ကျောင်းအမကြီး မငွေစိန်

ကျောင်းအမကြီး မငွေစိန်
---------------------
>:<  တစ်ကယ်တော့ "မငွေစိန်"ဆိုတာ တစ်ခေတ် တစ်ချိန်က နာမည်ကျော်ခဲ့တဲ့ ဆင်မကြီး ရဲ့ နာမည်ပါ။ မငွေစိန်ရဲ့ ဇာတ်လမ်း က ဒီလိုပါ။ ဟိုရှေး က မုံရွာမြို့ မြောက်ဘက်၂၉-မိုင်ခန့် အကွာ ရှေး အခေါ် အလုံမြို့နယ်ထဲက (ဝက်ရဲရွာ) ရှိလယ်ယာ လုပ်ခင်းတွေ ကို တောဆင်ရိုင်းတို့ မကြာခဏ ဝင်ရောက် ဖျက်ဆီးတတ်ပါတယ်။ ရွာသားတို့ကလည်း မကြာခဏပင် နည်းမျိုးစုံသုံးးကာ မောင်းထုတ် ကြရပါတယ်။ တစ်ခါမှာတော့ မပြေးနိုင်တော့တဲ့ ဆင်မငယ်လေး တစ်ကောင် ဖမ်းဆီးရရှိရာ ရွာဘုန်းကြီးကျောင်းကို
ပို့လှူကြပါတယ်။ ၁၂၄၈-ခုနှစ်လောက် ကပါ။

ရွာဘုန်းတော်ကြီး ဦးဃောသ က ကောင်းစွာ လက်ခံ ကျွေးမွေး စောင့်ရှောက်လို့ ဆင်ယဉ်လေး တစ်ကောင် ဖြစ်လာပါတယ်။ သူ့ကို(ငွေစိန်) လို့ နာမည်ပေးပါတယ်။ ဆင်မလေး ငွေစိန် ဟာ ဘုန်းတော်ကြီး ကို ချစ်ခင် အားကိုးလှလို့ ဘုန်းတော်ကြီး ကြွလေရာနောက် တကောက်ကောက် လိုက်ပါတယ်။ သာမှုနာမှု ကိစ္စ နဲ့ တစ်ခြားရွာများကြွရင်လည်း မျက်ခြေပြတ်မခံ လိုက်ပါတယ်။

ဘုန်းကြီးကျောင်းသားလေးများ ဘုန်းကြီးကို နှိပ်နယ် ပြုစုပုံကို အတုယူကာ သူ့လက် ကိုကွေးပြီး တံတောင်ဆစ်နဲ့ ထောက်ကာ ထောက်ကာနှိပ်နယ် ပေးတတ်ပါတယ်။ လူစကားကို တော်တော် နားလည်ပါတယ်။

ဆင်မလေး တော်တော်ကြီးလာတဲ့ အခါ သူ့ကို ကျွေးမွေး စောင့်ရှောက်ရတဲ့ တာဝန်ကြီးလာလို့ တောထဲ အကြိမ်ကြိမ် ပြန်လွှတ်ပေမယ့် ကျောင်းကိုသာ ပြန်လာနေပါတယ်။ နောက်တော့ ဘုန်းကြီး က

" ငွေစိန်..နင်က ဆင်မ ဖြစ်တယ်။ ငါ့ကျောင်းနေလို့ မထိုက်တန်ဘူး။
ဒါ့ကြောင့်တောထဲသွားပြီး ဆင် အပေါင်းအဖေါ်တွေနဲ့ သာနေပေတော့"

လို့ အမိန့်ရှိတဲ့ အခါ ငွေစိန်ဟာမျက်ရည်တွေတွေ ကျကာ
မလှမ်းချင် လှမ်းချင်နဲ့ တောထဲဝင်သွား တယ်လို့ဆိုပါတယ်။

တစ်မိုးကုန်တော့ ငွေစိန် ဟာ သူ့ အဖေါ်ဆင်ထီးလေး တစ်ကောင်နဲ့ အတူ ကျောင်းရောက်လာပါတယ်။ ဘုန်းတော်ကြီး ကို လှူဖို့ ငှက်ပျော တစ်ခိုင်ပင် ပါလာပါသေးတယ်။ ဆင်ထီးလေးက ကျောင်းထဲ မဝင်ရဲ ပေမယ့် ငွေစိန် ကတော့ အလွန်ပျော်ရွှင်စွာ ဘုန်းတော်ကြီးဆီ အရင်ကလိုပဲ ရင်းရင်းနှီးနှီး ဝင်ရောက် လာပါတယ်။

