Dashrath Manjhi (Mountain Man) (သို့) တောင်လူသား

ဒုက္ခပေးခဲ့တဲ့တောင်ကြီးကို ရွှေ့ပစ်ခဲ့သူ (သို့) ဇွဲ့မလျှော့တဲ့ တောင်လူသား

တရုတ်ဒဏ္ဍာရီပုံပြင်တချို့မှာ တောင်ကြီးနှစ်တောင်ကို ရွေ့ခဲ့တဲ့ မိသားစုအကြောင်းကို ကြားဖူး ဖတ်ဖူးကြမှာပါ။ သူတို့လိုပဲ တောင်ကြီးတစ်တောင်လုံးကို မရွေ့နိုင်ပေမယ့် တောင်ကြီးတစ်တောင်ကို ဖြတ်ပြီး လမ်းဖောက်ခဲ့တဲ့ အာဂလူသားတစ်ယောက် အပြင်လောကမှာ တကယ်ရှိခဲ့ပါတယ်။ သူကတော့ အိန္ဒိယနိုင်ငံ Gehlaur ကျေးရွာ က သာမန် အလုပ်သမားတစ်ယောက်ဖြစ်တဲ့ Dashrath Manjhi ဆိုသူပါ။ ဖြစ်နိုင်ဖို့ အလွန်ခက်ခဲတဲ့အရာကို ဇွဲမလျှော့တမ်း လုပ်ခဲ့တာကြောင့် တောင်လူသား ဆိုတဲ့အမည်နဲ့ ကမ္ဘာကျော်ခဲ့သူ ဖြစ်ပါတယ်။

 

Dashrath Manjhi ဟာ ငယ်စဉ်ကတည်းက ရွာကနေထွက်ပြီး Dhanbad ကျောက်မီးသွေးတွင်းမှာ အလုပ်လုပ်ခဲ့သူပါ။ အဲဒီနောက်တော့ ရွာကိုပြန်လာပြီး Falguni Devi ဆိုသူ မိန်းမပျိုနဲ့ ချစ်ကြိုက်တွေဆုံပြီး လက်ထပ်ခဲ့ပါတယ်။ သူဟာ သူဇနီးကို အလွန်ချစ်ပြီး ရွာအနီးမှာပဲ နေထိုင်လုပ်ကိုင်ခဲ့တယ်။ 

 

တစ်နေ့ သူလုပ်လုပ်တဲ့ဆီက နေ့လည်စာလာပို့တဲ့ ဇနီးဖြစ်သူဟာ တောင်ကြောပေါ်က ခြေချော်ကြပါတယ်။ ဇနီးဖြစ်သူကို အမြန်ဆုံး မြို့ကဆေးရုံ ပို့ဖို့ကြိုးစားပေမယ့် ခရီးဝေးလွန်းတဲ့အတွက် အသက်မမီတော့ပါဘူး။ တကယ်တော့ ခရီးက အတည့်အတိုင်းဆိုရင် ၉ မိုင် ၀န်းကျင်ပဲရှိပေမယ့် Gehlour တောင်ကြီး ကာဆီး နေတာကြောင့် ကွေ့ပတ်ပြီး သွားရတဲ့ ၃၄ မိုင်ခန့် ဖြစ်သွားပါတယ်။

 

တောင်ကြီးသာ မရှိရင် သူမိန်းမကို ဆေးရုံ အချိန်မီ ပို့နိုင်ခဲ့လိမ့်မယ်လို့ သူထင်ခဲ့တယ်။ တောင်ကြီးဟာ သူတို့ရွာရဲ့တိုးတက်မှုကိုလည်း ပိတ်ထားတယ်လို့ သူသိခဲ့တယ်။ တစ်ညလုံးထိုင်တွေးပြီး ညဥ့်သန်းခေါင် လောက်မှာတော့ သူဆုံးဖြတ်ချက်ချခဲ့တယ်။ သူ့ရဲ့ရန်သူတော်တောင်ကြီးကို ဖြိုချပြီး လမ်းဖောက်လုပ်ဖို့ ဆိုတဲ့ ဆုံးဖြတ်ချက်ဖြစ်ပါတယ်။

 

နောက်တစ်နေ့မှာတော့ သူဟာ တောင်ကိုဖြိုဖို့ စတင်ပါတယ်။

 

ဖြိုဖို့လက်နက် မရှိတာကြောင့် သူ့ရဲ့တစ်ခုတည်းသော ပိုင်ဆိုင်မှုဖြစ်တဲ့ ဆိတ်ကိုရောင်းကာ တူနဲ့ ဆောက်တွေ ဝယ်ယူခဲ့ပါတယ်။ အဲဒိနောက်တော့ တောင်ဆီကိုသွားကာ စတင်ဖြိုပါတော့တယ်။ 

