အန်နာတိုလီ မော့စ်ခ်ဗင် ( Anatoly Moskvin )

တစ်ကမ္ဘာလုံးကို တုန်လှုပ်စေခဲ့တဲ့ ဉာဏ်ကြီးရှင်တစ်ယောက်ရဲ့ဝါသနာ
----------------------------------------------------------------------------------
■   အန်နာတိုလီ မော့စ်ခ်ဗင် ( Anatoly Moskvin ) ဆိုတဲ့လူဟာ ရုရှားနိုင်ငံ နီဇီနီ နိုဘာဂရို့ဒ် ဆိုတဲ့မြို့ (Nizhny Novgorod, Russia)မှာ ဉာဏ်ပညာထက်မြက်သူ ပါရမီရှင်တစ်ယောက်လို့ နာမည်ကြီးတယ်။ သူက ဘာသာစကား ၁၃ မျိုးလောက်ကို ကျွမ်းကျင်တယ်။ ဉာဏ်သိပ်ကောင်းတဲ့ ပါရမီရှင် (genius) ပေါ့။

မော့စ်ခ်ဗင် ဟာ စာအုပ်တွေအများကြီး ရေးတယ်။ သူ့စာအုပ်တွေဟာလည်း သိပ်နာမည်ကြီးခဲ့တယ်။ ပြီးတော့ သူဟာ သမိုင်းပြတိုက်တွေမှာ သမိုင်းနဲ့ပတ်သက်တဲ့ ဗဟုသုတတွေ ကျွမ်းကျွမ်းကျင်ကျင် ဟောပြောတဲ့ ဆရာကောင်းတစ်ယောက်..။ မော့စ်ခ်ဗင်ရဲ့ အပြုအမူနဲ့ စိတ်ဓာတ်တွေဟာ အလွန် လူကြီး လူကောင်းဆန်ပြီး စိတ်ရှည် ကြင်နာတတ်တယ်လို့ လူတွေက သတ်မှတ် ပြောဆိုကြတယ်။

၂၀၁၁ ခုနှစ်ရဲ့တစ်နေ့မှာပေါ့.. အန်နာတိုလီ မော့စ်ခ်ဗင် ရဲ့မိဘနှစ်ပါးက သူတို့ရဲ့မွေးရပ်မြေကို အလည်သွားပြီး သူတို့အိမ်ကိုပြန်လာကြတယ်။ မော့စ်ခ်ဗင်က မိဘနှစ်ပါးနဲ့အတူနေတာလေ..။ သားအခန်းဖက်ကို သွားကြည့်ဦးပါမှလေ ဆိုပြီး မိဘနှစ်ပါးဟာ သားရဲ့အခန်းတံခါးကို ဖွင့်လိုက်တယ်။ မော့စ်ခ်ဗင်ရဲ့ အခန်းဟာ အရုပ်မအသစ်တွေ ရောက်နေလေရဲ့…။ အသက် ၄၆ နှစ်ရှိပြီဖြစ်တဲ့ မော့စ်ခ်ဗင်က
အရုပ်မတွေစုတဲ့ ဝါသနာရှိတာ သာမာန်လူတွေထက် ထူးဆန်းနေတာပေါ့..။

ဒါပေမဲ့ သူ့မိဘတွေအတွက် မဆန်းတော့ပါဘူး။ ဒီအရုပ်မတွေစုနေတာ ၁၀ နှစ်ကျော်ကြာနေပြီလေ..။ အရုပ်မတွေလှလှလေးလုပ်..အဝတ်လှလှလေးတွေဝတ်ပေးပြီး သူ့အိမ်မှာ အလှထားတတ်တာ သားလူပျိုကြီး မော့စ်ခ်ဗင်ရဲ့ဝါသနာ..။ သူ့အရုပ်မတွေကို နာမည်လဲ ကိုယ်စီပေးထားသေးတယ်။ မော့စ်ခ်ဗင်ရဲ့အရုပ်တွေက တခြားအရုပ်တွေနဲ့မတူ ထူးခြားတယ်..။ သူ့အရုပ်တွေကို သက်ရှိလူတွေရဲ့ တကယ့်အရပ်အမောင်းအတိုင်း ဖန်တီးထားပြီး မိတ်ကပ်သေချာလိမ်းပေးထားတယ်။
အင်္ကျီ၊ ဖိနပ်.. အပြည့်အစုံ..။

