ဘဝေနထုိင္နည္း
------------------
( ၁ ) သိသေလာက္ မေျပာပါနဲ႔
ကုိယ္သိတာနဲ႔ သူမ်ားက လက္ခံထားတာ မတူညီႏူိင္ပါဘူး
လူတစ္ေယာက္ရဲ႕ လက္ခံနားလည္မူွဆုိတာ အရြယ္နဲ႔ဆုိင္သလုိ
သူၾကဳံေတြ႔ခဲ့ရေသာ ဘဝအေတြ႔အၾကဳံ ၊ အေတြးအေခၚနဲ႔
ဆုိင္ပါတယ္။ အသက္ ၁၈ ႏွစ္အရြယ္ လူငယ္တစ္ေယာက္ကုိ
မိန္းမယူတာ ၊ ရည္းစားထားတာ မေကာင္းဘူး အပူမ႐ွာနဲ႔
တရား႐ွာလုိ႔ သြားေျပာရင္ လက္ခံမွာ မဟုတ္ဘူးလုိ႔ ထင္ပါတယ္။
ပါးစပ္မွာ ခဲဖ်က္မပါသလုိ စကားဆုိတာကလည္း တန္ဖုိးထားတတ္
သူနဲ႔သာ သင့္ စကားေတြက တန္ဖုိးထားျခင္း ခံရမွာပါ။
( ၂ ) အျမင္မေတာ္ရင္ မ်က္ႏွာလြဲေနပါ
အျမင္မေတာ္တာေတြ႔တုိင္း ၊ မွားေနတာေတြ႔တုိင္း မေျပာပါနဲ႔
အျမင္မေတာ္တုိင္းသာ ေျပာေနမယ္ဆုိင္ သင္ ရြာျပင္
အထုတ္ခံရပါလိမ့္မယ္။ ဘာလုိ႔လဲဆုိေတာ့ လူအမ်ားစုက ကုိယ္လုပ္
တာ ကုိယ္မွန္တယ္ထင္ေနၿပီး အမွန္တရားကုိေထာက္ျပရင္
သူတုိ႔ကုိ အ႐ွက္ခြဲတယ္ဆုိပီး သင့္ကုိ အျမင္ေစာင္းၾကပါလိမ့္မယ္။
လူအမ်ားအေ႐ွ႕မွာ ဖက္နမ္းေနပီး အျမင္မေတာ္ေသာ အျပဳအမူမ်ား
လုပ္ေဆာင္ေနေသာ ခ်စ္သူႏွစ္ဦးကုိ "မင္းတုိ႔ မ႐ွက္ၾကဘူးလားကြာ"
လုိ႔ သြားေျပာရင္ သင့္ကုိ အထင္လြဲသြားပါလိမ့္မယ္။
( ၃ ) ၾကားတုိင္းမယုံပါနဲ႔
နားဆုိတာက အၾကားအာ႐ုံျဖစ္ေသာေၾကာင့္ သင့္ နားထဲကုိ
ဟုတ္တာ ၊ မဟုတ္တာ ၊ မွန္တာ ၊ မမွန္တာ အကုန္ၾကားေနရပါလိမ့္
မယ္။ ၾကားေနတုိင္း လုိက္ခံစားေနရင္ သင့္ မွာ ႏွလုံးသား အပုိမပါ
သလုိ ဦးေႏွာက္လည္း အပုိမပါဘူးေလ။ လူတစ္ခ်ဳိ့က သင့္ကုိ တစ္မ်ဳိး
ေျပာမယ္ ၊ ေနာက္လူတစ္ခ်ဳိ့က သင့္ ကုိတစ္မ်ဳိးလာေျပာၾကပါလိမ့္မယ္။
ဘယ္သူေတြက ဘာေတြပဲေျပာေျပာ ကုိယ့္ဦးေႏွာက္နဲ႔ ခ်င့္ခ်ိန္ပီး
ႏွလုံးသားနဲ႔ ေတာ္သင့္႐ုံပဲ ခံစားပါ။
ျမင္ရင္ျမင္တယ္လုိ႔ မွတ္ ၊ ၾကားရင္ ၾကားတယ္လုိ႔မွတ္ၿပီး
ေလာကမွာ ျဖစ္ပ်က္ေနတဲ့ အရာေတာ္ေတာ္မ်ားမ်ားကုိ
သင္လက္ခံလာႏူိင္ရင္ သင့္ ပါးစပ္ကလည္း သင့္ေတာ္ေသာ ၊
အမုန္းမပြားေသာ ၊ အမ်ားလက္ခံႏူိင္ေသာ စကားကုိ
ေျပာဆုိလာပါလိမ့္မယ္။
ႏူွတ္ ကုိေစာင့္စည္းလာႏူိင္ျခင္းသည္ လူမုန္းနည္းလာမယ္။
အျမင္က်ယ္က်ယ္ၾကည့္လာႏူိင္ၿပီး အေကာင္းျမင္စိတ္မ်ားလာရင္
သူေရာ မိမိပါ ေအးခ်မ္းလာပါလိမ့္မယ္။
နားကၾကားခဲ့သမ်ွကုိ ဟုိဘက္နားကဝင္ၿပီး ဒီဘက္နားက ထြက္ခဲ့ရင္
သင့္ ရင္ထဲမွာ ခံစားခ်က္နည္းလာသလုိ အျခားသူကုိ အျပစ္ျမင္မူွ
လည္း ေလ်ာ့နည္းလာၿပီး ကိစၥေတာ္ေတာ္မ်ားမ်ားမွာ
သင္ ၿငိမ္းခ်မ္းေပ်ာ္ရႊင္လာပါလိမ့္မယ္။
သူငယ္ခ်င္း....
