iPhone နဲ့ မိုက်ခရိုစကုပ်

iPhone နဲ့ မိုက်ခရိုစကုပ်

 Apple ကုမ္ပဏီထုတ် iPhone တွေကို ဖုံးဆက်တဲ့နေရာမှာတင်မကပဲ 
ဓာတ်ပုံရိုက်တာနဲ့ video ရိုက်ဖို့ပါ သုံးနိုင်တဲ့အပြင်  ကစားနည်း မျိုးစုံလည်း
သူ့ကိုသုံးပြီး ကစားနိုင်ပါတယ်လို့ သိပ္ပံပညာရှင်တွေကတော့ သူ့ကိုဆိုပါတယ်။
ဘာ့ကြောင့် ဒီလို ပြောနိုင်တယ်ဆိုတာ ကြည့်ရအောင်ပါ။
 မိုက်ခရိုစကုပ်လို့ခေါ်တဲ့ အနုကြည့်မှန်ပြောင်းတွေဟာ  ရောဂါရှာဖွေရေးမှာ
သိပ်ကို အရေးပါတဲ့  ပစ္စည်းတမျိုးပါ။  ဒါပေမယ့် သူ့ကို  အာဖရိကတိုက်က
Tanzania လို နိုင်ငံမျိုးမှာရှိတဲ့ ကျေးလက်ဒေသတွေမှာဆိုရင်တော့ လွယ်လွယ်ကူကူရဖို့
မမျှော်လင့်နိုင်ပါဘူး။  ဒါပေမယ့် အခုအခါမှာ  ပိုက်ဆံနဲနဲသုံးပြီး  တီထွင်ပြုပြင်လိုက်ရင်
iPhone ကနေ ရောဂါရှာဖွေရေး ကရိယာတခု အဖြစ်ကို ပြောင်းလာနိုင်ပြီ ဖြစ်ပါတယ်။ 
တခြား smart phone တွေကိုလည်း ဒီလိုပဲ သုံးနိုင်ပါတယ်။

 iPhone ကနေ မိုက်ခရိုစကုပ်ကို ပြောင်းနိုင်ရေးအတွက်  လေ့လာတွေ့ရှိချက်တွေကို 
အမေရိကန် ဆေးပညာ ဂျာနယ်တစောင်ဖြစ်တဲ့  အပူပိုင်းဆေးပညာနဲ့ တကိုယ်ရေ
ကျန်းမာရေး စာစောင်မှာ  ကနေဒါနိုင်ငံ  Toronto အထွေထွေ ရောဂါကုဆေးရုံကြီးက
ကူးစက်ရောဂါဆိုင်ရာ အထူးကုဆရာဝန်ကြီး  ဒေါက်တာ Issac Bogoch ဦးဆောင်တဲ့
သုတေသန ပညာရှင်တွေက ရေးသားခဲ့ပါတယ်။

 ဒီလိုသုံးဖို့  အတွေးအခေါ် ဘယ်က စ ရလာတယ် ဆိုတာကစပြီး ဘယ်လိုသုံးဖို့
လုပ်တယ် ဆိုတာတွေကို VOA သတင်းထောက်  Joe De Capua က ဒေါက်တာ
အိုင်ဇက်ကို ဆက်သွယ်မေးမြန်းထားတာတွေကို  ပြန်ပြီး ပြောပြပေးမှာပါ။

