အဝတ်လျှော်သောလက်ဖြင့် ပညာရေးကိုမြှင့်တင်အံ့

အဝတ်လျှော်သောလက်ဖြင့် ပညာရေးကိုမြှင့်တင်အံ့
--------------------------------------------------------

>:<    အမေအိုဟာ အသက် ( ၈၇ ) နှစ်ရှိတဲ့ပုံစံမပေါ်၊ သွက်လက်ပေါ့ပါးစွာ ဘဏ်ထဲကို လှမ်းဝင်လိုက်တယ်။ ဈေးသွား အလုပ်သွားသလိုပဲ သူမ မပျက်မကွက် ရောက်နေကျနေရာပေမို့ ဘဏ်ကလည်း သူ့ကို အမေကြီးလို့ သိနေပါပြီ။ ဘဏ်ဝန်ထမ်းလေးက စပြီး နှုတ်ဆက်တယ် ..


“ အမေ .. နေကောင်းလား ”
“ ကောင်းပါတယ် သားရယ်။ မင်းတို့တတွေရော နေကောင်းကြတယ်မလား? ” လို့
ဖြေညှင်းစွာ ပြန်ဖြေလိုက်တယ်။ ဘဏ်ဝန်ထမ်းလေးက ဆက်ပြီး -
“ အမေ့ဘဏ်စာရင်းထဲမှာ ငွေဘယ်လောက်ရှိနေပြီလို့ အမေထင်သလဲ ” လို့
ကောက်ခါငင်ခါ မေးလိုက်တယ်။
“ မသိပါဘူးကွယ် ” လို့ ထူးခြားမှုမပြတဲ့ အသံလေးနဲ့ အမေ ပြန်ဖြေတယ်။
ပြီးတော့ တစ်ဆက်တည်း -
“ ဒါဆိုလည်း ပြောပြလေ .. ဘယ်လောက်ရှိနေပြီလဲ ” လို့
အေးဆေးစွာ ပြန်ပြောတယ်။
“ အမေစုတဲ့ငွေဟာ ဒေါ်လာ ( ၁ ) သန်း ရဲ့ ( ၄ ) ပုံ ( ၁ ) ပုံ ရှိနေပြီ။
အဲဒီငွေတွေကို ကျွန်တော်တို့ဘဏ်က ဘာလုပ်ပေးရမလဲ ” လို့ ဘဏ်ဝန်ထမ်း
လေးက မေးတယ်။

ကောင်လေးကသာ ပြောလိုက်တာ အမေကြီးဟာ ရိုးလွန်းလို့ သူပြောတဲ့
ငွေပမာဏကို ဘယ်လိုမှ မမှန်းတတ်ဘူး ဖြစ်နေတယ်။ အဲဒီအချိန်မှာ ဘဏ်ဝန်ထမ်း
လေးက အကြွေစေ့ ( ၁ဝ ) စေ့ကို ကောင်တာစားပွဲပေါ်မှာ စီထားပေးလိုက်ပြီး ပြောတယ် ..

