက် အပူရှိန်ကို
လျှော့ထားပေးရပါသည်။ေ နာက် ၃-လ ခန့် အကြာတွင်တော့ Limburger Cheese အဖြစ် စားသုံးနိုင်ပါပြီ။
ထိုချိစ်ကို ဂျာမန်လူမျိုးတို့၏ ရိုးရာအစားအစာ အဖြစ် အညိုရောင် ဂျာမန်ပေါင်မုန့် ဖြင့် တွဲဖက်စားလေ့ ရှိပါသည်။
ထို့ ပြင် crackers, အသားညှပ်ပေါင်မုန့် ၊ ဝက်ပေါင်ခြောက်၊ ငါးသေတ္တာငါး၊ ငါးပါးနီ စသည်တို့ ဖြင့် တွဲဖက်၍
သော်လည်းကောင်း၊ ရှာလကာရည်စိမ်းထားသော မုန်လာဥနီ ဖြင့်လည်းကောင်း၊ ချိစ်ကို အတုံးလေးများ တုံးပြီး
ပြည်တွင်းဖြစ် German Bock ယမကာဖြင့် အရသာခံကာ သုံးဆောင်လေ့ရှိကြပါသည်။ အထူးသတိပြုရန်မှာ
ထို Limburger Cheese သည် ဟင်းချက်စားရသော ချိစ်အမျိုးအစားမဟုတ်သည့်အတွက် ပူသောနေရာတွင်
ထားပါက ချိစ်၏ မူလအရသာလဲ ပျက်ပြယ်တတ်ပါသည်။

♛  အီတလီချိစ်များ
⇒  အီတလီနိုင်ငံလုပ် ချိစ်များဖြင့် မိတ်ဆက်ပေးလိုပါသည်။

(၁) Mascarpone Cheese သည် အီတလီလူမျိုးတို့  အသည်းစွဲ ချိစ်ဖြစ်ပြီး ၁၆ ရာစုနှစ် နှောင်းပိုင်းကတည်းက
စားသုံးလာခဲ့ကြပါသည်။ ထိုချိစ်ကို နွားနို့မှ ပြုလုပ်ပြီး၊ နွားနို့ အရည်အသွေး ကောင်းမွန်စေရန်အတွက် အထူးစီမံ
စိုက်ပျိုးထားသည့် မြက်များ၊ ဆေးဘက်ဝင်အပင်များနှင့် ပန်းများကိုသာ နို့ စားနွားမ များကို စားစေပါသည်။
ထို့ ကြောင့် နွားနို့ထဲတွင် အဆီဓာတ် ၇၅% ထိ ပါဝင်ပါသည်။ ထိုနွားနို့ကို 85ံC ဖြင့် အပူပေးပြီး၊ မန်ကျည်းပင်မှ
ရရှိသော တာတာရစ်အက်ဆစ်ဖြင့် အချဉ် ဖေါက်ထားခြင်း ဖြစ်ပါသည်။ ဆင်စွယ်ရောင် Mascarpone ချိစ်သည်
အလွန်နူးညံ့အိစက်ပြီး ကရင်မ်လဲ များပြားသောကြောင့် အခြား ချိစ်များနှင့်မတူဘဲ တာရှည်ထား၍ မရပါ။
ထိုချိစ် ကို ပေါင်မုန့် ၊ crackers ၊ သစ်သီးတို့ တွင် သုတ်၍ စားကြသလို၊ အီတလီရိုးရာ အစားအစာများဖြစ်သော
risotto (ခေါ်) အီတာလျံအသားပြွမ်းထမင်း ၊ စပါကတီ ခေါက်ဆွဲ၊ ဂျုံမုန့်  အမျိုးမျိုး ဖြစ်ကြသည့် lasagna,
cannoli နှင့် tiramisu တို့ တွင်လည်းကောင်း၊ စတော်ဗယ်ရီ နှင့် ချောကလက်ဖျော်ရည်ထဲတွင်လည်းကောင်း၊