 “ ဒီလိုလုပ်ဖို့ ဆေးပညာဆိုင်ရာ  စာတွေဖတ်ရင်း  စိတ်ကူးရလာတာပါ။  
တချို့စာစောင်တွေမှာဆိုရင် ဓာတ်ခွဲခန်းထဲမှာ smart ဖုန်းကိုသုံးပြီး မိုက်ခရိုစကုပ်အောက်
တွေရတဲ့ပုံအဖြစ်  ပြောင်းရိုက်ထားတဲ့ ပုံတွေကို ဖေါ်ပြထားတာတွေ့ရပြီး  အဲဒီပုံတွေဟာ
သိပ်ကို ကောင်းနေတာ တွေ့ရပါတယ်။ ဒါဟာ တကယ်ကောင်းတဲ့ အတွေးအခေါ်လို့
ကျွန်တော်တို့ တွေးမိတယ်လေ။ ဒါ့ကြောင့် ဒါကို လက်တွေ့ကမ္ဘာမှာ သုံးဖို့အတွက်
လက်တွေ့သုံးနိုင်တဲ့ ပုံစံ ဖြစ်လာအောင်    ဘယ်လိုလုပ်မယ်ဆိုတာ စဉ်းစားတာပါ ”

“ ရလာတဲ့ စိတ်ကူးကို လက်တွေ့ အကောင်ထည်ဖော်ဖို့ 
ဒေါက်တာအိုင်ဇက် ဘယ်လို စလုပ်တာပါလဲ  ? ”

 “ ကျွန်တော်က   iPhone 4 S ကို  သုံးပါတယ်။ ဒါကလည်း ကျွန်တော့်ဆီမှာ  အဲဒီဖုန်း
ရှိနေလို့ပါ။  ဒါပေမယ့်  smart phone ရှိရင်လည်း   ကင်မရာကောင်းပြီး  ချဲ့နိုင်တဲ့
ခလုပ်သာ ပါ ပါစေ။   ဘယ်အမျိုးအစားနဲ့ မဆို    ဒီလိုပဲ သုံးနိုင်ပါတယ်။  ကျွန်တော်တို့
ဝယ်ဖို့ လိုတာက   ဘောလုံးလို မှန်ဘီလူး   အလုံးလေးတွေပါ။ တစ်ခုမှ  ၈ ဒေါ်လာ
လောက်ပဲ ပေးရပါတယ်။ အွန်လိုင်းကတဆင့်လည်း မှာလို့ ရပါတယ်။  နောက် နှစ်ဘက်
ကပ်တဲ့  တိတ်လည်း လိုပါတယ်။ ဒါက မှန်ဘီလူးအလုံးလေးနဲ့ iPhone ပေါ်က ကင်မရာ
မှန်ဘီလူး  ၂ ခု တွဲကပ်ဖို့ပါ ”

 တိုရန်တိုဆေးရုံက ဒေါက်တာ အိုင်ဇက်ဟာ  မက်ဆာချုးဆက် အထွေထွေဆေးရုံကြီးက
ဆရာဝန်တွေ၊  ဆွစ်ဇလန်နိုင်ငံ အပူပိုင်းနဲ့ လူထုကျန်းမာရေးသိပ္ပံက သိပ္ပံပညာရှင်တွေနဲ့
အတူတွဲပြီး   အာဖရိကတိုက် တန်ဇာနီးယားနိုင်ငံမှာရှိတဲ့  Pemba ကျွန်းမှာ သူတို့ရဲ့
စိတ်ကူးကို လက်တွေ့ စမ်းသပ်ခဲ့ကြပါတယ်။   သူတို့အဖွဲ့ စမ်းသပ်တာက  အဲဒီကျွန်းက
ကလေးငယ်တွေကိုပါ။  ကလေးငယ်တွေရဲ့ အစာအိမ်လမ်းကြောင်းမှာ ဖြစ်ပွားတဲ့ 
ရောဂါဆိုင်ရာတွေကို လေ့လာခဲ့ပါတယ်။

“ အဲဒီမှာ ကျောင်းသားအရွယ် ကလေးငယ်တွေအတွက် အူလမ်းကြောင်း ကပ်ပါးကောင်
တွေ ကူးစက်တာအတော်များတာမို့ ဒါကို ကျွန်တော်တို့ လေ့လာကြပါတယ်။  ဒါမျိုးက 
ကမ္ဘာပေါ်မှာ  လူသန်းပေါင်း တစ်ထောင်ကျော်ကျော် အကူးစက်ခံနေရတာပါ။ ”