မော့စ်ခ်ဗင်ရဲ့ အရုပ်မအသစ်တွေကို ခရီးထွက်ရာက ပြန်လာတဲ့ မိဘတွေက တအံတသြ လိုက်ကြည့်နေတုန်း…. အရုပ်မတစ်ရုပ်ဟာ အရမ်းအသက်ဝင်လွန်းလို့ ကိုင်ကြည့်မိလိုက်တယ်။
မိဘတွေဟာ အရမ်းပဲလန့်သွားကြတယ်…။
“ဟင်!?! လူသေအလောင်းကြီးပါလား..?”
မိဘတွေဟာ ရဲစခန်းကို ချက်ချင်းပဲဖုန်းဆက်လိုက်တယ်။

ရဲတွေရောက်လာပြီး စစ်ဆေးကြည့်လိုက်တော့ ဘယ်သူမှမထင်ထားတဲ့ မော့စ်ခ်ဗင်ရဲ့ လျှို့ဝှက်ဖုံးကွယ်ထားတဲ့ အကြောင်းအရာတစ်ခုကို အံ့သြစွာသိလိုက်ရတယ်။

သူ့ အိမ်မှာရှိတဲ့ အရုပ်မတွေအားလုံးက လူသေအလောင်းအစစ်တွေနဲ့ ပြုလုပ်ထားတဲ့ အရုပ်မတွေ ဖြစ်နေတယ် ဆိုတာကိုပဲ..။ အရုပ်မတွေဟာ ကြမ်းပြင်ပေါ်မှာ… ဆိုဖာပေါ်မှာ….ကုလားထိုင်ပေါ်မှာ…
ဟိုမှာဒီမှာ နေရာယူထားကြတယ်။ မိဘတွေဟာ တစ်အိမ်တည်းနေပြီး ဘယ်လိုမှ မရိပ်မိခဲ့ကြဘူး..။ အနံ့ဆိုးတွေလည်း လုံးဝမရလို့လည်း မရိပ်မိခဲ့ကြတာပေါ့..။ လူသေတွေရဲ့ အရိုးစုတွေနဲ့ အရုပ်လုပ်ထားတာ
အားလုံး ၂၆ ရုပ်..။ အားလုံးမိန်းကလေးတွေချည်း…။ အသက် ၃ နှစ်ကနေ ၁၂ နှစ်ကြားရှိတဲ့ ကလေးတွေ။ မော့စ်ခ်ဗင်ကို ရဲတွေက ဖမ်းဆီးလိုက်တယ်။

“မစ္စတာ မော့စ်ခ်ဗင်… ဒီအရုပ်တွေ ဘယ်အချိန်က စလုပ်ခဲ့တာလဲ..?”
“၁၀ နှစ်လောက်ရှိပြီထင်တယ်..” မော့စ်ခ်ဗင်ဟာ တည်တည်ငြိမ်ငြိမ် ဖြေလိုက်တယ်။

မော့စ်ခ်ဗင်ဟာ ရုရှားနိုင်ငံ ဆင်ခြေဖုံးမြို့ပေါင်း ၄၀ မှာရှိတဲ့ သင်္ချိုင်း ၇၅၉ ခုကိုလှည့်လည်ပြီး မိန်းကလေးငယ်တွေရဲ့အလောင်းကို ရှာဖွေခဲ့တယ်။ နေ့ဘက်မှာ အုတ်ဂူတွေရှာပြီး ညဖက်မှာ ဘယ်သူမှ
မသိအောင် အုတ်ဂူတွေကိုဖောက်ပြီး အလောင်းတွေကို ခိုးထုတ်..  အိမ်ကိုသယ်တယ်။ အလောင်းတစ်လောင်းရလာပြီဆို မော့စ်ခ်ဗင်ဟာ ဆားနဲ့ နယ်ပါတယ်။ ပြီးတော့ မုန့်ဖုတ်ဆော်ဒါနဲ့ ထပ်နယ်တယ်…။ ပြီးတော့ အခြောက်ခံလိုက်တယ်။ ခြောက်သွားတဲ့အခါ အလောင်းတွကို တာရှည်ခံ စေဖို့အတွက် ဆေးတွေနဲ့ အထူးစီမံပြီး ပတ်တီးတွေနဲ့ ကြပ်စည်းလိုက်တယ် .. မမ်မီရုပ်အလောင်းတွေ လုပ်သလိုပေါ့…။ တစ်ချို့အလောင်းတွေရဲ့ အသားတွေ ပုတ်နေတဲ့အပိုင်းတွေရှိရင် ဖြည့်ပြီးပတ်တီးနဲ့ ပတ်တယ်။ တချို့ အလောင်းတွေရဲ့မျက်နှာကို မျက်နှာဖုံးလှလှ စွတ်ပေးလိုက်တယ်။ တချို့ကျတော့ မော့စ်ခ်ဗင်ကိုယ်တိုင် မိတ်ကပ်လိမ်းပေးတယ်။ မိတ်ကပ်လိမ်းလို့မရရင် လှလှလေး ဆေးခြယ်ပေးလိုက်..။