ကိုကိုးနှင့် ကော်ဖီပူပူတို့ တွင်လဲ ကရင်မ်အစား ချိစ်ကို ထဲ့ဖျော်၍လည်းကောင်း၊ pasta ထဲတွင်လည်းကောင်း
စားလေ့ရှိပါသည်။ ထို့ ပြင် အီတလီဖြစ် ရှန်ပိန်၊ ဘရန်ဒီတို့ ဖြင့်လဲ တွဲဖက်၍ စားကြပါသည်။

(၂)   Parmesan Cheese ကို AD 1200 ကတည်းက စားသုံးလာခဲ့ကြပါသည်။ နွားနို့ မှ ပြုလုပ်ထားခြင်း
ဖြစ်ပါသည်။ ဒီချိစ် ကတော့ ချိစ်အမာစားဖြစ်ပြီး၊ အနဲဆုံး ၂-နှစ်တာ ကာလအထိ တာရှည်ခံပါသည်။ အီတလီ
လူမျိုးတို့ ၏ ရှေးရိုးအစဉ်အလာအရ ဤချိစ်ကို နှစ်စဉ်နှစ်တိုင်း ဧပြီလ ၁-ရက်နေ့တွင် စတင် ပြုလုပ်လေ့ရှိကြ
ပါသည်။ ချိစ်၏အပြင်ဘက် ရွှေဝါရောင်အပိုင်းသည် အတော်အတန်မာပြီး၊ အတွင်းဘက် အပိုင်းသည် အဝါဖျော့
အရောင်ဖြစ်ပါသည်။ အရသာလေး နက်မှုရှိကာ ရနံ့ လဲမွှေးသော ထိုချိစ်ကို pie မုန့် ၊ ပီဇာ၊ pasta ၊ risotto
(ခေါ်) အီတာလျံအသားပြွမ်း ထမင်းနှင့် အီတာလျံဟင်းလျာ အမျိုးမျိုး ချက်ပြုတ်ရာတွင် အသုံးပြုကြပါသည်။

(၃) Casu Marzu Cheese (ခေါ်) ချိ်စ်ပုပ် ကို အီတလီနိုင်ငံတစ်ခုတည်းမှာသာ တွေ့ ရှိနိုင်ပါသည်။ ရှေးဦးစွာ
မြေအိုးတစ်အိုးထဲတွင် သိုးနို့ နှင့် ဆားငံရည်ထဲ့ပြီး အောက်မှ မီးခိုးငွေ့ ဖြင့် ကြပ်တင်ရပါသည်။ ထို့ နောက် ရရှိ
လာသော နို့ ဓန်းရည် အနှစ်အိုးကို အပုပ်ခံရန်အတွ က် မြေအောက်ခန်းထဲတွင်ထားကာ အပေါ်မှအဖုံးမဖုံးဘဲ
ယင်ကောင်များကို စားသောက်စေပါသည်။ ယင်ကောင်များ လာရာက်စားသောက်ကြကာ နို့ ဓမ်းရည်အိုးထဲသို့ 
မရေမတွက်နိုင်သော ဥများကို ဥချ ကြပါသည်။ ထိုဥများထဲမှ ကြည်လင်သည့် အဖြူရောင် လောက်ကောင်များ
ပေါက်ပွားလာကြပါသည်။ ထိုလောက်ကောင် များသည် ဒိန်ခဲဖတ်များကိုစားသောက်ရင်း enzymes များကို
ထုတ်ပေးခြင်းဖြင့် အိုးထဲတွင် အချဉ်ပေါက်လာပါသည်။ ဤသို့ဖြင့် ချိစ် ဖြစ်လာပါသည်။ Cau Marzu သည်
ချဉ်စူးစူးရနံ့ ရှိကာ၊ အလွန်စေးပျစ်သော ချိစ်အနှစ်ခဲဖြစ်ပါသည်။ ၄င်းကို လျှာပေါ်တင်ပြီး အရသာခံကြည့်ရာ၌