ေနတတ္ရင္ ၊ လက္ခံတတ္ရင္ အရာအားလံုးက
ေက်နပ္စရာေတြခ်ည္းပါပဲ။
Credit _ ေလးစားစြာျဖင့္♥ ♥ ♥
ဇင္းနစ္ မေကြး.
=============================
ဘဝနေထိုင်နည်း
------------------
( ၁ ) သိသလောက် မပြောပါနဲ့
ကိုယ်သိတာနဲ့ သူများက လက်ခံထားတာ မတူညီနိူင်ပါဘူး
လူတစ်ယောက်ရဲ့ လက်ခံနားလည်မူှဆိုတာ အရွယ်နဲ့ဆိုင်သလို
သူကြုံတွေ့ခဲ့ရသော ဘဝအတွေ့အကြုံ ၊ အတွေးအခေါ်နဲ့
ဆိုင်ပါတယ်။ အသက် ၁၈ နှစ်အရွယ် လူငယ်တစ်ယောက်ကို
မိန်းမယူတာ ၊ ရည်းစားထားတာ မကောင်းဘူး အပူမရှာနဲ့
တရားရှာလို့ သွားပြောရင် လက်ခံမှာ မဟုတ်ဘူးလို့ ထင်ပါတယ်။
ပါးစပ်မှာ ခဲဖျက်မပါသလို စကားဆိုတာကလည်း တန်ဖိုးထားတတ်
သူနဲ့သာ သင့် စကားတွေက တန်ဖိုးထားခြင်း ခံရမှာပါ။
( ၂ ) အမြင်မတော်ရင် မျက်နှာလွဲနေပါ
အမြင်မတော်တာတွေ့တိုင်း ၊ မှားနေတာတွေ့တိုင်း မပြောပါနဲ့
အမြင်မတော်တိုင်းသာ ပြောနေမယ်ဆိုင် သင် ရွာပြင်
အထုတ်ခံရပါလိမ့်မယ်။ ဘာလို့လဲဆိုတော့ လူအများစုက ကိုယ်လုပ်
တာ ကိုယ်မှန်တယ်ထင်နေပြီး အမှန်တရားကိုထောက်ပြရင်
သူတို့ကို အရှက်ခွဲတယ်ဆိုပီး သင့်ကို အမြင်စောင်းကြပါလိမ့်မယ်။
လူအများအရှေ့မှာ ဖက်နမ်းနေပီး အမြင်မတော်သော အပြုအမူများ
လုပ်ဆောင်နေသော ချစ်သူနှစ်ဦးကို "မင်းတို့ မရှက်ကြဘူးလားကွာ"
လို့ သွားပြောရင် သင့်ကို အထင်လွဲသွားပါလိမ့်မယ်။
( ၃ ) ကြားတိုင်းမယုံပါနဲ့
နားဆိုတာက အကြားအာရုံဖြစ်သောကြောင့် သင့် နားထဲကို
ဟုတ်တာ ၊ မဟုတ်တာ ၊ မှန်တာ ၊ မမှန်တာ အကုန်ကြားနေရပါလိမ့်
မယ်။ ကြားနေတိုင်း လိုက်ခံစားနေရင် သင့် မှာ နှလုံးသား အပိုမပါ
သလို ဦးနှောက်လည်း အပိုမပါဘူးလေ။ လူတစ်ချို့က သင့်ကို တစ်မျိုး
ပြောမယ် ၊ နောက်လူတစ်ချို့က သင့် ကိုတစ်မျိုးလာပြောကြပါလိမ့်မယ်။
ဘယ်သူတွေက ဘာတွေပဲပြောပြော ကိုယ့်ဦးနှောက်နဲ့ ချင့်ချိန်ပီး
နှလုံးသားနဲ့ တော်သင့်ရုံပဲ ခံစားပါ။
မြင်ရင်မြင်တယ်လို့ မှတ် ၊ ကြားရင် ကြားတယ်လို့မှတ်ပြီး
လောကမှာ ဖြစ်ပျက်နေတဲ့ အရာတော်တော်များများကို
သင်လက်ခံလာနိူင်ရင် သင့် ပါးစပ်ကလည်း သင့်တော်သော ၊
အမုန်းမပွားသော ၊ အများလက်ခံနိူင်သော စကားကို
ပြောဆိုလာပါလိမ့်မယ်။
နူှတ် ကိုစောင့်စည်းလာနိူင်ခြင်းသည် လူမုန်းနည်းလာမယ်။
အမြင်ကျယ်ကျယ်ကြည့်လာနိူင်ပြီး အကောင်းမြင်စိတ်များလာရင်
သူရော မိမိပါ အေးချမ်းလာပါလိမ့်မယ်။
နားကကြားခဲ့သမျှကို ဟိုဘက်နားကဝင်ပြီး ဒီဘက်နားက ထွက်ခဲ့ရင်
သင့် ရင်ထဲမှာ ခံစားချက်နည်းလာသလို အခြားသူကို အပြစ်မြင်မူှ
လည်း လျော့နည်းလာပြီး ကိစ္စတော်တော်များများမှာ
သင် ငြိမ်းချမ်းပျော်ရွှင်လာပါလိမ့်မယ်။
သူငယ်ချင်း....
နေတတ်ရင် ၊ လက်ခံတတ်ရင် အရာအားလုံးက
ကျေနပ်စရာတွေချည်းပါပဲ။
Credit _ လေးစားစွာဖြင့်♥ ♥ ♥
ဇင်းနစ် မကွေး.
No comments:
Post a Comment