Nikola Tesla

ကိုယ်ပေါ်မှာ လျှပ်စစ်ဓာတ်တွေဖြာထွက်နေသူ (သို့မဟုတ်) Nikola Tesla
---------------------------------------------------------------------------------

>:<    နယူးယောက်မြို့၏လမ်းမတစ်ခုပေါ်တွင် ပြင်းထန်စွာကျနေသော မိုးသီးမိုးပေါက်များကိုအံတု၍ လူတစ်ယောက် ခပ်သုတ်သုတ်လျှောက်လာနေသည်။ ဖြတ်သန်းလူးလားနေသောသူများကလည်း သူ့ကို စိတ်ဝင်တစား လည်ပြန်ကြည့်သွားကြစမြဲ။ ဟုတ်ပါသည်။ ရွှဲနစ်အေးစက်နေသောခန္ဓာကိုယ်၊ ဖြူဖျော့တုန်ရီ နေသော နှုတ်ခမ်းတို့ဖြင့် ထိုလူသည် လက်ထဲမှ တစ်စုံတစ်ခုကို မိုးကာအင်္ကျီဖြင့် သေချာစွာ ပတ်ထား၏။ သူကိုယ်တိုင်ကားမ၀တ်။ နံဘေးမှဖြတ်သွားသော ရထားလုံးတစ်စီးကို လှမ်းတားမည်ဟု ကြံရွယ်ပြီးမှ သူ့တွင် အမေရိကန်ငွေ ၄ဆင့်သာပါသည်ကို သတိရသဖြင့် စိတ်ကိုပြန်လျှော့လိုက်၏။



အတန်ကြာဆက်လျှောက်ပြီးသော် တစ်နေရာအရောက်တွင် ရပ်လိုက်သည်။ မိုးစက်တို့ကြောင့် မျက်လုံးကို လက်ဝါးဖြင့်ကာ၍ သေချာအောင်ကြည့်လိုက်၏။

“လျှပ်စစ်၏ဘုရားသခင်အက်ဒီဆင်”

ထိုကုမ္ပဏီကြီး၏ ရုံးခန်းထဲတွင်မူ ပိုင်ရှင်အက်ဒီဆင်နှင့် မိုးရေများစိုရွှဲနေသော ၂၈ နှစ်အရွယ်လူရွယ်တစ်ဦး။ ထိုလူရွယ်က သူကိုယ်တိုင်ပင် မိုးကာမ၀တ်ဘဲ မိုးကာဖြင့် ဂရုတစိုက်ပတ်ယူခဲ့ရသော အထုပ်ကိုဖြည်၏။ သံသေတ္တာတစ်လုံး။ ဖွင့်လိုက်သော် ဆားကစ်ပြားများ၊ တစ်စစီဖြုတ်ထားသောဒိုင်နမို၊ resistor များ၊
capacitor များ၊ လေစုပ်ထားသောဖန်သီးများ၊ ကဗျာစာအုပ်အချို့ နှင့် လျှပ်စစ် သမားတိုင်း ကိုင်ဆောင်လေ့ ရှိသော ပစ္စည်းကိရိယာများ။ ထိုအရာတို့ကြားမှ စာတစ်စောင်ကို ဆွဲထုတ်လိုက်သည်။ နောင်အခါ ကမ္ဘာကျော် စာတစ်စောင်ဖြစ်လာမည့် ထိုစာကို သူယခင်က အလုပ်လုပ်ခဲ့သော ဘူတာပတ်စ်(Budapest) မြို့မှ တယ်လီဖုန်းကုမ္ပဏီပိုင်ရှင် Charles Batchelor က ရေးသားပေးလိုက်ခြင်းဖြစ်သည်။ သူ အက်ဒီဆင် နှင့်တွေ့လျှင် ပေးရမည့် ထောက်ခံစာလည်းဖြစ်သည်။ ထိုစာမှာ နှစ်ကြောင်းသာပါရှိသော်လည်း အလွန်ပြည့်စုံ၏။

“ကျွန်ုပ်သည် ဥာဏ်ပညာကြီးကျယ်ခမ်းနားလှသူ နှစ်ဦးကိုသာ ဘ၀တွင် တွေ့ဖူးသည်။ တစ်ဦးမှာ သင်(အက်ဒီဆင်)၊ နောက်တစ်ဦးမှာ ယခုသင့်ရှေ့တွင် ရပ်နေသောလူရွယ်”။