သက်ရှိလှုပ်ရှားနေသော လောက်ကောင်များက လျှာပေါ်တွင် နူးညံ့အိစက်ကာ ကရင်မ်ကဲသော ချိစ်အရသာကို
အပြည့်အဝ ခံစားရပါသည်။ ချိစ် အတုံးကလေးတစ်တုံးထဲတွင် ထောင်ပေါင်းများစွာသော လောက်ကောင်များ
ပါရှိကြပါသည်။ ထိုချိစ်၏ ထူးခြားချက်မှာ ချိစ်ထဲရှိ လောက်ကောင်များ သေသွားပါက၊ ချိစ်လဲ ပုပ်သိုးသွားသဖြင့် 
စားရန် မသင့်တော့ပါ။ လူကို အဆိပ်သင့်စေတတ်ပါသည်။ ထို့ ကြောင့် အီတလီ တွင် ထိုချိစ်ကို တရားဝင်
ရောင်းချခွင့် ပိတ်ပင်ထားပါသည်။ သို့ သော် မွေးနေ့ ၊ လက်ထပ် မင်္ဂလာပွဲများနှင့် မင်္ဂလာဦးည ဧည့်ခံပွဲ စသည့်
နေ့ထူးနေ့ မြတ်များတွင် ယနေ့ ထက်တိုင် ထိုချိစ်ဖြင့် တည်းခင်းလျှက်ရှိကြပါသည်။ ထို့ကြောင့် နာမည်ဆိုးဖြင့်
လူကြိုက်များလှသော ချိစ်ပုပ်ကို ဈေးဆိုင်များတွင် ပေါ်ပေါ်ထင်ထင် ရောင်းချခြင်းမျိုးမဟုတ်ဘဲ၊ မှောင်ခိုဈေးဖြင့်
သာ နဲနဲစီ ရောင်းချရသဖြင့် အီတလီနိုင်ငံလုပ် အခြားချိစ်များထက် ဈေးနှုန်းမြင့်မားပါသည်။

♛  ဒတ်ခ်ျချိစ်
⇒  ကမ္ဘာ့အကာင်းဆုံး ချိစ် စာရင်းထဲတွင် ဒတ်ခ်ျနိုင်ငံလုပ် Gouda Cheese သည်လည်း တစ်ခု အပါအဝင်
ဖြစ်ပါသည်။ ဒတ်ခ်ျနိုင်ငံ၏ Gouda မြို့ကို အစွဲပြု၍ အမည်ပေးထားသော ထို ရိုးရာ ချိစ်ကို၊ အဆီထုတ်ထားသော
နွားနို့ မှ ပြုလုပ်ပါသည်။ ကရင်မ်များကာ အတန်ငယ်ပျော့သည့် အဝိုင်းသဏ္ဍာန် ချိစ်အမျိုးအစား ဖြစ်ပါသည်။
ထိုချိစ်သည် အဝါဖျော့ရောင်ရှိပြီး၊ အပြင်ဘက်အပိုင်းသည် အလွန် ချောမွေ့ ကာ၊ အတွင်းဘက်အပိုင်းသည်
သေးငယ်သော အပေါက်ကလေးများဖြင့် တမျိုး ထူးခြားလှပါသည်။ သက်တမ်းနုသော အချိန်တွင် ချိစ်သည်
ပျော့၍ အရသာလဲ ချိုပါသည်။ ၁၈-လနှင့်အထက် ကြာသောအချိန်တွင် ချိစ်သည် ထောပတ်ရောင်ဖြစ်သွားပြီး၊
အတန်ငယ်မာလာကာ Cheddar ချိစ် အရသာနှင့် ခပ်ဆင်ဆင် တူပါသည်။ သက်တမ်း ၂-နှ စ်နှင့်အထက်
ကြာသောအခါတွင် မာတောင့်လာကာ ဝီစကီအရသာအဖြစ် ပြောင်းလဲသွားပြီး၊ သစ်ကျားသီးနံ့ ရပါသည်။
ဒတ်ခ်ျတို့ သည် ဟင်းခတ်အမွှေးအကြိုင်များကို မြတ်နိုးကြသည့်အလျောက် ချိစ်ကိုလဲ ငရုပ်ကောင်း၊ ဇီရာစေ့၊
