ဆီးဖြူသီး၏ ကျန်းမာရေးအကျိုးကျေးဇူးများ

နွယ်မြက်သစ်ပင် ဆေးဘက်ဝင်
=====================

   “အစာလည်းဆေး၊ ဆေးလည်းအစာ” လို့ ဆိုရိုးစကား ရှိတဲ့အတိုင်း မိမိတို့
လက်လှမ်းမီရာ အသီးအနှံ ဟင်းသီးဟင်းရွက်တွေဟာ အာဟာရလည်းရှိ၊ ခံတွင်းလည်း
မြိန်သလို ဆေးစွမ်းလည်း ထက်ကြပါတယ်။ “ဆီးဖြူ (ဇီးဖြူ) ဖန်ခါး ရဟန်းစား” ဆိုတဲ့
စကားအရ ဆီးဖြူသီးနဲ့ ဖန်ခါးသီးဟာ ခြိုးခြံချွေတာစွာ ဆွမ်းမှီဝဲတတ်တဲ့ ရဟန်းသံဃာ
တော်များအတွက် ဆေးဘက်ဝင် အကျိုးရှိစေလို့ ဆီးဖြူဖန်ခါး ရဟန်းစားဆိုတဲ့ စကား
ပေါ်ပေါက်ခဲ့တာ ဖြစ်ပါတယ်။ ဒါကြောင့် ယခုတစ်ပတ် နွယ်မြက်သစ်ပင် ဆေးဘက်ဝင်
ကဏ္ဍအတွက် ဆီးဖြူသီးကို ရွေးချယ်ဖော်ပြလိုက်ပါတယ်။

   ဆီးဖြူပင်ဟာ ခြုံပင်အလတ်စားဖြစ်ပြီး ဆူးတွေ ပေါပါတယ်။ အသီးတွေကလည်း
ပြွတ်ခဲနေအောင် သီးတတ်ကြတယ်။ အပင်ပေါ်က တွဲလောင်လေးတွေ ဖြစ်နေတဲ့
ဆီးဖြူသီးတွေကို ကြည့်ရတာနဲ့တင် ခူးပြီး စားချင်စရာ ကောင်းတယ်။ ဆီးဖြူသီးက
အဖန်ဓာတ်လည်း ပါသလို၊ အချဉ်ဓာတ်လည်း ပါပါတယ်။ ဆားလေးနဲ့တို့ပြီး တမြုံ့မြုံ့စား၊
ပြီးရင် စိမ့်အိုးထဲက ရေတစ်ခွက် သောက်လိုက်ရင် နွေရာသီ နေ့လည်မှာ ဘယ်လောက်
ပူပြီး မောနေပါစေ တခဏလေးအတွင်း အမောပြေ လန်းဆန်းသွားရတာပါ။ ငယ်ငယ်က
အဘွားက ပြောပြတတ်တဲ့ “ဆီသည်ကြီး” ပုံပြင်ထဲမှာ ဆီတွေကို သွန်ပြီး ရေတွေ ထည့်
ထားတဲ့ ဆီသည်မကြီး အကြောင်းကို သတိရမိပါတယ်။ ဆီးဖြူသီးစားပြီး သောက်မိတဲ့
ရေက အရသာရှိတာ မသိပဲ ရေကပဲ ချိုတယ်ထင်ပြီး ဆီတွေသွန် ရေတွေ ခပ်သွားတဲ့
အကြောင်းလေ။ ဆီဖြူသီးစားပြီး ရေသောက်ရင် ချိုတယ်လို့ ပုံပြင်ထဲက ပါတဲ့အတိုင်း
မောင်နှမတွေ ဆီးဖြူသီးစားပြီး ရေအငမ်းမရ လုသောက်ခဲ့ကြတာ မှတ်မိပါသေးတယ်။

   ဆီဖြူသီးကို gooseberry လို့ အင်္ဂလိပ်လိုခေါ်ပြီး ဆီးဖြူသီး အမျိုးပေါင်းများစွာ ရှိပါတယ်။
ပုံမှန်တွေ့နေကြ ဝယ်ယူစားသုံးနေကြ ဆီးဖြူသီးက Alma လို့ခေါ်တဲ့ Indian Goose
berry  အမျိုးအစား ဖြစ်ပါတယ်။ ဆီးဖြူပင်ကို သိပ္ပံအမည်အရ Ribes UVA-Crispa
လို့ ခေါ်ပါတယ်။

