သူယောင်မယ်ဆိုတာ တကယ်ရှိတာလား…???

သူယောင်မယ်ဟာ တကယ်လား
-----------------------------------

ကျောက်မြောင်းမှာ ရိုက်ထားတယ်ဆိုတဲ့ပုံလေးပါ

 `သူယောင်မယ် - သူယောင်သီး´ ဟူ၍ကြားဖူးပါသည်။ ယုံတမ်းစကားလား၊ တကယ်
ရှိတာလား သိလိုပါသည်။ ဗုဒ္ဓစာပေ ပိဋကတ်၌ ပြဆိုထားချက် ရှိပါက ကျမ်းစာ အကိုး
အကားဖြင့် ဖြေကြားတော်မှုကြပါရန်နှင့် ရှေးဟောင်းစာပေများ၌ တွေ့ကြုံရဖူးကလည်း
ထိုကျမ်းများအရ ဖြေကြားပေးတော်မှုကြပါရန် အနုးအညွတ် တောင်းပန်သည်။
( စိတ်ဝင်စားသူ )

 သူယောင်မယ် အကြောင်းကို ပိဋကတ်စာပေတွင် အလမ္ဗုသာဇာတ်
အဋ္ဌကထာ၌သာတွေ့ဖူး၏။ အလမ္ဗုသာဇာတ် အကျဉ်းချုပ်မှာ ဤသို့ဖြစ်၏။