အက်ဒီဆင်မှာ ခိုက်ခိုက်တုန်နေသောလူရွယ်ကို အံ့သြစွာ မော့ကြည့်လိုက်လေသည်။ အချိန်ကား
၁၈၈၄ ခုနှစ်၏ မိုးရာသီတစ်ခု။ လူသားတို့ လျှပ်စစ်ကိုဖန်တီးထိန်းချုပ်နိုင်သည့်သမိုင်းတွင် မပါမဖြစ်ဖြစ်သော
နီကိုလာတက်စ်လာ(Nikola Tesla)ကို ၁၈၅၆ ခုနှစ်၊ ဇူလိုင်လ ၉ ရက်နေ့ သန်းခေါင်ယံအချိန်တွင် Similijan ရွာ၊ Lika ပြည်နယ်၊ Croatia နိုင်ငံတွင် မွေးဖွားခဲ့သည်။ ငယ်စဉ်ကတည်းက သိပ္ပံနှင့်စက်မှု ပညာကို အထူးစိတ်ဝင်စားခဲ့ပြီး အသက် ၁၂ နှစ်အရွယ်ခန့်တွင် သူ၏မိခင်အတွက် ဂျုံကြိတ်စက်တစ်မျိုးကို
ကိုယ်တိုင်ဖန်တီးပေးခဲ့သည်။ အရွယ်ရောက်သော် အော့စတီးယားတက္ကသိုလ်တွင် ပညာသင်ကြားခွင့် ရရှိခဲ့ပြီး လျှပ်စစ်ဆိုင်ရာသိပ္ပံပညာကို လေ့လာခဲ့သည်။

၁၈၈၂ ခုနှစ်တွင် ပြင်သစ်နိုင်ငံရှိ လျှပ်စစ်နှင့်ဆက်စပ်ပစ္စည်းများ ကုမ္ပဏီတစ်ခုတွင် ၀င်ရောက်လုပ်ကိုင် ခဲ့သည်။ သူ၏ အထူးပြုဘာသာရပ်မှာ Alternating Current (AC current) ခေါ် ပြန်လှန်လျှပ်စီး အကြောင်းဖြစ်သည်။ AC current ဟူသည် ယနေ့ကမ္ဘာတွင်အသုံးပြုနေသော လျှပ်စစ်သဘာဝ နှစ်မျိုး အနက်မှ တစ်မျိုးဖြစ်သည်။ အီလက်ထရွန်များပုံသေမရှိဘဲ အဖို၊ အမ တစ်လှည့်စီဖြစ်ပေါ်နေသည်။ သက်ရှိ
သတ္တ၀ါများနှင့်ထိတွေ့မိလျှင် သတ္တ၀ါတို့၏ ကိုယ်တွင်းရှိ နာဗ့်ကြောများအားလုံးသည် ဓာတ်ကြိုးများသဖွယ် အလုပ်လုပ်ပြီး အသက်ဆုံးရှုံးစေ၏။ ယနေ့ခေတ်ဓာတ်အားပေးစက်ရုံများမှ ထုတ်လွှတ်လိုက်သောလျှပ်စစ်  ဖြစ်သည်။ AC လျှပ်စစ်၏ဗို့အားကို လိုသလိုမြှင့်တင်နိုင်ပြီး အလွန်ဝေးကွာသော အရပ်များထိတိုင် ပေးဝေ ပို့လွှတ်နိုင်သည်။ နောက်တစ်မျိုးကား Direct Current (DC current)ခေါ် တိုက်ရိုက်လျှပ်စီးဖြစ်သည်။ အဖို၊ အမ ပုံသေတည်ရှိနေပြီး လူကို အန္တရာယ်မပြုနိုင်၊ ယနေ့ခေတ်၏ ဓာတ်ခဲ၊ ဘက်ထရီ တို့သည် DC လျှပ်စစ် ထုတ်ပေးသော ပစ္စည်းများဖြစ်သည်။ သို့သော် ဝေးကွာလွန်းသောနေရာများသို့ ဓာတ်အားပို့လွှတ်၍ မရ။ သွယ်တန်းထားသောကြိုးများ၏ ခုခံမှုကြောင့် ဗို့အားများ ဘေးထွက်လျော့ပါးတတ်သည်။