   ဆီးဖြူသီးပင်ရဲ့ အသီး၊ အခေါက်၊ အပွင့်၊ အမြစ် အားလုံး သူ့နေရာနှင့်သူ ဆေးဘက်
ဝင်ပါတယ်။ ဆီးဖြူသီးဟာ ဗိုက်တာမင် C အလွန်ကြွယ်ဝတဲ့ သဘာဝ အသီးအနှံ ဖြစ်ပါ
တယ်။ အသဲနဲ့ဆိုင်သော ရောဂါဝေဒနာသည်တို့ အဓိက အားထားရာ သဘာဝ ဆေးစွမ်း
ထက်တဲ့ အသီး ဖြစ်ပါတယ်။ အခုခေတ်လို အစားအစာတွေလည်း ဆိုးဆေးတွေ၊ ပိုးသတ်
ဆေးတွေ၊ အထွက်တိုး မြန်မြန်သီး မြန်မြန်မှည့် ဟော်မုန်းဆေးတွေ အများကြီး ပါတဲ့အချိန်၊
ဆီတွေလည်း မသန့်တဲ့ အချိန်မှာ ကိုယ်ခန္ဓာရဲ့ အဆိပ်သန့်စင် စွန့်ပစ်ရေး လုပ်ငန်းကို
မောကြီးပန်းကြီး ထမ်းဆောင်နေရတာ အသဲ ဖြစ်ပါတယ်။ ဒါကြောင့် အဆိပ်လည်း ပြေစေ၊
ဓာတ်တိုးဆန့်ကျင်သတ္တိလည်းရှိတဲ့ ဗိုက်တာမင် C ကြွယ်ဝတဲ့ ဆီးဖြူသီးဟာ အသဲအတွက်
ဧရာမ စစ်ကူကြီး ဖြစ်ပါတော့တယ်။ အသည်းရောင် B ပိုး၊ C ပိုး စသည်တို့ကြောင့် အသဲ
ဝေဒနာ ဖြစ်နေရင် ဖြစ်ဖြစ်၊ အရက် အလွန်အကျွံ သောက်လို့ အသဲသွေးကြောများ
ပျက်စီးပြီး အသဲခြောက်၊ အသဲမာ၊ အသဲကင်ဆာ ဖြစ်ရင်ပဲ ဖြစ်ဖြစ် ဆီးဖြူသီးဟာ
အလွန်ပင် ဆေးစွမ်းထက်စွာ ကယ်တင်ပေးမှာ ဖြစ်ပါတယ်။

   အိမ်သုံး တိုင်းရင်း နွယ်မြက်သစ်ပင် အစွမ်းတွေအကြောင်း တင်ပြတဲ့ အင်တာနက်မှ
ရရှိတဲ့ ဆီးဖြူသီးရဲ့ အကျိုးကျေးဇူးများကို တင်ပြပါမယ်။ ဆီးဖြူသီးဟာ သွေးသားသန့်စင်
မှုက သွေးအတွင်း အဆိပ်အတောက်တွေနဲ့၊ ဗိုင်းရပ်ပိုး၊ ဗက်တီးရီးယားနဲ့ အဏုဇီဝ ပိုးမွှား
တွေကိုလည်း ဖယ်ရှားပေးပါတယ်။ သွေးအားကောင်းစေတဲ့ ဟေမိုဂလိုဗင်ဓာတ် ကြွယ်ဝ
အောင် ဖြစ်စေတာမို့ အမောခံနိုင်ပြီး အသားအရေ ကြည်လင်လှပစေပါတယ်။
ဗိုက်တာမင် C ကြွယ်ဝလို့ ကိုယ်ခံအား စနစ်ကို အားကောင်းစေပါတယ်။ အသဲနဲ့
ပန်ကရိယ(မုန့်ချိုအိတ်) ကို များစွာ ပံ့ပိုးကူညီပြီး စိတ်နှလုံးကိုလည်း ပြောလျော့ အေးချမ်း
စေပါတယ်။ ဆံပင်ရဲ့ ကောင်းခြင်း၊ ဦးရေရဲ့ ကောင်းခြင်း၊ သန်းနှင့် ဘောက်များကို
ကင်းစင်စေခြင်းနဲ့  အသားအရည်ကိုလည်း လှပချောမွတ်စေပါတယ်။ ရောဂါဘယ
မျိုးစုံကိုလည်း သက်သာပျောက်ကင်းအောင် စွမ်းဆောင်နိုင်သော အံ့ဖွယ် သဘာဝ
ပေးတဲ့ လက်ဆောင်ကြီး ဖြစ်ပါတယ်။