ပြီးတော့ အင်္ကျီလှလှလေးတွေ လက်ဝတ်လက်စား လှလှလေးတွေ ဝယ်ပြီးဆင်ထားတယ်။ မော့စ်ခ်ဗင်က ဖဲပြားလေးတွေပါတဲ့ အင်္ကျီမျိုး ကလေးမလေးတွေကို ဝတ်ပေးရတာ သဘောကျတယ်။ အလောင်းတွေ
အရုပ်မဖြစ်သွားတဲ့အခါ မော့စ်ခ်ဗင်ဟာ အလောင်းအရုပ်မ တစ်ရုပ်စီနဲ့ ထိုင်ပြီး စကားပြောရတာ အကြိုက်ဆုံးပဲ..။ တစ်ခါတစ်လေ အရုပ်မတွေ သူ့နားမှာဝိုင်းထိုင်ခိုင်းပြီး စကားပြောတယ်။ မော့စ်ခ်ဗင်အနှစ်သက်ဆုံး အချိန်ကတော့ သူ့မွေးနေ့မှာ အရုပ်မတွေနဲ့မွေးနေ့ပါတီလုပ်ရတာကိုပေါ့..။

ရဲတွေက မော့စ်ခ်ဗင်အိမ်ရဲ့ မြေအောက်စတိုခန်းမှာ အရိုးတွေ ထပ်တွေ့တယ်.. အရုပ်မ ပြုလုပ်တာ မအောင်မြင်လို့ … ပုတ်ပွသွားလို့ ပစ်လိုက်ရတဲ့ အလောင်းတွေပေါ့… အရိုးစု အလောင်း အားလုံး ၁၅၀ ..။
ရုရှားပြည်သူတွေဟာ မော့စ်ခ်ဗင်လို အထင်ကြီးလေးစားရတဲ့သူတစ်ယောက်ဟာ ဒီလို ဝါသနာမျိုးရှိတယ် ဆိုတဲ့ သတင်းကိုကြားရတော့ အတော် တုန်လှုပ်သွားကြတယ်။ ဒီလို ရူးနေလိမ့်မယ်လို့ ဘယ်သူကမှ
မထင်ထားကြဘူးလေ…။ ဒီသတင်းကို ရုရှား TV သတင်းဌာနတွေက ကြေငြာတော့ နာတာလီယာ ဆိုတဲ့အမျိုးသမီးက သတင်းဌာနကို ဖုန်းဆက်လာတယ်။”ကျွန်မ သမီး!!!! ကျွန်မ မှတ်မိနေတယ်…”
နာတာလီယာရဲ့ သမီးလေး (Olga Chardymova)ဟာ လွန်ခဲ့တဲ့ ၁၀ နှစ်လောက်က တစ်ယောက်တည်း အိမ်အပြင်ထွက်ပြီးကစားရာက မူးယစ်ဆေးဝါးသုံးပြီး လူမသိသူမသိဖြစ်နေတဲ့သူတစ်ဦးက သတ်ပစ်တာ
ခံခဲ့ရတယ်။ အခု သမီးလေးဟာ မော့စ်ခ်ဗင်ဆီ ရောက်နေပြန်တော့  မိခင် နာတာလီယာဟာ ရူးမလို ဖြစ်သွားတယ်။