ကရဝေး၊ ဇာတိပ္ဖိုလ်သီး၊ ကြက်သွန်ဖြူ၊ သစ်ကျားသီး…စသည်ဖြင့် အနံ့အရသာထဲ့၍ Flavoured Gouda အဖြစ်
ပြုလုပ်ကြပါသည်။ Gouda ချိစ်ကို လတ်ဆတ်သော သစ်သီးများဖြင့် တွဲဖက်၍ နံက်စာအဖြစ်လည်းကောင်း၊
အမဲရောင် ရိုင်းဂျုံ ပေါင်မုန့် တို့ ဖြင့် တွဲဖက်၍ နေ့လည်စာအဖြစ်လည်းကောင်း၊ ဒတ်ခ်ျ ရိုးရာ Kaasdoop (ခေါ်)
Fondue ဟင်းလျာများထဲတွင်လည်းကောင်း၊ အားလူးမီးကင် ဟင်းလျာများတွင်လည်း အသုံးပြုလေ့ရှိပါသည်။
ထို့ပြင် ဒတ်ခ်ျပြည်တွင်းဖြစ် Chardonnay ဝိုင်၊ Syrah ဝိုင် စသည့် ယမကာ အမျိုးမျိုးတို့ ဖြင့်လဲ တွဲဖက်၍
အရသာခံ စားကြပါသည်။

♛  စပိန်ချိစ်
⇒  သိုးနို့ ဖြင့်ပြုလုပ်ထားသော Manchego Cheese သည် စပိန်နိုင်ငံ၏ အကျော်ကြားဆုံး ချိစ် ဖြစ်ပါသည်။
အငန်ဓာတ်နဲနဲပိုသော ချိစ်အမျိုးအစား ဖြစ်ပြီး၊ စပိန်ရိုးရာ rosemarry သီး၏ အနံ့ အရသာဖြင့် ပြုလုပ်လေ့ရှိပါ
သည်။ ချိစ်၏ သက်တမ်းအနုအရင့်ပေါ်မူတည်ပြီး အရသာလဲ အမျိုးမျိုး ပြောင်းလဲသွားကာ ဈေးကွက်ထဲတွင်
အမျိုးအစား(၃)မျိုးခွဲ၍ ရောင်းချလေ့ရှိကြပါသည်။
(၁) Fresco Manchego သည် ရက်သတ္တ ၂- ပတ် သက်တမ်းသာ ရှိသေးသဖြင့် အလွန် လတ်ဆတ်သလို၊
အလွန်လဲပျော့အိပါသည်။ ဖြူဆွတ်သော အရောင်ရှိပြီး ထောပတ်ရနံ့ သင်းပျံ့ နေပါသည်။ ထိုချိစ်ကို သိုးနို့ ဖြင့်
ပြုလုပ်ထားသော်လဲပဲ၊ အရသာမှာ ဆိတ်နို့ နှင့် ခပ်ဆင်ဆင်တူပါသည်။ စပိန်နိုင်ငံတွင် ထုတ်လုပ်မှုပမာဏ
နဲသောကြောင့် ရှားပါးသော ချိစ် ဖြစ်ပါသည်။
(၂) Curado Manchego သည် သက်တမ်း ၃-လ မှ ၆-လ အထိရှိပါသည်။ အတန်ငယ်ပျော့ကာ အရသာမှာ
ချိုစိမ့်၍ နှစ်သက်ဖွယ်ကောင်းလှပါသည်။ စပိန်ဟင်းလျာများ ချက်ပြုတ်ရာတွင် အသုံးပြုလေ့ရှိကြပါသည်။
(၃) Viejo Manchegoသည် ၁-နှစ်သက်တမ်းရှိသောကြောင့် ဝါလိမ္မော်ရောင်ပြောင်းသွားကာ အတန်ငယ်
မာလာပြီး၊ ရနံ့လဲ စူးရှပါသည်။ အီတလီဖြစ် Parmesan ချိစ်နှင့် အရသာခပ်ဆင်ဆင် တူပါသည်။ Manchego