ဘုန်းတော်ကြီးက လူတို့ရဲ့ လယ်ယာလုပ်ကွက်တွေ ကို မဖျက်ဆီးဖို့၊ ဘေးရန်ကင်းစေရန် တောနက်ထဲ မှာသာနေဖို့ ဆုံးမစကား ပြောကြားတာကို သေသေချာချာ နားထောင်ပါတယ်။ နောက်မှ ဆင်ထီးလေးနဲ့ အတူ တောအုပ်ဆီ ပြန်သွားတာ ကျောင်းသား၊ကိုရင်လေးများနဲ့ ဒကာများ တွေ့မြင်လိုက်ရ ပါတယ်။

တောမှာမပျော်တဲ့ငွေစိန်ဟာ မကြာမီ ကျောင်းကိုပြန်ရောက်လာပြန်ပါတယ်။ ဒီတစ်ခါမှာတော့ ဘုန်းတော်ကြီးရဲ့ အစီအစဉ် နဲ့ " သခွတ်တနယ်ရွာ" ရွာသူကြီး ဦမင်းကောင်း ထံ အပ်နှံပါတယ်။

(ဦးမင်းကောင်းဆိုတာ မြန်မာ့အသံ ကနီ ဦးလူညွန့် ရဲ့ ဖခင်ပါ။ ကျနော်တို့ ငယ်စဉ်က
ကနီ ဦးလူညွန့် ရဲ့ မှတ်သားဖွယ် အသံလွှင့်ချက်တွေ မကြာမကြာ နားဆင်ခဲ့ရပါတယ်)။

ဦးမင်းကောင်းလည်း အချိန်ကြာကြာ ကျွေးမွေးပါတယ်။ ကြာလာတဲ့ အခါ ဝန်လေးလာလို့ တောထဲ ပြန်လွှတ်ပါတယ်။ ငွေစိန်ဟာ တောထဲက ပြန်ထွက်လာပြီး ရွာနီးဝန်းကျင်မှာ လွတ်လွတ် လပ်လပ် လှည့်လည်ကာ နေပါတော့တယ်။ လူတို့ကျွေးသမျှ စားပါတယ်။ လူများ ကို ရန်မရှာပါဘူး။

နောက်တော့ ဦးမင်းကောင်း က ငွေစိန် ကို ပြန်သိမ်းကာ ဆင်ဦးစီးတစ်ယောက်ထံ အပ်ပါတယ်။
" ဆင်ခ ရရင် မင်းသုံးစွဲပါ။ ဆင်ကိုလည်းကျွေးပါ။" လို့ အမှာစကား ထားပါတယ်။

အကင်းပါးတဲ့ ဆင်ဦးစီးဟာ လိမ္မာလှတဲ့ ငွေစိန်နဲ့ အတူ ရွှေဘို၊ မုံရွာနယ်တစ်ခွင်အနှံ့ လှည့်လည်ကာ အလှူပွဲများက ဖိတ်ကြားသမျှ အငှားလိုက်နေပါတော့တယ်။ ငွေစိန်တုိ့ ဝင်ငွေကောင်းလာပါတယ်။ နောက်တော့ စစ်ကိုင်း၊ မန္တလေး၊ ကျောက်ဆည်နယ် အထိ နယ်ကျယ်လာပါတော့တယ်။

အလှူပွဲများမှာ ရှင်လောင်းလှည့်ရမည်ဆိုရင် ငွေစိန် အလွန်ပျော်ပါတယ်။ (နိုင်ငံကျော် ဓမ္မကထိက ဆရာ ဦးလှသိန်း ရှင်ပြုစဉ် က ငွေစိန် ကို ငှား ကာ ရှင်လောင်းလှည့် ခဲ့တယ်လို့ သူ့အတ္ထုပ္ပတ္တိ မှာပါပါတယ်။) ဘုန်းကြီးပျံ ပွဲ များကိုတော့ ငွေစိန် မလိုက်လိုပါဘူး၊ အလွန်ငြင်းဆန်ပါတယ်။