“ကျွန်မကတော့ မသိပဲ.. ၁၀ နှစ်လုံးလုံး သမီးလေး အုတ်ဂူကိုသွားပြီး သန့်ရှင်းရေးလုပ်.. စကားတွေပြော..ရက်စက်လိုက်တာ.. ဒါဟာ သမီးလေးကို ၂ ခါပြန်သတ်တာနဲ့အတူတူပဲ..”
မော့စ်ခ်ဗင်ဟာ ဒီလို အလောင်းအရုပ်မတွေကို စွဲလန်းနေရတာ အကြောင်းရှိတယ်..။ မော့စ်ခ်ဗင် အသက် ၁၂ နှစ်တုန်းက အသက် ၁၁ နှစ်အရွယ် သူငယ်ချင်းမ သေဆုံးသွားတယ်။ မော့စ်ခ်ဗင်ဟာ အသုဘအိမ်ကို သွားခဲ့တယ်။ ရုရှားနိုင်ငံ ဓလေ့ထုံးစံအရ သေသူရဲ့ နဖူးကိုနမ်းရတယ်။ မော့စ်ခ်ဗင် မနမ်းချင်ခဲ့ဘူး။ လူကြီးတွေက အတင်း နမ်းခိုင်းလို့ သူငယ်ချင်းမ အလောင်းရဲ့ နဖူးကိုနမ်းမိလိုက်ချိန်မှာ မော့စ်ခ်ဗင် တစ်ကိုယ်လုံး ဓာတ်လိုက်သွားသလို ခံစားလိုက်ရတယ်။ အဲဒီအချိန်ကစပြီး မော့စ်ခ်ဗင်ဟာ အလောင်းတွေကို စိတ်ဝင်စားပြီး စွဲလန်းခဲ့တယ်။

တက္ကသိုလ်ရောက်တော့ မော့စ်ခ်ဗင်ဟာ ဗြိတိန်ကို ရောမတွေ ဝင်ရောက်သိမ်းပိုက်တဲ့အချိန် မတိုင်ခင်မှာ နေထိုင်ကြတဲ့ ယင်းလူမျိုးလို့ခေါ်တဲ့ ဥရောပလူမျိုးနွယ်တွေရဲ့ သမိုင်း၊ ရိုးရာဓလေ့၊ ယင်း ဘာသာရပ် စကားတွေကို လေ့လာခဲ့တယ်။ အဲဒီခေတ်တုန်းက အလောင်းတွေကို ဘယ်လိုစီရင်တယ် မြှုပ်နှံတယ် ဆိုတဲ့အကြောင်းကို သိပ်စိတ်ဝင်စားခဲ့တယ်။

မော့စ်ခ်ဗင်ဟာ နေ့ပိုင်းမှာ အုပ်ဂူ၊ အလောင်းလေ့လာရေးအဖွဲ့ကို ဦးဆောင်လေ့လာပြီး ကလေးမငယ် တွေရဲ့အလောင်းကို သေချာမှတ်ထားလိုက်တယ်။ ညဖက်ကြတော့ သွားခိုးတော့တာပါပဲ…။
“ကျွန်တော် သမီးလေးတွေ လိုချင်လွန်းလို့ပါ..” လို့ မော့စ်ခ်ဗင် က ပြောတယ်။
“သမီးတို့… ငါ့ကို အဖေလို့ခေါ်နော်…”
သမီးလိုပဲချစ်ချစ် ရည်းစားလိုပဲချစ်ချစ် အလောင်းကိုချစ်တာ စိတ်ရောဂါတစ်မျိုးဖြစ်တယ်။ ဒါဟာ ဟိုးရှေး အဆက်ဆက်ကတည်းက ရှိခဲ့ပါတယ်။ နက်ခရိုဖီးလီးယား (Necrophilia) လို့ခေါ်တယ်။ အမှန်တော့
သူတို့ဟာ အလောင်းကို ချစ်တာထက် စိတ်ပညာသဘောအရဆိုရင် သူတို့ပြုသမျှ ဘာမှမငြင်းတဲ့ အရာတစ်ခုကို စွဲလန်းတာမျိုးပါ..။

တစ်ချို့ကျတော့ သေဆုံးသွားတဲ့ တစ်စုံတစ်ဦးကိုချစ်လွန်းလို့ မပစ်နိုင်… သေဆုံးသွားတဲ့ချစ်ရသူနဲ့ ဆက်ပြီး ပေါင်းသင်းနေတတ်တာမျိုးပါပဲ…။ နက်ခရိုဖီးလီးယား စိတ်ရောဂါဝေဒနာရှင်တွေဟာ အလောင်းကို တွေ့ထိ နေရရင်…ဖက်ထားရရင်.. စိတ်ကျေနပ်မှုတစ်မျိုးကိုရတယ်လို့ ဆိုတယ်။ တချို့ဆို အလောင်းနဲ့ ကာမဆက်ဆံ ရတာကိုမှ နှစ်သက်တဲ့အထိ ဖြစ်ကြတယ်။