   ဗာရာဏသီပြည်တွင် ဗြဟ္မဒတ်မင်း စိုးစံစဉ် ဘုရားလောင်းသည် ကာသိတိုင်းတွင်
ပုဏ္ဏားမျိုး၌ ဖြစ်၍ အရွယ်ရောက်ကား အတတ် ပညာစုံသောအခါ၌ ရသေ့ဝတ်ကာ
တော၌နေလေ၏။ တနေ့တွင် သမင်မတစ်ကောင်သည်- ဘုရားအလောင်းရသေ့
ကျင်ငယ်စွန့်ရာ အရပ်၌ သုတ်ရေနှင့် ရောသောမြတ်ကို စားမိကာ ကိုယ်ဝန်တည်လေ၏။
ထိုအခါမှစ၍ ရသေ့၏ ကျောင်းနားမှ မခွါတော့ပေ။ နောင်အခါ လူသားကလေးငယ်ကို
မွေးဖွားလေ၏။ ဘုရားအလောင်းသည် ထိုသူငယ်ကို သားဟူသော ချစ်ခြင်းဖြင့် မွေးမြူ
လျက် `ဣသိသိင်္ဂ´ ဟု အမည်ပေးထား၏။ ဘုရားလောင်းသည် `ဣသိသိင်္ဂ´ သိကြား
နားလည်သော အရွယ်သို့ ရောက်သောအခါ ရသေ့ဝတ်ပေးထား၏။ အသက်အရွယ်
ကြီးရင့်နေပြီ- ဖြစ်သော ဘုရားလောင်း ရသေ့သည် ဣသိသိင်္ဂရသေ့ကို နာရိဝန -
မည်သော သူယောင်မယ်တောသို့ ခေါ်သွား၍
 `တာတ ဣမသ္မိံ ဟိမဝန္တေ ဣမေဟိ ပုပ္ဖေဟိ သဒိသာ ဣတ္ထိယော နာမ ဟောန္တိ၊
( ချစ်သား ဤဟိမဝန္တာ၌ - ဤပန်းတို့နှင့် တူကုန်သော ဣတ္ထိယ-ခေါ် မိန်မတို့ ရှိကုန်၏။)
တာ အတ္တနော ဝသံ ဂတေ မဟာဝိနာသံ ပါပေန္တိ၊ ( ထိုမိန်းမတို့သည် မိမိအလိုသို့
လိုက်သောသူတို့ကို ကြီးစွာသော ပျက်စီးခြင်းသို့ ရောက်စေကြကုန်၏။)
  န တာသံ ၀သံ နာမ ဂန္တုံ ၀ဋ္ဋတိ၊ (ထိုမိန်းမတို့၏ အလိုသို့ လိုက်ပါခြင်းငှါ မသင့်။) ဟု
ဆုံးမစကားပြောကြားကာ နောင်သောအခါ ကွယ်လွန်၍ ဗြဟ္မာ့ပြည်သို့ ရောက်လေ၏။
ဣသိသိင်္ဂရသေ့လည်း ရရှိထားသော ဈာန်ကိုကစားရင်း ပြင်းပြင်းထန်ထန် ကျင့်ကြံ
အားထုတ်လေရာ သိကြားမင်း၏ ဗိမာန်ပင် တုန်လှုပ်လေ၏။ သိကြားမင်းသည် စုံစမ်း
ဆင်ခြင်၍ ထိုရသေ့၏ သီလတန်ခိုးကြောင့် တုန်လှုပ်ခြင်းဖြစ်ကြောင်း သိသဖြင့်
``ငါ့နေရာကို လိုချင်လို့များလား´´ ဟု ယုံမှားသံသယဖြင့် ကြောက်ရွံလှသဖြင့်
အလမ္ဗုသာ မည်သော နတ်သမီးကို စေလွှတ်၍ ထို ဣသိသိင်္ဂ ရသေ့၏ သီလကို
ဖျက်ဆီးလေ၏။
မိန်းမနှင့်တူတာဆိုလို့ ကမလာ-ဟူသော သူယောင်မယ်နွယ်ပွင့် ကိုသာမြင်ဖူးသော
ဣသိသိင်္ဂရသေ့အဖို့ အလမ္ဗုသာနတ်သမီး၏ မာယာညွှတ်ကွင်းသို့ အလွယ်တကူပင်
သက်ဆင်းမိလေ၏။ အလမ္ဗုသာနတ်သမီး၏ အထိအတွေ့မှာ မူးမေ့ကာ ဈာန်တရားတို့
လည်း ကွယ်ပျောက်ခဲ့ရ၏။ သတိရ၍ အဖြစ်အပျက်- အကြောင်းစုံကို သိရှိဆင်ခြင်နိုင်
သောအခါ ဖခင်ကြီး တချိန်က ဆုံးမခဲ့သည်ကို နားမထောင်မိခဲ့သည့် အဖြစ်ကို နောင်တ
ရမိလေ၏။ ကာမရာဂကို ပယ်၍ ဈာန်ကိုလည်း တဖန်ဖြစ်စေနိုင်ခဲ့၏။
( ဇာတက ဋ္ဌ- ၅- ၁၆၁)
 ဤဇာတ်တော်၌ပါသော ကမလာ ၀ုစ္စတိ နာရီပုပ္ဖလတာ- ဟူသောဖွင့်ဆိုချက်အရ
သူယောင်မယ်- ဟူသည် အပင်မှသီးသော အသီးမျိုးမဟုတ်၊ အနွယ်မှဖြစ်သော
အပွင့်တစ်မျိုးဟု မှတ်အပ်၏။ ထို့ကြောင့်ပင် သတပဒိက ပုစ္ဆာ ၀ိသဇ္ဇနာကျမ်း၌
မန်လည်ဆရာတော်က-
`ရွှေသူယောင်၊ မတူအောင် လူလိုလှတယ်လို့၊ ဆိုကြစကား။ မြတ်ဘုန်းကြွယ်၊
ပင်စောက်အနွယ်နှင့်၊ သူယောင်မယ် ရှုမငြီးငယ်တို့၊ သီးပွင့်လေလား။´ဟု မေးအပ်သော
အမေးကို မင်းကွန်းဆရာတော်က-
`ရွှေသူယောင်၊ မတူအောင် လူလိုလှတယ်လို့၊ ဆိုကြစကား။ သူယောင်မယ်၊
အလှသူကြွယ်လို့၊ ကမလာနွယ် ခေါင်အညွတ်မှာ၊ မြူးကွန့်ဟန် အလွန်တင့်တယ်၊
ပန်းပွင့်မှတ်သား။´ ဟု ဖြေကြားတော်မှုပါသည်။ ( အဋ္ဌစတ္တာလီသမ ပုစ္ဆာနှင့် ဝိသဇ္ဇနာ)
သမန္တစက္ခု ဒီပနီကျမ်း ( နဝမတွဲ) ၁၅၅= ပုစ္ဆာ ၀ိသဇ္ဇနာ (စာ- ၅၉၆)၌လည်း
ထို သူယောင်အကြောင်းအရာ လာရှိ၏။
သူယောင်တောနှင့် ပတ်သက်၍ ပိုမိုပြည့်စုံစွာ သိရသောကျမ်းမှာ ကျီးသဲလေးထပ်
ဆရာတော်၏ မဟာဝင် ဝတ္ထုဖြစ်၏။ ထိုမဟာဝင် ဝတ္တုကျမ်းမှ ဇမ္ဗုဒီပစာတမ်းတွင်-
`သူယောင်တော ဟူရာ၌´ ပါဠိတွင် (နရဝနံ) ဟူ၍ရှိသည်။ မြန်မာပြန်သော် လူရုပ်
သီးသော တောဟု ဆိုသည်။ ထိုတော၌ သစ်ပင်မှဖြစ်သော အသီးတို့သည်
ဆယ့်ငါးနှစ်ရွယ်၊ ဆယ့်ခြောက်နှစ်ရွယ်ဖြင့် တန်ဆာဆင်အပ်သော မိန်းမငယ် ယောက်ျား
ငယ်ကဲ့သို့ တင့်တယ်သော မိန်းမသဏ္ဍာန်၊ ယောက်ျား သဏ္ဍာန်ချည်း သီးကုန်သည်။
ဦးစွန်းနေရာမှ အညှာတို့သည် ဖြစ်ကုန်၏။ တွဲရရွဲဆွဲလျက်သာ တည်ကုန်၏။ လေခတ်
သောအခါ ကခုန် မြူးထူးဘိ သကဲသို့လည်းကောင်း၊ တစ်ဦးသည် တစ်ဦးအား ပိုက်နွှဲ
ဖက်ယမ်းဘိ သကဲ့သို့လည်းကောင်း ဖြစ်ကုန်၏။
ထိုသူယောင်တောဌာနသို့ ရာဂမကင်းသေးသော ဈာနလာဘီ ဇော်ဂျီရသေ့တို့ ရောက်၍
မြင်ရလျှင် ရွှင်လန်းတပ်မက်သော ရာဂစိတ်သည် နှိပ်နယ်၍ မရအောင်ဖြစ်ရာ၏။
ရာဂကင်းကွာသော ရဟန္တာအရှင်မြတ်တို့မှ-သော်လည်း ထိုအသီးတို့၏ အသွင်ကို
မြင်လျှင် ရွှင်လန်းရယ်မြူးမိချေ၏။ - ထိုအသီးတို့ မှည့်ရင့်သောအခါ ငှတ်တို့သာလျှင်
စားကုန်၏။ ငှက်စားပြီး၍ စွန့်ပစ်သော အစေ့တို့၏ ရနံ့သည် သုသာန်ပြင်ကဲ့သို့
စက်ဆုတ်ဖွယ်ရှိသတည်း။´စသည်ဖြင့် လာရှိပါသည်။