ယခုမူ DC ဒိုင်နမိုများ ထုတ်လုပ်ရောင်းချနေသော သူဋ္ဌေးကြီး အက်ဒီဆင်သည် AC လျှပ်စစ်အပေါ် အလွန်အမင်း ရူးသွပ်ယုံကြည်သော တက်စ်လာကို အငယ်တန်းအင်ဂျင်နီယာရာထူး ခန့်အပ်လိုက်  လေသည်။ ပြည့်စုံခိုင်မာသော ထောက်ခံစာကြောင့်လည်း ဖြစ်နိုင်သည်။ မည်သို့ပင်ဖြစ်စေ… နက်ရှိုင်းကျယ်ပြောလှတဲ့ အတ္တလန္တိတ်သမုဒ္ဒရာကြီးကို ဖြတ်သန်းခရီးဆန့်လာရသော၊ သင်္ဘောပေါ်တွင်
ခရီးဆောင်အိတ်နှင့် ငွေကြေးများအခိုးခံလိုက်ရသော၊ ကဗျာစာအုပ်အနည်းငယ်၊ ငွေ ၄ ဆင့်နှင့် သံသေတ္တာတစ်လုံး သာပါသော တက်စ်လာသည် နယူးယောက်မြို့ကြီးရှိ အက်ဒီဆင်၏ကုမ္ပဏီတွင် တစ်ပတ်လုပ်ခ ၁၀ ဒေါ်လာဖြင့် သူမက်ခဲ့ရသော အိပ်မက်တို့ကို အကောင်အထည်ဖော်ရန် ကြိုးစားလေတော့သည်။

အမှန်မှာအက်ဒီဆင်၏ DC ဒိုင်နမိုများသည် ပုံပန်းသွင်ပြင်ရော အရည်အသွေးပိုင်းပါ အဆင့်နိမ့်လျက် ရှိသည်။ ထူးခြားသောပင်ကိုယ်ပါရမီနှင့် အလွန်အမင်း အလုပ်ကြိုးစားသောကြောင့် တစ်ခဏအတွင်းပင် ၀န်ထမ်းကောင်းတစ်ယောက် ဖြစ်လာသော တက်စ်လာက ထိုအချက်ကို ထောက်ပြ ပြောဆိုလေသည်။
ထို့နောက် ကုမ္ပဏီ၏၀န်ဆောင်မှုနှင့်ဈေးကွက်လိုအပ်ချက်ကို ဖြည့်တင်းပေးရန်နှင့် ပိုမိုအရည်အသွေး ကောင်းမွန်ပြီး သေသပ်လှပသော ဒိုင်နမိုများထုတ်လုပ်ရန်  တက်စ်လာက ၁၈၈၅ ခုနှစ်တွင် ခွင့်တောင်းခဲ့ လေသည်။ အက်ဒီဆင်ကလည်း ခွင့်ပြုရုံသာမက၊ အောင်မြင်အောင်လုပ်ဆောင်နိုင်လျှင် ဒေါ်လာ ၅သောင်း
ချီးမြှင့်မည်ဟု စိန်ခေါ်လိုက်လေသည်။

တစ်နှစ်မပြည့်မီအချိန်မှာပင် ကမ္ဘာအနှံ့အပြားမှ အမှာစာများ ကုမ္ပဏီတွင်စုပုံနေ၏။ ကောင်းမွန်သော အရည်အသွေး၊ ဆန်းသစ်လှပသောပုံစံနှင့် ဈေးနှုန်းချိုသာမှုတို့ကြောင့် အက်ဒီဆင်၏ဒိုင်နမိုများသည် ထုတ်၍မနိုင်လောက်အောင် ရောင်းချခဲ့ရသည်။ အမြတ်အစွန်းများစွာကိုလည်း ရရှိခဲ့သည်။ အက်ဒီဆင်ကမူ ရေငုံနှုတ်ပိတ်နေမြဲ။ စိန်ခေါ်ချက်ကိစ္စကို စကားပင်မဟ။ ကြာသော် တက်စ်လာက ထုတ်ပြောရ၏။
ဒေါ်လာ ၅သောင်းကို သူရရှိမည်ဖြစ်ကြောင်း၊ ကုမ္ပဏီ၏ အကျိုးအတွက် သူကြိုးစား ပေးခဲ့ကြောင်း ။ ဤတွင် အက်ဒီဆင်ပြောလိုက်သောစကားကြောင့် တက်စ်လာ၏ အိပ်မက်ကလေးမှာ အပိုင်းပိုင်းအထစ်ထစ် ချိုးဖဲ့ဖျက်ဆီး ခံလိုက်ရလေသည်။