သူ့ရဲ့အမျိုး မိတ်ဆွေတွေ သာမက ရွာမှာရှိတဲ့ လူအားလုံးက သူ့ကိုရူးသွားပြီလို့ ထင်မှတ်ကြတယ်။ ဘယ်သူဘာပြောပြော သူ့ရဲ့ဆုံးဖြတ်ချက်အတိုင်း တစိုက်မတ်မတ် လုပ်ခဲ့ပါတယ်။ သူ့ကိုသနားတဲ့ လူအနည်းငယ်ကတော့ သူစားသောက်ဖို့ အစာရေစာ အနည်းငယ်နဲ့ ကိရိယာတန်ဆာပလာတွေကို တောက်ပံ့ ပေးကမ်းကြပါတယ်။  

သူတစ်ယောက်တည်း တောင်ကိုဖြိုတယ် ၊ ဖျက်တယ် ၊ ရှင်းလင်းတယ်။ ရက်တွေ လတွေ နှစ်တွေ ကြာသွားပေမယ့် ဘာမှထူးခြားမှု မရှိခဲ့ပါဘူး။ ဒါပေမယ့် သူမလျှော့ခဲ့ပါဘူး။ တောင်ကိုဖြိုရင်းနဲ့ သေရင် သေပစေဆိုတဲ့ စိတ်ဓာတ်နဲ့ ဆက်လက် လုပ်ပါတယ်။ 

 

ဒီလိုနဲ့ နှစ်ပေါင်းများစွာ ကြာသွားတယ်။ အတိအကျပြောရရင် ၂၂ နှစ် (၁၉၆၀-၁၉၈၃) ကျော် ကြာသွားပြီးတဲ့နောက် တောင်ကြီးနေရာမှာ လမ်းတစ်လမ်း ပေါ်လာခဲ့ပါတယ်။

 

ဟုတ်ပါတယ်။ အာဂလူသား Dashrath Manjhi ဟာ တောင်ကိုဖြိုကာ လမ်းတစ်လမ်းကို အောင်မြင်စွာ ဖောက်ပစ်နိုင်ခဲ့ပါတယ်။ သူ့ရဲ့တောင်ကြားလမ်းဟာ ပေ ၃၀ ကျယ်ပြီး အရှည် ၃၆၀ ပေ ရှိပါတယ်။  

သူ့ရဲ့ကျေးဇူးကြောင့် အခုဆိုရင် ရွာနဲ့ မြို့ အကွာအဝေးဟာ ၃၄ မိုင်ကနေ ၉ မိုင် ဖြစ်သွားခဲ့ပြီး မြို့နဲ့ရွာကို အလွယ်တကူ သွားလာနိုင်ခဲ့ပါပြီ။ ဘေးမှာ ပေ၂၀ နီးပါးမြင့်တဲ့ တောင်ကြားလမ်းကို ကြည့်လိုက်ရင် လူတစ်ယောက်တည်း ဖောက်ဖို့အတွက် မဖြစ်နိုင်သယောင် ထင်ရပါတယ်။ ဒါပေမယ့် မဖြစ်နိုင်ဘူးဆိုတဲ့ အရာကို Dashrath Manjhi က တစိုက်မတ်မတ်လုပ်ရင်း မဖြစ်နိုင်ဘူးဆိုတာ မရှိဘူး ဆိုတဲ့စကားကို သက်သေပြလိုက်ပါတယ်။ 

 

အာဂလူသား Dashrath Manjhi ဟာ အသက် ၇၂ နှစ်အရွယ် ( 17 Aug 2007) မှာ ဆီးအိမ်ကင်ဆာနဲ့ သေဆုံးခဲ့ပါတယ်။ မသေခင်မှာ သူ့ရဲ့အံမခန်းဇွဲကြောင့် ဆုပေါင်းများစွာ ရရှိခဲ့ပါတယ်။ သူ့ရဲဈာပနကို အလေးအမြတ်ပြုတဲ့အနေနဲ့ ဘီဟာပြည်နယ်အစိုးရက ဦးစီးကျင်းပပေးခဲ့ပါတယ်။  

The Man Who Moved the Mountain , Manjhi – The Mountain Man, Olave Mandara , Bhoomi Thayiya Chochchala Maga စတဲ့ဇာတ်လမ်းတွေဟာ Dashrath ရဲ့ဘဝဇာတ်ကြောင်းကို အခြေခံ ရိုက်ကူးထားတာပဲဖြစ်ပါတယ်။ သူသေဆုံးသွားပေမယ့် သူဖောက်ထားခဲ့တဲ့လမ်းက ရှိနေဆဲဖြစ်သလို သူ့ကိုနာမည်ပေးထားတဲ့ တောင်လူသား ဆိုတဲ့နာမည်ကို အားလုံးမှတ်မိ နေကြမှာပါ။ တခုခု အဆင်မပြေလို့ စိတ်လျှော့တတ်တဲ့သူတိုင်းကို သူမေးလေ့ရှိတဲ့ စကားတစ်ခွန်းရှိပါတယ်။

“မင်းအခက်အခဲက တောင်ဖြိုတာထက် ပိုပင်ပမ်း၊ ပိုခက်လို့လား” တဲ့

 

source:thutazone

The Man From Gahlour

video:(06:23)

https://www.youtube.com/watch?v=3E84EIKlY4g