ငွေစိန်တို့ ကျောက်ဆည်နယ်ရောက်နေစဉ် ဦးမင်းကောင်း က ဆင်ဦးစီးနဲ့ တကွ ငွေစိန် ကို ပြန်ကောက်ကာ မန္တလေးမာရ်အောင်ကျောင်းဆရာတော်ထံ အပ်ပါတယ်။ မန္တလေးမှာ ငွေစိန်တို့ ပိုစန်းပွင့် ကာ ဝင်ငွေလည်း ပိုကောင်းလာပါတယ်။

မာရ်အောင်ကျောင်းမှာနေစဉ် ပန်ကာ၊ မီးသီးများကို မငွေစိန် နာမည်နဲ့ လှူဒါန်းပါတယ်။ ဒါ့အပြင် ၁၃၀၂ ခုနှစ်က ဆင်းရဲနွမ်းပါးသူ မိဘများ ရဲ့ သားတို့ ကို ရှင်ပြုပေးလို့ (အလှူ့အမ မငွေစိန် )လို့ အမည် ရလာ ပါတယ်။ အဲဒီအလှူမှာ အလွန်ပျော်ရွှင်နေတဲ့ မငွေစိန် ကို တွေ့မြင်ကြရပါတယ်။

မုံရွာခရိုင် ကနီမြို့မှာနေစဉ် ကလည်း သူရတဲ့ အခကြေးငွေနဲ့ ဘုတလင်မြို့နယ် သခွတ်တနယ်ရွာ အလယ်တန်းကျောင်း နဲ့ အိမ်ခြေ ၁၅၀ လောက်ရှိတဲ့ "ဝင်မနားရွာ" မှာဘုန်းကြီးကျောင်း တစ်ကျောင်း ဆောက်လုပ်လှူဒါန်းပါတယ်။

တစ်ခါ သခွတ်တနယ်ရွာရှိ "ကျောင်းကြီးကျောင်း" အမည်ရှိတဲ့ ကျောင်းကိုလည်း ဆောက်လုပ် လှူဒါန်းပြန်ပါတယ်။ ဒါ့ကြောင့် (ကျောင်းအမကြီး မငွေစိန်) လို့ နာမည် ရပြန်ပါတယ်။
(ဦးမင်းကောင်း က ဦးစီးကာ ဆောက်လုပ်ပါတယ်) ။

တစ်ခါ "ဝက်ရဲရွာ" ရှိ ရှေးဟောင်းစေတီကြီးတစ်ဆူ ကိုလည်း သူ့လုပ်အားခနဲ့ ပြုပြင်ပြန်လို့ (ဘုရားအမကြီး မငွေစိန်) လို့ အမည်တွင်ပြန်ပါတယ်။ ဒါ့အပြင် ရုပ်ရှင် ဒါရိုက်တာရဲ့အလိုကျ ပီပီပြင်ပြင် လုပ်ဆောင်တတ် လို့  အေဝမ်းရုပ်ရှင်ကရိုက်ကူးတဲ့ အေဝမ်းညွန့်မောင်၊မေမြင့် တို့နဲ့ အတူ " မြိင်ယံဘွား" ဇာတ်ကားမှာ
ပါဝင်ခဲ့ရလို့ မငွေစိန် ကို (ရုပ်ရှင်ဇာတ်လိုက် မငွေစိန်)လို့လည်း ခေါ်ပြန်ပါသေးတယ်။

ဒုတိယ ကမ္ဘာစစ်ဖြစ်တော့ မငွေစိန် ဘေးမသီရန်မခဘဲ ဦးမင်းကောင်း ဆီ ပြန်ရောက်သွားပါတယ်။ သူ့ကို အငြိမ်းစားပေးကာ ကျွေးမွေးထားပါတယ်။ အေးချမ်းစွာ နေထိုင်ကြရင်း အသက် အရွယ်ကြီးရင့်လာတဲ့ ဦးမင်းကောင်း ၁၃၂၄-ခုနှစ်မှာ ကွယ်လွန်ပါတယ်။ မငွေစိန် မျက်ရည်တွေတွေကျကာ ငိုပါတယ်။