“မင်းက ငါတို့အမေရိကန်တွေရဲ့ဟာသကို နားမလည်သေးဘူးပဲ”
(Tesla,you don’t understand our American humor) ကိုယ်ပိုင်စမ်းသပ်ခန်း တစ်ခု တည်ဆောက်ဖို့၊ ကိုယ်ပိုင်ကုမ္ပဏီတစ်ခု တည်ထောင်ဖို့၊ မိမိစိတ်ကြိုက် AC ဒိုင်နမိုများ စမ်းသပ်ထုတ်လုပ်ဖို့ စသည့်  မျှော်လင့်ချက်များသည် အက်ဒီဆင်၏ လှောင်ပြောင်စကားတစ်ခွန်းအောက်တွင် ကျဆုံးသွားလေပြီ။ တရားကျဖို့တော့ကောင်းသည်။ ကိုယ့်စကားကိုယ် တာဝန်မယူရဲသော သူဋ္ဌေးကြီးအက်ဒီဆင်က
တက်စ်လာကို တစ်ပတ်လုပ်ခ ၁၀ ဒေါ်လာမှ ၁၈ ဒေါ်လာသို့ တိုးမြှင့်ပေးမည်ဖြစ်ကြောင်း စကားဆို လာပြန်သည်။

တက်စ်လာ၏ ပညာမာနတို့ ပေါက်ကွဲလေပြီ။ ချက်ချင်းငြင်းဆိုကာ အလုပ်မှထွက်ခဲ့လေ၏။ ကိရိယာ တန်ဆာပလာတို့ထည့်ထားသော သံသေတ္တာလေးကိုပိုက်လျက် …… ။ တကယ်ဆိုလျှင် သူဋ္ဌေးကြီး အက်ဒီဆင်သည်လည်း ပညာရှင်တစ်ယောက်သာဖြစ်သည်။ ထို့ကြောင့် အခြားပညာရှင်တစ်ဦးအပေါ် လေးစား နားလည်နိုင်သင့်သည်။ သူကိုယ်တိုင်လည်း မီးရထားပေါ်တွင် ၀မ်းရေးအတွက် ရုန်းကန်နေရင်းမှ အောင်မြင်ကျော်ကြားလာခြင်းဖြစ်သည်။ နောင်တစ်ချိန်ဒီဖြစ်ရပ်အပေါ် သုံးသပ်သူတို့က အက်ဒီဆင်သည် လည်း လူ့သဘာဝလူ့သဘောအရ  ဖြစ်ခဲ့သော၊ အံ့သြစရာမရှိသော အဖြစ်အပျက်ဟု မှတ်ချက်ချခဲ့ကြသည်။
ကျွန်တော်ကတော့ ကဗျာဆရာမောင်ပြည့်မင်း၏
“လက်တစ်ဖက်ကိုမြဲနေအောင်ကိုင်ထား”ဟူသောကဗျာထဲမှ စာသားတချို့ကိုသာ သတိတရရှိနေမိ၏။ “လက်တစ်ဖက်ကို စိန်လက်စွပ်အပြည့်ဝတ် အသက်ကယ် ဘောကွင်းကို မြဲနေအောင်ကိုင်ထား၊ လက်တစ်ဖက်ကို သူ့ပခုံးဖက်လိုက် ၀ှက်ယူလာတဲ့ဓားကို မြဲနေအောင်ကိုင်ထား”  ။

၁၈၈၆ ခုနှစ်တွင် တက်စ်လာလျှပ်စစ်နှင့် ဆက်စပ်ပစ္စည်းများထုတ်လုပ်ရေး အမည်ဖြင့် သူ၏ကိုယ်ပိုင် ကုမ္ပဏီတစ်ခုကို တည်ထောင်လေ၏။ ကိုယ်ပိုင်ဆိုသော်လည်း ငွေကြေးစိုက်ထုတ်ပေးသူတစ်ဦးနှင့် အချိုးတူဖြစ်သည်။ ထိုသူက ကုမ္ပဏီကို DC ဒိုင်နမိုများဦးစွာ ထုတ်လုပ်၊ ပြီးမှ အမြတ်များရလာလျှင် AC ဒိုင်နမိုများကို စမ်းသပ်ထုတ်လုပ်လိုသည်။ တက်စ်လာကမူ AC ဒိုင်နမိုများကိုသာ စွန့်ဦးတီထွင်လိုသည်။ ဤသို့ဖြင့် ကုမ္ပဏီ၏သက်တမ်းမှာ ၁ နှစ်ပင်မပြည့်လိုက်။ ဆက်လက်ရပ်တည်နိုင်စွမ်းမရှိသဖြင့် တက်စ်လာသည် ကုမ္ပဏီကို ထိုသူထံထိုးအပ်ပြီး ထွက်ခဲ့ရလေသည်။