“ အမေ .. ဒီအကြွေ ( ၁ဝ ) စေ့ ( ပေါင်းခြင်း ) ဟာ အမေ့ငွေတွေကို ကိုယ်စားပြုတယ်။ ဒါကိုကြည့်ပြီး ငွေတွေကို ဘယ်လိုသုံးချင်တယ်ဆိုတာ ပြောလေ ” လို့ လည်း တစ်ဆက်တည်း ပြောလိုက်တယ်။
အမေဟာ ပထမအကြွေစေ့ကို လက်ညှိုးလေးနဲ့ရွှေ့ရင်း
“ ဒါက ဘုရားရှိခိုးကျောင်းကို လှူမယ် ”
နောက်ထပ် အကြွေ ( ၃ ) စေ့ကို လက်ဝါးလေးနဲ့ နူးညံ့စွာအုပ်ရင်း
“ ဒီဟာတွေကို အမေ့တူ နဲ့ တူမ ကို ( ၂ ) စေ့ ပေးလိုက်ပါ။
နောက်တစ်စေ့ကို အမေ့တစ်ဝမ်းကွဲကို ပေးချင်တယ်။ အမေက သူတို့ကို
သိပ်ချစ်တာ ” ဆိုပြီး ဘဏ်ဝန်ထမ်းလေး ရဲ့ လက်ထဲကို ထည့်ပေးလိုက်တယ်။
နောက်ဆုံးကျမှ အားရကျေနပ်သွားတဲ့အပြုံးနဲ့ မျက်နှာမှာ ဝင်းပသွားပြီး
“ ကျန်တဲ့အကြွေ ( ၆ ) စေ့ ကိုတော့ အမေ့ဘဝမှာ အထူးဆောင်ရွက်စရာ
တစ်ခုရှိတယ် ” လို့ ပြောလိုက်တဲ့အခါ ဘဏ်ဝန်ထမ်းလေးမှာ အံ့သြမှင်သက်
သွားရတယ်။ ဒါနဲ့ပဲ အမေကြီးလည်း ကျေနပ်စွာ လှည့်ပြန်သွားလေတယ်။

အဲဒီအမေကြီးရဲ့နာမယ်ကို အော်စီယိုလာမက်ကာသီ - Oseola McCarty လို့ခေါ်ပြီး
အမေရိကန်နိုင်ငံ မစ်စစ္စပီပြည်နယ်မှာ ကြီးပြင်းခဲ့သူ ဖြစ်ပါတယ်။ အပြင်ထွက်တာ
ဆိုလို့ မီးဖိုချောင်ဈေးဝယ်တာ နဲ့ ဘုရားရှိခိုးကျောင်းသွားတာကလွဲရင် တစ်နေကုန်
အဝတ်လျှော်နေသူပါ။
အမေကြီးဟာ တစ်ခါမှ ကားမောင်းမသင်ဖူးဘူး။ သူမ ခင်ရတဲ့သူငယ်ချင်းတွေကို
“ ငါ အခုအချိန်အထိ အချစ်ရှာနေတုန်းပဲ ” လို့ အမြဲနောက်တတ်ပေမယ့် အမေကြီး
မှာ အိမ်ထောင်မရှိပါဘူး။ အမေကြီးဟာ ငယ်ရွယ်နုပျိုစဉ်ကတည်းက သူတစ်ပါးရဲ့
ညစ်ပေတဲ့အဝတ်တွေကို လျှော်ဖွပ်ပြီး အသက်မွေးဝမ်းကျောင်းပြုတယ်။ လုပ်အားခ
ရတဲ့ မူးစေ့၊ မတ်စေ့၊ ကျပ်တန်တွေကအစ ငွေသားအားလုံးကို အနီးနားမှာ ရှိတဲ့
ဘဏ်မှာ နေ့တိုင်းသွားအပ်လာလိုက်တာ အခုလို အသက်ကြီးအိုမင်းလာတဲ့အထိပဲ။
ဒါပေမယ့် သူမဘဏ်စာအုပ်မှာ ဒေါ်လာ ( ၂၅ဝ,ဝဝဝ ) ရှိနေပြီဆိုတာတော့
မတွက်တတ်ရှာလေသူပါ။