ဒါပေမဲ့ မော့စ်ခ်ဗင်ဟာ ကာမဆက်ဆံခြင်းကို စက်ဆုပ်ရွံရှာတဲ့သူ တစ်ယောက်ဖြစ်တယ်လို့ တရားရုံးမှာ ထွက်ဆိုထားတယ်..။ သူဟာ သမီးလေးတစ်ယောက်မွေးစားဖို့ ကြိုးစားခဲ့ပေမဲ့ အိမ်ထောင်မရှိလို့
မွေးစားခွင့်မရခဲ့…. သူ့ကို ကာမ မဆက်ဆံပဲ လက်ထပ်မယ့်မိန်းမလည်းမရှိ… ဒါကြောင့် ကလေးမလေး တွေရဲ့ အလောင်းကို မွေးစားခဲ့ရတာပါတဲ့။

သူ့မှာ Paranoid schizophrenia ဆိုတဲ့ တကယ်မရှိတဲ့အရာတွေကို အရှိထင်… တကယ်မကြားရတဲ့ အသံတွေကို တကယ်ထင်နေတဲ့ရောဂါ ရှိတယ်လို့ စိတ်အထူးကု ဆရာဝန်တွေက မှတ်ချက်ချတယ်။ သူဟာ
အလောင်းတစ်ခုကို မတူးဖေါ်ခင် အဲဒီအုတ်ဂူပေါ်မှာ လှဲအိပ်… စကားတွေပြော..နားနဲ့အုတ်ဂူကို ကပ်ပြီး နားထောင်တယ်။ အလောင်းတွေက…“အပြင်မှာလမ်းလျှောက်ချင်တယ်… အထဲမှာ မွန်းကြပ်နေတယ်”လို့ ပြောလာရင် သူဟာ ကလေးမအလောင်းတွေကို ကယ်ထုတ်ပေးလိုက်တာပါပဲတဲ့..။

တချို့ဆရာဝန်တွေကတော့ သူပြောတာတွေမယုံဘူး။ မော့စ်ခ်ဗင်ဟာ ဉာဏ်ကြီးရှင်တစ်ယောက် ဆိုတာ မေ့မထားကြနဲ့လေ…။ ဒီလိုအလောင်းတွေ ရာနဲ့ချီခိုးခဲ့တာတောင် ထောင်မကျပဲ အရူးထောင်မှာ သက်တောင့်သက်သာ နေရတာကြည့်….။ ဒါကြောင့် ဒီလူ ရူးချင်ယောင်ဆောင်နေတာလို့.. စွပ်စွဲကြတယ်။ သူက သေသွားတဲ့ ကလေးမလေးတွေ မိဘတွေကို ပြန်စွပ်စွဲလိုက်သေးတယ်။

“ကလေးတွေကို အေးစက်တဲ့မြေကြီးထဲမှာ ခင်ဗျားတို့မို့လို့  ထားပစ်ရက်တယ်။ မနေနိုင်တဲ့ ကျုပ်က နွေးနွေးထွေးထွေး အဝတ်ဝတ်ပေး အလှပြင်ပေးနဲ့ ..ဒါကို… ကျေးဇူး မတင်ပဲ…. အပြစ်တင်နေကြတာ တရားကြသလားဗျာ..”….တဲ့…။

အန်နာတိုလီ မော့စ်ခ်ဗင် ရဲ့ အဖေ နဲ့ အမေ

မော့စ်ခ်ဗင်ဟာ ထောင်မကျပဲ ဒီနေ့အထိ မိဘတွေအိမ်နဲ့  သိပ်ပြီးအလှမ်းမဝေးလှတဲ့
စိတ္တဇဆေးရုံမှာ ရှိနေဆဲ….။ ဒါဟာ ဉာဏ်ကြီးရှင်တစ်ယောက်ရဲ့ လိမ်ညာမှုလေလား…?
ဒါမှမဟုတ် ဉာဏ်ကြီးရှင်တစ်ယောက်ရဲ့ ရူးသွပ်မှုလေလား…?

Gabriel (WE)
Crd : Ma Shwe Moe ( Korea )
links -
https://en.wikipedia.org/wiki/Anatoly_Moskvin
https://coolinterestingstuff.com/the-shocking-true-story-of-anatoly-moskvin
https://www.bizarrepedia.com/anatoly-moskvin/
facebook link -
https://www.facebook.com/permalink.php?story_fbid=2259957840952505&id=100008149329661