အဲဒီနေ့ကစလို့ မငွေစိန် အစား သိပ်မစားတော့ပါဘူး။ ဦးမင်းကောင်း ကွယ်လွန်တဲ့ တစ်လတိတိ ပြည့်တဲ့နေ့မှာ သခွတ်တနယ်ရွာရှိ သူ့ကိုထားတဲ့ ဆင်တင်းကုတ်မှာ ညင်သာစွာ သေဆုံးသွားပါတယ်။ မငွေစိန်သေဆုံးချိန်မှာ သူ့ အသက် ၇၅-နှစ်လောက်ရှိပါပြီ။

အဘိဓမ္မာ အဓိပ္ပါယ်ဖွင့်ဆိုချက်အရ (ကုသိုလ်ကောင်းမှု ပြုခွင့်များစွာ မရတဲ့ ဘုံ)ကို အပါယ်၎-ဘုံ လို့ခေါ်ပါတယ်။ မငွေစိန်ဟာ အပါယ်၎-ဘုံဖြစ်တဲ့ တိရစ္ဆာန်ဘုံ မှာ ဖြစ်ရပေမယ့် ထူးထူးခြားခြား ကုသိုလ် ကောင်းမှုတွေ ပြုလုပ်နိုင်ခဲ့ပါတယ်။ ဒါဟာ ဖြစ်တောင့်ဖြစ်ခဲ အလွန်ရှားပါးလှတဲ့ ဖြစ်ရပ်တစ်ခုပါ။

ဒါ့ကြောင့် တိရစ္ဆာန်တို့ ကို ခိုင်းစေကာ အသက်မွေးဝမ်းကြောင်းပြုကြသူတို့ မငွေစိန် ရဲ့ ဘဝ၊ မငွေစိန်ရဲ့ ဒါန ကိုသိရှိ နားလည်သင့်ပါတယ်။ တိရစ္ဆာန်တို့ ကို ကျွေးမွေးရုံ သက်သက်သာ မက၊ သူတို့ ရဲ့ လုပ်အားခ အဖို့အစု ကိုစုဆောင်းကာ (တိရစ္ဆာန်ဘဝ က လွတ်မြောက်စေခြင်းငှာ) သူတို့ ကိုယ်စား ဒါန ကုသိ်ုလ် အစုစု ပြုလုပ်ပေးသင့်လှပါတယ်။

ဒါဟာ အကူအညီမဲ့နေတဲ့ သနားစရာ တိရစ္ဆာန်များ အပေါ်
မေတ္တာ၊ ကရုဏာထား ကူညီရာရောက်လှ ပါတော့တယ်။

ကိုးကား။
၁။ ဘုရားအမကြီး မငွေစိန်၊ တောင်တန်းသာသနာပြု ဆရာတော်ကြီး
ဦးဥတ္တမသာရ၊ ဓမ္မဗျူဟာစာစောင်၊ အတွဲ(၂၀) အမှတ်(၁၂)။

၂။ သံသရာဝဋ်ကိုလွတ်အောင်ရုန်းကြစို့ရဲ့၊ တောင်တန်းသာသနာပြုဆရာတော်
အရှင်ဦးဥတ္တမသာရ၊စတုတ္ထအကြိမ်၊ဦးသိန်းရွှေအောင်(ရွှေလဝင်းစာပေ)စုဆောင်း
ပူဇော်သည်၊စာ-၁၂၅-၁၅၀။

၃။ မြန်မာ့သာသနာမော်ကွန်းတင် ဓမ္မဒူတ တတိယတွဲ၊
ရုပ်ရှင်ဇာတ်လိုက် ကျောင်းအမကြီးမငွေစိန်၊ဓမ္မာစရိယ ဦးဌေးလှိုင်၊စာ-၃၄-၅၉။

၎။ အငြင်းပွား အမှတ်လွဲ လူသိနည်းမြန်မာ့ဖြစ်ရပ်(၁၀၀)၊
မောင်ကြည်သန့်၊စာ-၁၅၂-၁၅၃။

ဆရာမ Dr Mumu Shein ထံမှကူးယူဖော်ပြပါသည်။
မူရင်းပို့စ်တင်သူအားလည်း credit ပေးပါသည်။
Credit to Min Swe.
facebook link -
https://www.facebook.com/permalink.php?story_fbid=2005103059771319&id=100008149329661