 နောက် ( ၁ ) လ လောက်အကြာ မြို့တော်အုပ်ချုပ်ရေးရုံးက အမေကြီးပို့လိုက်တဲ့
ချက်လက်မှတ်တစ်စောင်ကို လက်ခံရရှိတယ်။ ချက်လက်မှတ်မှာ $150,000 -
တစ်သိန်းငါးသောင်းဒေါ်လာ ဆိုပြီး လက်ရေးနဲ့ရေးထားတယ်။
တစ်ဆက်တည်း ဘေးနားမှာ “ မိမိဘဝကို ဘယ်လိုမြှင့်တင်ရမှန်းမသိတဲ့၊ မိမိလူမှု
အသိုင်းအဝိုင်းကို ဘယ်လိုခေါင်းဆောင်ရမှန်းမသိတဲ့ အာဖရိကန်-အမေရိကန်
လူမျိုး ပညာချို့တဲ့သူတွေကို စာသင်ဆု - စကော်လာရှစ် တစ်ခု တည်ထောင်ဖို့
ဆောင်ရွက်ပေးပါ ” လို့ ရိုးရှင်းစွာ ရေးထားလေတယ်။
ဒီလုပ်ရပ်ဟာ လူသားအသည်းနှလုံးပေါင်းများစွာကို ပွတ်တိုက်မိသွားတဲ့အခါ
“ အသက်အရွယ်ကြီးရင့်လှတဲ့ အဝတ်လျှော်အဖွားအိုတောင်မှ သူမ ပိုင်ဆိုင်တဲ့
ငွေကြေးတွေ အကုန်စွန့်လွှတ်ပြီး ပညာတော်သင်ဆုထောင်ပေးနိုင်ခဲ့သေးတာပဲ ”
ဆိုပြီး သူဋ္ဌေးသူကြွယ်လောကမှာ သတင်းမွှေးခဲ့တယ်။

 လေသတင်း လေညှင်းဆောင်ဆိုသလို ကောင်းသတင်းမို့လို့ ပိုလို့တောင်
မြန်မြန်ဆန်ဆန်ပျံ့နှံ့တယ်လို့ ဆိုရဦးမှာ ဖြစ်ပါတယ်။ ငွေကြေးကြွယ်ဝတဲ့
လုပ်ငန်းရှင်တွေက ကိုယ်ပိုင် ငွေဒေါ်လာသန်းပေါင်းများစွာ သူ့ထက်ငါ ရံပုံငွေ
ထည့်ဝင်ကြတယ်။
အမေအော်စီယို မကွယ်လွန်ခင် အသက် ( ၉၁ ) နှစ်မှာ
သူ့ကို ဒီလို ဘာလို့ လုပ်ခဲ့တာလဲလို့ မေးတဲ့အခါ -
“ အမေက တစ်နေ့တစ်ရက် လုပ်နေတဲ့ သေးငယ်သောကိစ္စတွေကနေ
ခေါင်းဆောင်လို့ရတယ်ဆိုတာ ပြချင်တယ်။ အမေက စည်းကမ်းဦးဆောင်တဲ့
ဘဝမှာ နေချင်သူပါ။ ပြီးတော့ အမေက တစ်နေ့တစ်နေ့ကို အကောင်းဆုံး
လုပ်နေချင်တယ် ” လို့ ပြောတယ်။ ဆက်ပြီး
“ မင်းတို့သိကြလား..? အမေ့မှာ အိပ်မက်ရှိတယ်။
အမေ့အိပ်မက်က စကော်လာရှစ် တည်ထောင်ပြီး လူငယ်တွေကို စာသင်ပေးဖို့ပဲ ”
“ တစ်ခုတော့ရှိတယ်။ အမေမသေခင် ပထမဦးဆုံး ဘွဲ့ရကျောင်းသားကို
ဘွဲ့နှင်းသဘင်မှာ ပညာတော်သင်ဆု ယူနေတာကို မြင်သွားချင်တယ် ”
“ ဒါဟာ အမေ့ရဲ့ အိပ်မက်ပဲ။ ဒါက ဖြစ်ဖို့မသေချာဘူးဆိုတာ အမေသိတယ် ” လို့
အားတင်းကာ ပြောပါတယ်။

အမေ မဆုံးခင် ( ၁ ) လ အလိုမှာ စကော်လာရှစ်ကျောင်းဆင်းပွဲ လုပ်ဖို့
စီစဉ်ကြတယ်။ ပထမဦးဆုံးအောင်တဲ့ ကျောင်းသားကို ဆရာတွေက
“ မင်းသတင်းကြားပြီးပြီလား? မင်းကို ပညာသင်ဆုပေးခဲ့တဲ့ ကျေးဇူးရှင်ကြီး
ကွယ်လွန်သွားပါပြီ။ အမေအို အော်စီယိုလာမက်ကာသီ ဆုံးသွားပြီ။ အခုလို
ဆုယူတဲ့ပွဲမှာ ဘာပြောချင်ပါသလဲ ” လို့ စင်မြင့်ပေါ်မှာ မေးလိုက်တယ်။
လူမည်းကျောင်းသားလေးက ..