   ဆီးဖြူသီးကနေ ခေါင်းလျှော်ရည်၊ ခေါင်းလိမ်းဆီ အမျိုးမျိုး ထုတ်လုပ်ကြပါတယ်။
တိုင်းရင်းဆေးများနဲ့ တွဲဘက်ပြီး ဆေးဖော်ကြသလို အရန်ဟင်းအဖြစ် လည်းကောင်း
ဆီဖြူသီးချိုချဉ်၊ ဆီဖြူသီးဖျော်ရည် ပြုလုပ်ပြီး စားသုံးကြပါတယ်။ အချို့က ဆီးဖြူသီးကို
ဆားရည်စိမ်ထားတတ်ပြီး တစ်ချို့က အခြောက်လှမ်း အစေ့ထုတ်ပြီး အသားကို အမှုန့်
ပြုလုပ်ထားတတ်ကြပါတယ်။ ဆီးဖြူသီး ဆားရည်စိမ်နဲ့ ငါးပိကြော် တွဲဖက်ဧည့်ခံတဲ့
မန္တလေး ရပ်ကွက် ဘုရားပွဲတွေကို လွမ်းမိသွားပါတယ်။

 သွားနှင့်ခံတွင်း
----------------
   ဆီးဖြူသီးလေး တစ်လုံး ကောက်ဝါးလိုက်ရုံနဲ့ သွားနှင့်ခံတွင်း ကျန်းမာရေးကို များစွာ
အထောက်အကူပြုပါတယ်။ ဆီးဖြူသီးမှ ထုတ်ထားတဲ့ အရည်နဲ့ ပလုတ်ကျင်းရင် ခံတွင်း
အနံ့ဆိုးများကို ကင်းစင်စေပြီး ခံတွင်း သန့်ရှင်းစေပါတယ်။ သွားဖုံး သွေးယိုတာလည်း
ဗိုက်တာမင် C နဲ့ ကယ်စီယမ်ဓာတ်တို့ ပါဝင်တာမို့ ပျောက်ကင်းအောင် ကူညီပေးပါတယ်။

ကိုယ်ခံအားစနစ် နှင့် ကင်ဆာ
-------------------------------
   ဗိုက်တာမင် C အပြင် ကယ်စီယမ်၊ သံဓာတ်၊ ဖော့စ်ပါးရပ်နှင့် ကယ်ရိုတင်းဓာတ်တို့
ပါဝင်ခြင်း၊ Thiamine, riboflavin, niacin တို့ ပါဝင်ခြင်း၊ gallic acid လို ဓာတ်တိုး
ဆန့်ကျင်တဲ့ ဂုဏ်သတ္တိ ရှိခြင်းတို့ကြောင့် ဆဲလ်များ ပုံမှန်မဟုတ်ပဲ ယိုယွင်းခြင်း၊ ကင်ဆာ
ဆဲလ် ဖြစ်ပေါ်ခြင်း စသည်တို့ကို ကာကွယ်ပေးပြီး ကိုယ်ခံအားစနစ်ကိုလည်း ကောင်းမွန်
စေပါတယ်။ အာရုံကြောစနစ်ရဲ့ လုပ်ငန်းကိုလည်း တိုးတက်ကောင်းမွန်အောင်
ဆောင်ရွက်ပေးပါတယ်။ ဆီးဖြူသီး စားသုံးလေ့ ရှိသူကို ဗိုင်းရပ်နှင့် ဘက်တီးရီးယားပိုးတို့
အလွယ်တကူ မဝင်ရောက်နိုင်ပါဘူး။ ကိုယ်လက်စထရောကိုလည်း လျော့နည်းစေပြီး
နှလုံးကြွက်သားများကိုလည်း သန်မာစေပါတယ်။ ကိုယ်ခန္ဓာအတွက် အလွန်ပင်
အရေးကြီးတဲ့ အသဲကိုလည်း အထောက်အကူပြုပါတယ်။ အဝလွန်ခြင်း မဖြစ်စေရန်
ထိန်းချုပ်စေပြီး ကိုယ်အလေးချိန် လျှော့ချရာမှာ လွယ်ကူအောင် ပါဝင်ကူညီနိုင်ပါတယ်။