ထိုအခြေအနေများတွင် တက်စ်လာသည် တစ်ရက်လုပ်ခ ၂ ဒေါ်လာဖြင့် မြေတူးအလုပ်သမားဘ၀ ရောက်ခဲ့လေသည်။ သို့သော် သူ၏ပညာဂုဏ်သတင်းသည် သိပ္ပံလောကအတွင်း အနည်းငယ်ပျံ့နှံ့
နေလေပြီ။ ထို့ကြောင့် လျှပ်စစ်ကုမ္ပဏီတစ်ခု ထည်ထောင်ထားသော ၀က်စတင်းဟောက်စ် (Westinghouse)  က လိုက်လံရှာဖွေခေါ်ယူခဲ့သည်။ တက်စ်လာသည် သူနှင့်တွဲဖက်ကာ AC ဒိုင်နမို
တစ်လုံးကို တီထွင်နိုင်ခဲ့ပြီး ပေါ်စဦးလျှပ်စစ်ခေတ်ကို ကိုင်လှုပ်နိုင်ခဲ့သည်။ Electric World မဂ္ဂဇင်းကြီး၏ ရေးသားဖော်ပြမှုတို့ကြောင့်လည်း တက်စ်လာ၏နာမည်သည် ကျော်ကြားမှုအရှိန် မြင့်လာခဲ့၏။ ထိုအချိန်မှစ၍ တက်စ်လာ၏ AC ဒိုင်နမိုနှင့် အက်ဒီဆင်၏ DC ဒိုင်နမို အားပြိုင်ပွဲကြီး စတင်လာသည်။
ထိုဖြစ်ရပ်ကို လျှပ်စီးကြောင်းများ၏စစ်ပွဲ (War Of Currents) ဟု လေ့လာသူတို့က အမည်တပ်ခဲ့ ကြလေသည်။
 

ထိုခေတ်က ရုပ်သံမီဒီယာများ မပေါ်ပေါက်သေး၍ သုံးစွဲသူလူထုကြီးအား သရုပ်ပြပွဲများဖြင့် အပြိုင်အဆိုင် ဆွဲဆောင်ခဲ့ကြလေသည်။ ဤသို့ဆွဲဆောင်ရာတွင် အသက်အန္တရာယ်ထိခိုက်စေသော AC current ၏ အားနည်းချက်ကို အက်ဒီဆင်က သရုပ်ဖော်ပြခဲ့သည်မှာ ရက်စက်ကြမ်းကြုတ်လှပေသည်။ လူအများရှိရှေ့တွင် ဆင်ကြီးတစ်ကောင်ကို သံကြိုးများဖြင့် ရစ်ပတ်လျက် AC current ဖြင့် ချိတ်ဆက်
ပေးလိုက်၏။ ဆင်ကြီးမှာ ဝေဒနာမချိမဆန့် ပြင်းထန်စွာခံစားရပြီး အသက်ဆုံးသွားလေသည်။
လူထုမှာလည်း AC လျှပ်စစ်ကို လွန်စွာကြောက်လန့်သွားကြပြီး DC ဒိုင်နမိုများသာ အရောင်းသွက်ခဲ့ လေသည်။ သို့သော် နောက်ပိုင်းတွင် အမြင်ကျယ်လာသော လူတို့သည် AC ဒိုင်နမိုတို့ကိုသာ ဂရုတစိုက် အသုံးပြုခဲ့လေ၏။ ယနေ့မျက်မှောက်ကမ္ဘာတွင် အားလုံးသော မီးပေးဝေရေးစနစ်မှာ AC လျှပ်စစ်သာ  ဖြစ်သည်။

တက်စ်လာသည် ဇူလိုင်လ ၃၀ ရက်၊ ၁၈၉၁ ခုနှစ်တွင် အမေရိကန်နိုင်ငံသားအဖြစ် ခံယူခဲ့လေသည်။ သူ၏တီထွင်မှုတို့ကြောင့် လွယ်လွယ်ကူကူ ခံယူနိုင်ခဲ့ခြင်းလည်းဖြစ်သည်။ AC ဒိုင်နမိုများ ထုတ်လုပ်  ရောင်းချပြီး ငွေကြေးပြည့်စုံလာသောအခါ တက်စ်လာသည် အလွန်ထူးဆန်းသော တီထွင်မှုတို့ကို ပြုလုပ်လေ၏။ သာမန်အားဖြင့် မဖြစ်နိုင်ဟုယူဆရမည့် တက်စ်လာကွိုင် (Tesla Coil) သည် သူ၏ ပထမဆုံး တီထွင်မှုဖြစ်သည်။

facebook link -
https://www.facebook.com/permalink.php?story_fbid=1905294023085557&id=100008149329661