 သူတို့အဖွဲ့ကနေ ကပ်ပါးကောင် ကူးစက်မှုဖြစ်ပွားနေတဲ့ ကလေးငယ်တွေကို သူတို့ရဲ့
လက်လုပ် မိုက်ခရိုစကုပ်တွေနဲ့  စစ်ဆေးခဲ့ပါတယ်။  ရောဂါဖြစ်ပွားတာ ဆိုးဝါးတဲ့ အဆင့်
ရောက်နေသူတွေကိုရော အခြေနေ သိပ်မဆိုးသေးတဲ့ အလယ်အလတ်အဆင့် ရောက်
နေသူတွေကိုပါ  အောင်အောင်မြင်မြင် စစ်ဆေးဖော်ထုတ်နိုင်ခဲ့ပါတယ်။ ဒါပေမယ့် အခုမှ
ှကူးစက်ခါစ နုသေးတဲ့ အဆင့်အတွက်တော့ သူတို့ကောင်းကောင်း အဖြေထုတ်မပေးနိုင်
သေးဘူးဆိုတာ တွေ့ရပါတယ်။  ဘာပဲပြောပြော  နည်းပညာသာ ခုထက် တိုးတက်လာခဲ့
ရင် ဒါကိုလည်း စမ်းသပ်နိုင်တဲ့ အခြေနေမျို ရောက်လာနိုင်တယ်လို့
ဒေါက်တာ အိုင်ဇက်က တွက်ပါတယ်။

 “ အူထဲမှာပေါက်ပွားတဲ့ ကပ်ပါးကောင်တွေကို စစ်ဆေးနိုင်ဖို့ အတွက်   ကျွန်တော်တို့  
ဓာတ်ခွဲခန်းသုံး  မှန်ပြားလေးတွေကို သုံးပါတယ်။  အဲဒီမှန်ပြားပေါ်မှာ  မစင် နမူနာလေး
တွေကို တင်ပါတယ်။ အဲဒီအပေါ်မှာ ဆယ်လိုဖိန်းလို့ခေါ်တဲ့ ပလပ်စတစ်အကြည်လွှာကို
အုပ်ထားလိုက်ပြီး   အိုင်ဖုန်းသုံးပြီး ကြည့်တာပါ။   စစ်ဆေးမယ့် မစင်  နမူနာတင်ထားတဲ့
မှန်ပြားကို  အိုင်ဖုန်းနဲ့ တွဲထားတဲ့  ဘောလုံးလို  လုံးနေတဲ့ မှန်ဘီလူး နဲ့ ကပ်နေအောင်
ထားပါတယ်။ အဲဒီနောက်မှ  အနီးအဝေး လိုသလို ချိန်ပြီး ကပ်ပါးကောင် ပါမပါ ကြည့်ရင်
လွယ်လွယ်ကူကူပဲ မြင်ရပါတယ် ”

 အူလမ်းကြောင်းမှာ နေလေ့ရှိတဲ့ သံကောင်တွေထဲမှာ Round Worm လို့ခေါ်တဲ့
သံကောင်လုံးတွေကိုရော Hook Worm လို့ခေါ်တဲ့ ချိတ်သံကောင်မျိုးတွေကို တွေ့နိုင်
ပါတယ်။  ခြေထောက် အရေပြားကို ထိုးဖောက်ပြီး သွေးလှည့်လမ်းကြောင်းကနေ တဆင့်
နောက်ဆုံး အူအမြှေးပါးမှာ ကပ်တွယ်တတ်တဲ့ Hook Worm လို့ခေါ်တဲ့ ချိတ် သံကောင်
မျိုးတွေဟာ အူလမ်းကြောင်းမှာနေပြီး သွေးကို စုပ်ယူတဲ့အတွက် နောက်ဆုံးမှာ ဆိုးဝါးတဲ့
သွေးအားနည်းရောဂါ ဖြစ်လေ့ရှိသလို  အဟာရ ချို့တဲ့မှုတွေပါ ဖြစ်လာစေတာပါ။