ချိစ် တို့ ကို နေ့ စဉ်ဟင်းလျာများဖြစ်သော စွပ်ပြုတ်၊ အသုပ်၊ ထမင်းကြော်၊ အသားညှပ် ပေါင်မုန့် ၊ ဝက်ပေါင်
ခြောက်ကြော် တို့ တွင်လည်းကောင်း၊ အချိုပွဲအစားအစာများအဖြစ် သဖန်းသီး၊ စွန်ပလွန်သီး နှင့် စပိန်နိုင်ငံရှိ
membrillo သီး တို့ ဖြင့် တွဲဖက်၍လည်းကောင်း၊ စပိန်နိုင်ငံထုတ် နာမည်ကြီး Dry Manzanilla Sherry
(သို့ မဟုတ်) Cava စပါကလင်တို့ဖြင့် တွဲဖက်ကာ သောက်သုံးကြပါသည်။

♛  အင်္ဂလန်ချိစ်များ
⇒  Cheddar Cheese သည် အင်္ဂလန်နိုင်ငံလုပ် ချိစ်ဖြစ်ပြီး၊ ကမ္ဘာ့အကောင်းဆုံး နံပါတ်(၁) ချိစ်ဖြစ်ပါသည်။
ကရင်မ်အရသာပေါ်လွင်ပြီး နူးညံ့ ဆိမ့်သက်ကာ၊ ခံတွင်းထဲတွင် ပျော်ဝင် လွယ်ပါသည်။ နွားနို့ ဖြင့် ပြုလုပ်ထား
သောကြောင့် ချိစ်၏ မူလသဘာဝ အရောင်မှာ ဖြူဝါရောင် ရှိပါသည်။ အရောင်လှပစေရန်အတွက် မုန်လာဥနီ
(သို့ မဟုတ်) ဝါလိမ္မော်ရောင် ထပ်တရာပန်းဖျော်ရည်တို့ ဖြင့်လဲ ပြုလုပ်ကြပါသည်။ ရာဇဝင်များထဲတွင်
အင်္ဂလန်နိုင်ငံ၏ Cheddar Cheese ချိစ်ဖြစ်ပေါ်လာပုံကို အတိအကျ ဖော်ပြထားခြင်း မရှိသော်လဲဘဲ၊ ပုံပြင်
ဒဏ္ဍာရီများအရ တစ်နေ့ သောအခါတွင် နို့ ညှစ်သမ တစ်ဦးသည် လက်ဆွဲပုံးထဲတွင် နွားနို့ အပြည့်ထဲ့ပြီး၊
လှိုဏ်ဂူထဲတွင် လေလုံအောင်သိမ်းထားခဲ့ပါသည်။ ရက်အတန်ကြာသောအခါတွင်၊ သူမသည် နို့ ပုံးကိုယူရန်
ပြန်လာသောအခါ၊ နို့ သည် အခဲပုံသဏ္ဍာန် ပြောင်းလဲနေပါသည်။ ထိုအချိန်မှစ၍ ဒိန်ခဲဖြစ်ပေါ်လာပုံကို
အမှတ်မထင် သိရှိခဲ့ရသည်ဟု ဆိုပါသည်။ ၁၆-ရာစုနှစ် ရောက်သောအခါတွင် နည်းပညာများလဲ
အထိုက်အလျောက် ကြွယ်ဝလာပြီ ဖြစ်ရာ၊ ချိစ်ထဲရှိ ပိုလျှံသောရေဓာတ်ကို ထုတ်နိုင်ခဲ့ကြသဖြင့် ချိစ်အရသာ
မယိုယွင်းဘဲ ကြာရှည်ခံအောင် ထိန်းထားနိုင်လာပါသည်။ အင်္ဂလန် နိုင်ငံလုပ် Cheddar Cheese ကဲ့သိုပင်
ဗြိတိန်၊ ကနေဒါ၊ သြစတြေးလျ၊ နယူးဇီလန် နှင့် အမေရိကန် နိုင်ငံတို့ တွင်လဲ၊ သူ့ ကိုယ်ပိုင် စတိုင်ဖြင့်