“ ဟုတ်ကဲ့ .. ကျွန်တော့မှာ ပြောစရာရှိပါတယ်။ နတ်ပြည်ဟာ အမေ့ထက်
ကောင်းတဲ့ နတ်သမီးရဖို့ အကြောင်းမရှိပါဘူး။ အမေဟာ အားကျစရာဖြစ်တယ်။
အမေဟာ မင်္ဂလာနတ်မယ် ဖြစ်တယ်။ အမေဟာ ကမ္ဘာမြေအတွက် အဖိုးမဖြတ်နိုင်
တဲ့ ရတနာတစ်ပါး ဖြစ်ပါတယ် ” လို့ ဝမ်းနည်းအားတင်းရင်း မျက်ရည်စက်လက်နဲ့
ပြောချလိုက်နိုင်တယ်။

အမေအို အော်စီယိုလာမက်ကာသီ ရဲ့ နာရေးကို နိုင်ငံခြားရေးဝန်ကြီးတွေ
တက်ရောက်ကြတယ်။ နိုင်ငံတော် သမ္မတတွေပါ တက်ရောက်ကြတယ်။ သမ္မတ
ကလင်တန်က “ သမ္မတကချီးမြှင့်သည့် နိုင်ငံသားဆု ” ချီးမြှင့်တယ်။ အမေ့ရဲ့
လုပ်ဆောင်ချက်အတွက် ကုလသမဂ္ဂ က ဂုဏ်ထူးဆောင်တံဆိပ် ချီးမြှင့်တယ်။
ဟားဗတ်စီးပွားရေးတက္ကသိုလ်က ဒေါက်တာဘွဲ့ ပေးအပ်တယ်။
“ ခေါင်းဆောင်မှုဆိုတာ ဒီလိုလုပ်ရတယ်လို့ ” အမေအော်စီယိုလာ က
လုပ်ပြသွားတာဖြစ်တယ်။ တစ်ဦးတစ်ယောက်အတွက် မားမားမတ်မတ်
ရပ်တည်ရမယ်။ အများအတွက် ဦးဆောင်ရမယ်။ အလုပ်ရာထူးဂုဏ်ပုဒ်အတွက်
မဟုတ်ဘူး။ စီးပွားရေးမှာမှ မဟုတ်ဘူး .. လူသားဆန်တဲ့ ခေါင်းဆောင်မှုဆိုတာ
ရှိတယ်။ နေ့စဉ်သေးသေးလေးကနေ အမြင့်မားဆုံးလုပ်နိုင်သူတွေ ခေါင်းဆောင်
တတ်အောင် သင်ပေးခဲ့တဲ့ အမေ အော်စီယိုလာမက်ကာသီ ကို နှစ်သစ်မှာ
ဂုဏ်ပြုလိုက်ရပါတယ်။

 ဆောင်းပါးရှင် - ကိုညီညီ ( တောင်ကြီး )
ရည်ညွှန်းကိုးကား - Audible: Extraordinary Leadership by Robin Sharma
https://www.audible.com/pd/Extraordinary-Leadership-Audiobook/B002V1A9BQ?qid=1429317793&sr=1-1&ref=a_search_c4_1_1_srTtl
see more:
https://www.nytimes.com/1995/08/13/us/all-she-has-150000-is-going-to-a-university.html
facebook link -
https://www.facebook.com/permalink.php?story_fbid=1764946170453677&id=100008149329661