အရှင်ကောဝိဒ (ယော)

Tuesday, March 9, 2010
သူယောင်မယ် သူယောင်သီး
(သူယောင်မယ် သူယောင်သီး) by Ashin Kovida (Yaw) (အရှင်ကောဝိဒ (ယော) )

    အဲဒီအပင် တကယ်ရှိမရှိက သို့လော သို့လောပါ... စာဖတ်သူများလည်း
ကိုယ်ပိုင်ဥာဏ်ဖြင့် စဉ်းစားနိုင်ပါသည်။
    ကျနော့်အနေနဲ့ သုံးသပ်ကြည့်တာကတော့... အမှန်တကယ်ရှိတယ်လို့ပဲ
ထားပါဦး သူက  ဆေးဘက်ဝင်၊ မဝင်လဲ မသိရပါဘူး..။ ဆေးဘက်ဝင်တယ်ဆိုရင်လဲ
ရှားပါးပစ္စည်းဖြစ်နေမှာပါ... အဲဒီတော့ ကျနော်တို့မှာ အရင်ကလဲ မရှိခဲ့၊ ခုလဲ မရှိ၊
နောင်မှာလဲ ရှိလာနိုင်မှာ မဟုတ်သလောက်ပါပဲ။
    ဒါဆို ဘာလို့ တင်ပြရသလဲဆိုတော့... ဗဟုသုတ အလို့ငှာပေါ့ဗျာ...
စိတ်ဝင်စားလို့ ဆက်လေ့လာချင်သပဆိုရင်တော့ အောက်မှာလိပ်စာတွေ ရှာဖွေစုစည်း
ပေးထားပါတယ်... google မှာလဲ Makareepol and Nareepol ဆိုပြီး ရှာကြည့်
နိုင်ပါတယ်။

http://mmphotodiary.blogspot.com/p/amazing-photo.html
http://www.sacredsiam.com/
http://www.estanbul.com/kadin-seklinde-meyve-318194.html
Video
https://www.youtube.com/watch?v=kseyZQyThKI