ထုတ်လုပ်လျှက်ရှိကြရာ၊ ယခုအခါ ကမ္ဘာပေါ်တွင် Cheddar Cheese အမျိုးအစားပေါင်း ၂၅၀-ကျော် ရှိနေပါပြီ။
၎င်းအနက် အဆီနဲသောချိစ်၊ မီးခိုးမှိုင်းတိုက်၍ ပြုလုပ်သော ချိစ်၊ ဝိုင် (သို့ ) သင်္ဘောဒန့်သလွန် ရနံ့ ပါသော
ချိစ်တို့ ကို လူကြိုက်များကြပါသည်။

⇒ ယနေ့  ဈေးကွက်ထဲတွင်
(က) ၂-လ မှ ၃-လ သက်တမ်းရှိသော ချိစ်အပျော့၊
(ခ) အနဲငယ် ပျော့သော ချိစ် နှင့်
(ဂ) ၁- နှစ်ကျော်သက်တမ်း ရှိသော ချိစ်အမာဟူ၍ ၃-မျိုး ရှိပါသည်။
⇒ Cheddar တို့ ကို အသားညှပ်ပေါင်မုန့် ၊ စွပ်ပြုတ်၊ ကိတ်မုန့် /ပေါင်မုန့် ဖုတ်ခြင်း၊
ဒိန်ခဲခေါက် ဆွဲပွ ..စသည့် ဟင်းလျာများအဖြစ် နေ့လည်စာ စားသုံးလေ့ရှိကြပါသည်။
ချိစ်၏ အနံ့ အရသာ ပေါ်လွင်စေရန်အတွက်၊ ဟင်းလျာများ မစီမံခင် နာရီဝက်လောက် ကြိုတင်၍ ချိစ်ကို
ရေခဲသေတ္တာထဲမှ ထုတ်ထားသင့်ပါသည်။ ထို့ ပြင် Cracker နှင့် ပေါင်မုန့် တို့ တွင် ချိစ်သုတ်၍ လည်းကောင်း၊
ပန်းသီး (သို့ မဟုတ်) သစ်တော်သီး တို့ ဖြင့် တွဲဖက်၍လည်းကောင်း စားကြပါသည်။

⇒  အထူးသဖြင့် အတန်ငယ် ပျော့သောချိစ် သည် ဘီယာ (သို့ မဟုတ်) ဝိုင် တို့ ဖြင့် အလွန် လိုက်ဖက်ညီလှ
ပါသည်။ ဗဟုသုတအနေဖြင့် စာဖတ်ပရိတ်သတ်များကို မျှဝေရပါလျှင် ၁၈၄၀ ခုနှစ်တွင် ဗြိတိသျှ ဘုရင်မ
Victoria သည် ဂျာမန်မင်းသား Albert နှင့် လက်ဆက်သောအခါ တော်ဝင်မိသားစုဝင် စုံတွဲများအားလုံးကို
မင်္ဂလာလက်ဆောင်အဖြစ် ပေးအပ်နိုင်ရန်အတွက် ဗြိတိသျှ လယ်သမားများသည် နွားမအကောင်ရေ ၇၈၀ မှ
ရရှိသော နို့ ဖြင့် အလေးချိန် ၅၀၀-ဂရမ် နီးပါးရှိတဲ့ အဝါရောင်ဒိန်ခဲအမာတစ်မျိုးဖြစ်သော Cheddar ချိစ်ကို
ဖန်တီးထုပ်လုပ်ခဲ့သည်ဟု လေ့လာမှတ်သားရပါသည်။
Cheshire Cheese သည်လဲ အင်္ဂလန်နိုင်ငံ၏ အကျော်ကြားဆုံး ချိစ် တစ်မျိုးဖြစ်ပါသည်။

(ဆောင်းပါးရှင်...ပေါက်ပေါက်... ရေးသား မျှဝေသည်)
Posted in: ကျန်းမာရေးနှင့်အစားအစာ
facebook link :
#MNM0015
https://www.facebook.com/permalink.php?story_fbid=1636860853262210&id=100008149329661