ဒီသံကောင်တွေကို ဖိနပ်မစီးဘဲ ဆော့လေ့ရှိတဲ့ ကလေးငယ်တွေမှာရော လူကြီးတွေမှာပါ
တွေ့ရတတ်တာပါ။  ဒီသံကောင်တွေကြောင့် ဖြစ်လေ့ရှိတဲ့ ကပ်ပါးရောဂါကို လူနာရဲ့ မစင်
နမူနာကို ယူပြီး မိုက်ခရိုစကုပ်နဲ့ သာမန်အလင်းရောင် အောက်မှာပဲ စစ်ဆေးနိုင်ပါတယ်။
  မိုက်ခရိုစကုပ် အလွယ်တကူရဖို့ ခက်ခဲတဲ့ ဒေသတွေမှာ အခုလို smart phone ကို
မိုက်ခရိုစကုပ်လို သုံးနိုင်တာ တွေ့လာရတာမို့  ရိုက်ကူးလိုက်တဲ့ ပုံရဲ့  အရည်အသွေး
ကောင်းဖို့ကို နောက်တဆင့် အဖြစ် ကျိုးစားဖို့ လိုမယ်လို့ 
ဒေါက်တာ အိုင်ဇက်က ပြောပါတယ်။

 Smart phone တွေကို အခုလို မိုက်ခရိုစကုပ်အဖြစ် သုံးပြီး  ဆင်းရဲတဲ့ ကျေးလက်ဒေသ
တွေမှာ ရောဂါထိမ်းချုပ်ရေး ပိုပြီး လုပ်လာ နိုင်တော့မယ် လို့လည်း ဆိုပါတယ်။

"အူလမ်းကြောင်းတွေမှာ နေလေ့ရှိတဲ့ ကပ်ပါးကောင်တွေဟာ အမျိုးအစား အများအပြား
ရှိပြီး တော်တော် ဒဏ်ခံနိုင်ကြပါတယ်။  သူတို့ကြောင့် ဖြစ်ပွါးတဲ့ ရောဂါတွေကို ကုသဖို့ 
ဒီကပ်ပါးကောင်တွေရဲ့ အမျိုးအစားနဲ့ သဘာဝကို သိဖို့ လိုပါတယ်။  အခု ဆေးကုသ
သူတွေအဖို့  ဝေးလံခေါင်ဖျားဒေသ ရောက်နေပေမယ့် အမျိုးအစား၊ အနေအထားနဲ့
ရောဂါအကြောင်း ကွဲကွဲပြားပြား သိကြရင်  ကျွမ်းကျင်သူတွေကို email ပို့ပြီး ပုံနမူနာတွေ
ပြနိုင်တော့မှာမို့  အချိန်တိုတို အတွင်းမှာပဲ ရောဂါ ရှာဖွေရေးတွေ လုပ်နိုင်ကြတော့မှာ
ဖြစ်ပါတယ်"

မတ်လ ၁၈ ရက်နေ့မှာပဲ  ဂျပန်နိုင်ငံ Fujitsu ဓာတ်ခွဲခန်း  လီမီတက် ကလည်း
smart phone တွေ၊ ဒါမှမဟုတ် ကွန်ပြူတာတွေမှာ တပ်ထားတဲ့ ကင်မရာတွေကို သုံးပြီး
နှလုံးသွေးခုန်နှုန်းကို  ၅ စက္ကန့် အတွင်းမှာပဲ တိုင်းတာပြီး  ကျန်းမာရေး စစ်ဆေးမှုတွေ
လုပ်နိုင်ပြီလို့ ကြေညာခဲ့ပါတယ်။

Source:VOA News