 ဆံပင်နှင့် ဦးရေပြား ဗောက်ထခြင်း
-------------------------------------
   အရွယ်မတိုင်မီ ဆံပင်ဖြူတာ၊ ဆံပင်ကျွတ်တာ၊ ဆံပင်သား မကောင်းတာ စသည့်
ဆံပင်နှင့် ပတ်သက်သော အခက်အခဲများကို ဆီးဖြူသီးက အစွမ်းပြ ဖြေရှင်းပေးပါတယ်။
အခြောက်လှမ်းပြီး အမှုန့်ပြုလုပ်ထားတဲ့ ဆီဖြူသီးမှုန့်ခြောက်ကို ရေတစ်ညစိမ်၊ ပြီးရင်
သံပယိုရည်ထည့်ပြီး (၅) မိနစ်၊ (၁၀) မိနစ်ခန့် ဦးရေပြားကို နှိပ်နှယ်ခေါင်းလျှော်ပြီး
ရေဆေးပါ။ ဆံပင် အရောင်အသွေး လှပပျော့ပျောင်းကာ ကျန်းမာတဲ့ ဆံသားကို
ရရှိလာမှာပါ။ ဗောက်ထခြင်း၊ သန်းရှိခြင်းကိုလည်း လျော့ပါးစေပါတယ်။ ဆီးဖြူသီး
ခေါင်းလျှော်ရည်နဲ့ ဆီးဖြူသီး ခေါင်းလိမ်းဆီဆိုပြီး ဝယ်ယူသုံးစွဲနိုင်ပါတယ်။ ဒါမှမဟုတ်ရင်
အုန်းဆီ စစ်စစ်ကို ဆီးဖြူခြောက်မှုန့်နဲ့ ရောပြီး ကျိုပါ၊ ပြီးရင် အအေးခံပြီး လိမ်းနိုင်ပါတယ်။

 မျက်လုံးနှင့် ပါးစပ်နာ
-----------------------
   ဆီးဖြူသီး တစ်ညစိမ်ထားတဲ့ ရေသန့် အကြည်နဲ့ မျက်လုံးဆေးရင် မျက်စိ ယားယံ
တာကို သက်သာပြီး အမြင်အာရုံကို ကောင်းမွန်စေပါတယ်။ ဆီးဖြူအမြစ်ခြောက်အမှုန့်နဲ့
ပျားရည်ရောပြီး သုံးရင် ခံတွင်းနာများ၊ ပူလောင်နာများ သက်သာစေပါတယ်။

ဓမ္မတာသွေးလွန်ခြင်း
----------------------
   ဓမ္မတာသွေးလွန်ခဲ့ရင် ငှက်ပျောသီးမှည့်နဲ့ ဆီးဖြူသီး အရည်ကို တစ်ရက်အတွင်း
(၃) ကြိမ်လောက် သောက်သုံးပါက သက်သာစေပါတယ်။

 ကျောက်ကပ်နှင့် ဆီးလမ်းကြောင်း
-------------------------------------
   ကျောက်ကပ်နှင့် ဆီးလမ်းကြောင်းဆိုင်ရာ ရောဂါဝေဒနာများ ကုသရာမှာ အကူအညီ
အဖြစ် စပျစ်သီးခြောက်အရည်နှင့် ဆီးဖြူသီးအရည် တွဲသောက်ပါက အလွန်ကျေးဇူးများ
ပါတယ်။ ကျောက်ကပ် ကျောက်တည်ရင် မုန်လာဥဖြူနဲ့ သကြားနဲ့ ဆီးဖြူရည်နဲ့
သောက်ပါက ပျောက်ကင်းစေပါတယ်။

ဆီးချိုရောဂါ
-------------
   ဆီးဖြူသီးဟာ သွေးတွင်း သကြားဓာတ်ကို လျှော့ချပေးတဲ့ သတ္တရှိပါတယ်။ အစေ့က
ဖယ်ထားတဲ့ ကြက်ဟင်းခါးသီးအရည် တစ်ဖန်ခွက်အတွင်း ဆီးဖြူသီးအရည် တစ်ဇွန်း
ရောပြီး နှစ်လလောက် ဆက်သောက်ပါက ဆီးချိုရောဂါ သက်သာစေပါတယ်။ မုန့်ချိုအိတ်
ကိုလည်း လှုံ့ဆော်တဲ့အစွမ်း ရှိပါတယ်။

 ဝမ်းပျက်ဝမ်းလျှောရောဂါ
-----------------------------
   ပိုးကြောင့်ဖြစ်တဲ့ ဝမ်းပျက်ဝမ်းလျှောရင် ဆီးဖြူသီး အရည်ကို သကြားနဲနဲထည့်ပြီး
သောက်ပါက သက်သာစေပါတယ်။

 အစာအိမ်
------------
   ဆီဖြူသီးဟာ အစာစားချင်စိတ်ကို ဖြစ်ပေါ်စေပြီး အစာချေဖျက်မှုနဲ့ အာဟာရ စုပ်ယူ
နိုင်စွမ်းကို ကောင်းမွန်သလို ပုံမှန်ဖြစ်လေ့ရှိတဲ့ အစာမကြေခြင်း၊ လေပူထခြင်း၊ အက်စစ်
ဓာတ်များခြင်းတို့ကို သက်သာစေပါတယ်။

အထွေထွေ
------------
   ဆီးဖြူသီးဟာ စိုးရိမ်ပူပန်မှု လွန်ကဲခြင်းကို ကာကွယ်နိုင်တယ်၊ သက်သာစေတယ်၊
မှတ်ဉာဏ်ကိုလည်း ကောင်းစေပါတယ်။ သွေးယိုစိမ့်ခြင်းကို သက်သာစေတယ်။
သွေးအန်ခြင်းဖြစ်ရင်လည်း သောက်နိုင်ပါတယ်။ ပျားရည်နဲ့ရောပြီး သောက်ပါက
နာတာရှည် ချောင်းအခြာက်ဆိုးခြင်းကိုလည်း ပျောက်ကင်းစေပါတယ်။ အအေးမိခြင်း၊
ချောင်းဆိုးခြင်းနှင့် အသက်ရှူလမ်းကြောင်းဆိုင်ရာ ဝေဒနာများကိုလည်း သက်သာ
လျော့ပါးစေပါတယ်။ နှာခေါင်းသွေးယိုခြင်း၊ နှလုံးရောဂါများ၊ ခေါင်းကိုက်ခြင်း၊ သွေးအား
နည်းခြင်း၊ ဗိုက်တာမင် C ချို့တဲ့ရောဂါဖြစ်တဲ့ Scurvy (သွေးမတိတ်ခြင်း)၊ အမျိုးသမီးများ
အဖြူဆင်းခြင်း၊ လေနာဗိုက်အောင့်ခြင်း၊ ဝမ်းချုပ်ခြင်း၊ လိပ်ခေါင်းဖြစ်ခြင်း၊ သန်ထခြင်း၊
အဆစ်အမြစ်ရောင်ခြင်း စသည်များ လျော့ပါး သက်သာစေပါတယ်။ ဒါကြောင့်
ကိုယ်ခန္ဓာ၏ အထွေထွေ ကျန်းမာရေးကိုလည်း အထောက်အကူပြုပြီး စိတ်ကိုလည်း
လန်းဆန်းတက်ကြွစေတဲ့ ဆီးဖြူသီးကို နံနက်စောစောထပြီး ပျားရည်လေးနဲ့ ဆီးဖြူရည်
လေးနဲ့ဖျော်ကာ နေ့စဉ် သောက်သုံးသွားပါက “အာရောဂျံ ပရမံလာဘံ” ဆိုတဲ့ စကားနဲ့
အညီ ဆုလဒ်ကြီးဖြစ်တဲ့ ကျန်းမာရေးကောင်းခြင်းကို ရရှိနိုင်မှာပါ။

သူရကျော်
The Light Of Mandalay (Mdy A Lin)
Source: http://news.yatanarpon.com.mm/news/article-80262